حجزت لباريس واحتاج شوركم

danahfahad · 20-03-2015, 04:49 PM

بسم الله الرحمن الرحيم
اولا اشكر اعضاء المنتدى الجميل الي مايبخلون على احد بالراي
ثانيا انا حجزت لباريس تاريخ 8-4 الى 13-4 اربع ليالي بتكون باذن الله في باريس وليله بتكون في ذزني
ياليت تعطوني رايكم بالمخطط الي سويته الفندق بصراحه فريت وفريت وفريت مالقيت فندق مناسب من ناحية الموقع والسعر اخر شي صفيت على فندق بست وسترن لو كوليزيه موقع قريب مره من الشانز وسعرة مناسب و الفندق الي ذزني لسى مالقيت ياليت الي يعرف فندق رخيص اليله 500 ويكون فيه توصيل من والى الملاهي ونظيف يفيدني
طبعا الاماكن الي في بالي بروح لها ان شاءالله
متحف اللوفر - فصر فرساي - متحف الشمع- برج ايفل- الحي الاتيني اليوم الاخير بيكون باذن الله في الاوت لت ودزني لاند
ياليلت تساعدوني في ترتيب الجدول وكمان كيف اوصل لهذي الاماكن بالمترو لان باذن الله ناويه اعتمد على المترو في التنقلات اوفر
حنا شخصين انا وزوجي حاطين ميزانيه تقريبا 250 الى 300 يورو في اليوم طبعا بدون شوبنق وذزني تقريبا 400 يورو للشخصين وياليت الي عنده فكره عن سوق اليوهود يفيدني سمعت انه رخيص وفيه اشياء حلوه
وكمان قريت مواضيع كثير عن المترو بس انلحس مخي ياليت تساعدوني كيف اوصل للاماكن السياحيه من الشانز وايش افضل نوع كرت استخدمه علما باني الرحله من الاربعاء 8 العوده الاثنين الصباح 13
سوري طولت عليك بس انتظر اراكم

سعود بن محمد · 20-03-2015, 08:14 PM

الجدول المقترح:

الاربعاء
ميدان الأوبرا (محطة Opera)
متحف الشمع (يمكن المشي له من ميدان الأوبرا)
الشانزليزيه (محطات كثيرة، والأفضل اختيار محطة بدون تنقلات)

الخميس
متحف اللوفر (محطة Palais Royal - Musée du Louvre)
كاتدرائية نورتدام (محطة Cité)
الحي اللاتيني (الأسهل أن تمشون إليه عبر الجسر ويبدأ بالقرب من محطة Saint-Michel)

الجمعة
فصر فرساي (محطة Versailles - Château)
برج ايفل (محطة Trocadéro أو Bir-Hakeim)

السبت
دزني لاند (محطة Marne-la-Vallée - Chessy)

الأحد
دزني لاند
الاوتلت (يمكن المشي له من الفندق المقترح)

* اقترح هذا الفندق فهو يقع عند محطة القطار تماماً، ودزني لاند تقع في المحطة التي تليه:
Residhome Val d'Europe

* بالنسبة للمترو، فاقترح استخدام هذا التطبيق فهو سهل ويساعدك على معرفة تفاصيل الرحلات الدقيقة. كما أنصح بعد شراء بطاقات معينة، وإنما تشترون تذاكر كل رحلة لوحدها فهي أوفر لكم.

danahfahadمعجبون بهذا.

وجهات أوروبية · 21-03-2015, 02:57 AM

اقتباس : المشاركة الأصلية كتبت بواسطة danahfahad

بسم الله الرحمن الرحيم
اولا اشكر اعضاء المنتدى الجميل الي مايبخلون على احد بالراي

العفو اختي الجماعه ماراح يقصرون ان شاء الله معك وانتي تستاهلين كل خير

ثانيا انا حجزت لباريس تاريخ 8-4 الى 13-4 اربع ليالي بتكون باذن الله في باريس وليله بتكون في ذزني
ياليت تعطوني رايكم بالمخطط الي سويته الفندق بصراحه فريت وفريت وفريت مالقيت فندق مناسب من ناحية الموقع والسعر اخر شي صفيت على فندق بست وسترن لو كوليزيه موقع قريب مره من الشانز وسعرة مناسب و الفندق الي ذزني لسى مالقيت ياليت الي يعرف فندق رخيص اليله 500 ويكون فيه توصيل من والى الملاهي ونظيف يفيدني

اختي بخصوص فندق في دزني وتوصيل مجاني الوحيد الي حصلته هذا
بس اعلى اشوي من 500 ريال

Booking.com: ظپظ†ط¯ظ‚ ظ…ط§ط¬ظٹظƒ ط³ظٹط±ظƒط³ ظپظٹ ط¯ظٹط²ظ†ظٹ ظ„ط§ظ†ط¯آ® ط¨ط§ط±ظٹط³ - ظ…ط§ظ†ظٹ ظ„ظˆ ط£ظˆظ†ط؛ط±, ظپط±ظ†ط³ط§

هذا الي مكتوب عندهم

العاب

بس من تعليقات الزباين ان الفندق عليه ملاحظات
ومنها ان الباص الي ينقلكم لين الملاهي يمر على 3 فنادق قبلكم ويوصل الفندق مزدحم
ارجو الانتباه لهذي الملاحظه

طبعا الاماكن الي في بالي بروح لها ان شاءالله
متحف اللوفر - فصر فرساي - متحف الشمع- برج ايفل- الحي الاتيني اليوم الاخير بيكون باذن الله في الاوت لت ودزني لاند
ياليلت تساعدوني في ترتيب الجدول وكمان كيف اوصل لهذي الاماكن بالمترو لان باذن الله ناويه اعتمد على المترو في التنقلات اوفر
حنا شخصين انا وزوجي حاطين ميزانيه تقريبا 250 الى 300 يورو في اليوم طبعا بدون شوبنق وذزني تقريبا 400 يورو للشخصين وياليت الي عنده فكره عن سوق اليوهود يفيدني سمعت انه رخيص وفيه اشياء حلوه
وكمان قريت مواضيع كثير عن المترو بس انلحس مخي ياليت تساعدوني كيف اوصل للاماكن السياحيه من الشانز وايش افضل نوع كرت استخدمه علما باني الرحله من الاربعاء 8 العوده الاثنين الصباح 13

ههههههههههههه حلوه انلحس مخي
اختي مايهمج ان شاء الله بنمشي معك خطوه بخطوه ان شاء الله الكل ماراح يقصر
بخصوص الاماكن الي ذكرتيها انا كنت مجهز جدول لــــ 6 ايام با الاماكن ومحطات المترو
وطبعا المده الي بتجلسونها اقل بس ممكن نفلتر الجدول ونطلع بأهم الاماكن حق 4 ايام
وطبعا ماكنت ذاكر بالمخطط متحف الشمع لانه الكثير مايرغبون بزيارته لكن ان بغيتي ممكن اضيفه واحط لج محطه المترو القريبه منه
وطبعا المخطط موجود تحت بالمشاركه .

بخصوص كرت المترو
ممكن تاخذون كارت لمده خمس ايام زون (1-3)
قيمه الكارت للشخص الواحد 39.30
طبعا زون 1-3 ياخذج لمعظم الاماكن الي تحتاجينها
ماعدا ( فرساي - دزني لاند )
لان قصر فرساي في زون 4
ودزني لاند في زون 5

اذا تبغين تاخذين كارت من زون (1-5) لمده خمس ايام 67.40 يورو للشخص الواحد

سوري طولت عليك بس انتظر اراكم

الاجابه باللون الاحمر فوق

بخصوص الاماكن المذكوره ومحطات المترو القريبه منها
شوفي خرايط الاماكن واختاري الي تبغين تزورينها
وان شاء الله نفلترها لج

1

العاب

محطات المترو

1- محطه مترو قوس النصر Charles de Gaulle - ةtoile
و (RER) رير الاحمر A
2- اهم محطه في الشانز george v
3- بالشانز Franklin D. Roosevelt
4- محطه ساحه الكونكورد وساحه فاندوم Concorde

2

العاب

محطات المترو

1- اقرب محطه لبرج ايفل Bir-Hakeim
و (RER) رير Champ de Mars - Tour Eiffel

2- محطه مترو الحي اللاتيني Saint-Michel
وتقدرون تروحون حديقه لوكمبورغ مشي

3- اقرب محطه لحديقه لوكسمبورغ RER- Luxembourg الازرق

3

العاب

محطات المترو

اقرب محطه للكوفي وجوله نهر السين Alma - Marceau

4

العاب

محطات المترو

اقرب محطه للأوبرا Opéra
وللجاليري لافاييت Chaussée d'Antin - La Fayette
هضبه مونمارت Anvers

5

العاب

محطات المترو

حطه اللاديفانس والمجمع La Défense ( اخر محطه )
حديقه بولونيا Porte Maillot (على نفس خط اللاديفانس قبلها بمحطتين )

6

العاب

محطات المترو

مدينه بيرسي محطه مترو Cour Saint-ةmilion
المجمع التجاري + بريمارك محطه Créteil - Préfecture

ــــــــــــــــــــــــــــــــــــــــــــــــــ ــــــــــــــــــــــــ
ــــــــــــــــــــــــــــــــــــــــــــــــــ ــــــــــــــــــــــــ

بالنسبه لمتحف الشمع في باريس اسمه Musée Grévin
ومحطه المترو القريبه منه Richelieu - Drouot

ويفضل الذهاب له بنفس اليوم لو بغيتو تزورون ساحه الاوبرا ومجمع جاليري لافاييت لانه معاهم بنفس المنطقه

ــــــــــــــــــــــــــــــــــــــــــــــــــ ـــــــــــــــــــــــــ
ــــــــــــــــــــــــــــــــــــــــــــــــــ ـــــــــــــــــــــــــ

اما متحف اللوفر
اقرب محطه مترو لها هي

# Palais Royal
او
Louvre - Rivoli
الثنتين جنب متحف اللوفر

واذا بغيتي تروحين جسر العشاق

جنب متحف اللوفر ناحيه النهر

ــــــــــــــــــــــــــــــــــــــــــــــــــ ـــــــــــــــــــ
ــــــــــــــــــــــــــــــــــــــــــــــــــ ـــــــــــــــــــ

بالنسبه لفرساي
اسم المحطه Versailles - Château
تروحين له عن طريق الرير الاصفر C

بالنسبه للرير الاصفر C
يطلع من محطه champ de mars-tour eiffel ,وموقع المحطه جنب برج ايفل

خليني اشرح لج احاول اوضح لج الصوره
بالقرب من برج ايفل في محطتين

1- محطه Bir-Hakeim
هالمحطه محطه مترو عاديه غالبا اذا بتروحين برج ايفل تنزلين منها وتروحين البرج

2- المحطه الثانيه champ de mars-tour eiffel جنب المحطه الي فوق
هي الي فيها الرير الاصفر C

يعني من اي مكان انتي تروحين الى محطه بير حكيم ومنها تمشين الى محطه شامب دي مارس ايفل

اتمنى وضحت الصوره اشوي

اي استفسار او توضيح حددي لي تبغينه وابشري ان شاء الله

danahfahad · 23-03-2015, 10:24 PM

السلام عليكم مرررره شكرا اخوي qa6ar911 واخوي سعودعلى ارائكم الي ساعدتني ارتب الجدول وياليت تعطوني رايكم
تقريبا الوصول بيكون 2 الظهر وخلال ساعتين الى ساعتين ونص نكون في الفندق بعدها الى ميدان الأوبرا محطة Oper ( ايش اسم المحطه الي اطلع منها الى محطة الاوبرا )
ميدان الأوبرا محطة Oper
متحف الشمع (يمكن المشي له من ميدان الأوبرا
ولجاليري لافاييت Chaussée d'Antin - La Fayette بما انهم قريبين من بعض
اليوم الثاني
برج ايفل محطة و الحديقة Trocadéro أو Bir-Hakeim
من الشانز الى محطة Bir-Hakeim من الصباح الساعه 9 تقريبا الى 12 وبعدها الى
فصر فرساي محطة Versailles - Château)
اروح لمحطة champ de mars-tour Eiffel ومنها با الرير الاصفر الى محطة قصر فرساي Château
اليوم الثالث
بيكون الاوت لت من الصباح الى الظهر ثم دزني لاند طبعا على حسب اذا كان في دزني صناديق امانه بحيث لو اشتريت احط الاغراض فيها ولو ماحصلت راح اكنسل الاوت لت طبعا كنسلت الاوتيل حق دزني لان الحوال الجويه ماش ماتطمن ممكن يجي مطر وما استفيد من الروحه لزني فاقلت اكنسل الاوتيل واخليه حسب الجو اذا مناسب مسكنا المترو اذا مطر نكنسل - بعد اذنكم احتاج المحطه الي اطلع منها من الشانز الى دزني
اليوم الرابع
متحف اللوفر
Louvre - Rivoli او Palais Royal
وبعدها جسر العشاق ( لوووووووووول)
بعدها اذا فيه وقت بيكون الشانزليزيه و ساحه الكونكورد وساحه فاندوم
اليوم الخامس
لسى ما رتبته ( الحي الاتيني – سوق اليهود .... ماعرف ايش احط فيه ساعدوني
طبعا لسى مالقيت فندق محتاره بين
بست وسترن لو كوليزيه
Idol Hotel by Elegancia
لو آه
إليزيه 8

سعود بن محمد · 24-03-2015, 11:18 AM

(ايش اسم المحطه الي اطلع منها الى محطة الاوبرا)
أقرب محطة لفندقكم هي Franklin D. Roosevelt. عليك ركوب القطار بالخط الأخضر (رقم 9) باتجاه Mairie de Montreuil ، ثم النزول في المحطة الخامسة Chaussée d'Antin - La Fayette، والمشي إلى لافييت، وذلك أسهل من تبديل القطارات، لأنه لا ويجد خط مباشر بين محطة Franklin D. Roosevelt ومحطة Opéra .

(برج ايفل محطة و الحديقة Trocadéro أو Bir-Hakeim)
محطة Trocadéro هي الأسهل لأنها تقع على نفس خط محطة Franklin D. Roosevelt .

(قصر فرساي محطة Versailles - Château)
الأسهل هو الانطلاق من نفس محطة Trocadéro .

(بيكون الاوت لت من الصباح الى الظهر ثم دزني لاند)
لا أعتقد بأن الوقت كافي لزيارة المكانين في نفس اليوم.

(احتاج المحطه الي اطلع منها من الشانز الى دزني)
محطة Charles de Gaulle - Étoile باتجاه محطة Marne-la-Vallée - Chessy لدزني لاند، أو المحطة التي تسبقها Val d'Europe للأوتلت.

فيصل · 25-03-2015, 02:51 AM

مساله ان الجمعه ات لوت وديزني بيكون زحمه
خلوها الخميس

بعد اللوفر زوالعشاق الحي اللاتيني لانه كله مشي ويكون قريب من بعض

danahfahad · 27-03-2015, 01:36 PM

شكرا اخوي سعود ماقصرت
اليوم الاول من الفندق لمحطة Franklin D. Roosevelt ثم كوب القطار بالخط الأخضر (رقم 9) باتجاه Mairie de Montreuil ، ثم النزول في المحطة الخامسة Chaussée d'Antin - La Fayette، والمشي إلى لافييت، ومتحف الشمح ومجمع جاليري لافيت والعشاء في اي مطعم في المجمع بعدها العود على نفس المسار الى الفندق
اليوم الثاني
من الفندق الى محطة محطة Franklin D. Roosevelt ثم محطة Trocadéro لزيارة برج ايفل من الساعه 9 الى 12
ثم من نفس المحطة الى محطة قصر فرساي Versailles - Château (كيف العودة من القصر الى الفندق )

اليوم الثالث
بيكون الاوت لت ودزني محطة Charles de Gaulle - Étoile باتجاه محطة Marne-la-Vallée - Chessy لدزني لاند، أو المحطة التي تسبقها Val d'Europe للأوتلت
هل محطة Charles de Gaulle - Étoile موجودة في الشانز وهل يكون يوم الخميس في دزني عروض ومهرجانات لاني فكرت اخليها الجمعه او السبت عشان العروض وطبعا على حسب الجو اذا يناسب اروح لدزني او لا

اليوم الرابع
متحف اللوفر
Louvre - Rivoli او Palais Royal
وبعدها جسر العشاق والحي الاتيني
بعدها اذا فيه وقت بيكون الشانزليزيه و ساحه الكونكورد وساحه فاندوم
اليوم الخامس
ممكن سوق اليهود واماكن التسوق (اعطوني اماكن رخيصه للتسوق ).....

.................................
وياليت تعطوني اسماء مطاعم حلوه واسعارها مناسبه اهم شي عندي مطاعم الفطور طبعا اموووت على اكل الشوراع والكوشكات
وكمان كيف من المطار الى الفندق اخذ اي قطار ومحطة

وجهات أوروبية · 27-03-2015, 07:06 PM

مرحبا اختي دانه

اسمحي لي امشي معاج خطوه بخطوه مع الجدول وفي بعض النقاط لازم اتوقف عندها

اليوم الاول :

بالنسبه للمشي الى لافاييت وجاليري لافاييت
هناك مافي الا مجمع جاليري لافاييت فقط مافي شي ثاني لافاييت
وممكن تروحون متحف العطور Musée du Parfum جنب الاوبرا اذا عندكم وقت

بالنسبه للعشى ممكن تروحون مطعم نورا اللبناني جنب الاوبرا تقريبا خمس دقايق مشي
العنوان :
29 Boulevard des Italiens
75002 Paris
رقمهم 33135340035+

ملاحظه :
مجمع جاليري لافاييت اذا اشريتي من المجمع اي شي ممكن تاخذون التاكس فري كاش من داخل المجمع بدل المطار
على اساس يمكن ينفعكم المبلغ وقليله الاماكن الي ترجع لك المبلغ بهذي الطريقه
والمكتب موجود تحت في المجمع جنب شركه الروكلس للساعات
بشرط تكون مشترياتكم بالفيزا ( اذا كانت مشترياتكم كاش او بطاقه البنك ATM مايرجعون لكم لازم بالمطار )

تنبيه :

في ساحه الاوبرا على وجه الخصوص انتبهي يجون لج عدد من البنات في سن المراهقه اشكالهم نفس اللاتينيين او الشرق اسيوي
ويجون جنبج ويسون ربكه لج على اساس انهم بيسألونج عن شي ووحجه تكون وراج وتفتح الشنطه وبخفه يد تاخذ فلوسكم او اغراضكم

-----------------------------------
بالنسبه لليوم الثاني
الذهاب لبرج ايفل من محطه Bir-Hakeim
وايضا تقدرين تنزلين من محطه كركاديرو اذا تبغين تتمسين جنب الماي والحديقه

-----------------------
بالنسبه لليوم الثالث :
اي اختي محطه محطه شارل ديغول ايتوال الي تاخذين من الريل الاحمر موجوده المحطه في دوار قوس النصر بالشانز

وتقدرين من فندقكم تركبين في محطه Franklin D. Roosevelt
على الخط الاصفر 1المتجهه الى محطه شارل ديغول ايتوال
وبتمرين على محطه بينهم لاتنزلين بها وهي بوسط الشانز اسمها George V
يفضل الذهاب الى دزني الخميس والجمعه مش بطال

بالنسبه لما يسمى سوق اليهود Abukir تنزلين في محطه Sentier لون الخط الزيتي خط رقم 3
وفي شوارع متفرعه من abu Abukir ايضا عندهم محلات رخيصه وبالجمله

بالنسبه لمطاعم الفطور الكشكات
منتشرين بكل مكان في الشانز
بس انا يوميا اتريق في paul مابين محل H&M ومحل سيفورا

بالنسبه للمترو من المطار الى فندقكم
يفضل تاخذون لكم سياره من المطار على اساس عندكم شنط وجايين من سفر ياخذ عليكم بحدود 100 يورو

على العموم خط المترو هو :

من مطار شارل ديغول تاخذون الرير الازرق B
وتنزلون من المترو لما توصلون محطه chatelet
ومن هالمحطه تاخذون الخط الاصفر رقم 1
المتجه الى محطه Franklin D. Roosevelt وتنزلون بها

بالتوفيق

سعود بن محمد · 28-03-2015, 09:23 AM

(كيف العودة من القصر الى الفندق)
باستخدام نفس الخط الأصفر إلى محطتكم. كما أنصحك وبشدة تنزيل تطبيق Visit Paris By Metro ، فهو واضح وسهل وسيختصر عليك أشياء كثيرة.

(هل يكون يوم الخميس في دزني عروض ومهرجانات)
حسب علمي فالعروض يومية، والأفضل تحاشي الازدحام في ايام العطل الاسبوعية.

(كيف من المطار الى الفندق اخذ اي قطار ومحطة)
الأسهل والأسرع هو استخدام سيارة الأجرة.

danahfahad · 30-03-2015, 08:31 PM

هل البرنامج ينفع لجوال جالكسي او فقط اي فون

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أخطاء يقع بها المسافرون لباريس نصائح وتوجيهات	أرجنتيني للابد	بوابة فرنسا	17	30-06-2018 11:42 PM
برنامج مبدئي لباريس مدة 6 أيام	Coolyaman	بوابة فرنسا	8	05-07-2015 09:08 AM
تائهة واحتاج المساعدة	BSMAH	بوابة امريكا	2	24-06-2015 10:19 AM
حجزت شقه وتوهقت :(	najla90	تركيا	11	14-06-2015 02:33 AM
مسافر في مارس وابي شوركم	راشد الراشد	تركيا	13	17-01-2015 11:57 PM