السلام عليكم
انا الان في لندن لي يومين والحمدلله اخذت سكن في كنغستون امس كان حر. واليوم الجو جميل وبراد صدمتي بلندن. رحت الهايد بارك امس متحمسه تفاجئت بالاهمال فيها مافيه اي اهتمام والزرع اصفر ما اشوف فيه رش
صدمتي الثانيه بشوارعها مافيه نظافه ابد اكوام زبايل بكل خطوه تمشيها ولافيه حاويات كثيره غير وصخ الكلاب الله يكرمكم بكل مكان
صدمتي الثالثه الغلا الفاحش سمعت انها غاليه لكن جدا غاليه خاصه لما يكون عدد الاشخاص 5 وفوق علبه الماء والبيبسي ي ب6 ريال الشاورما اخذناها من مروش الحبه تقريبا 35 ريال خبز التوست وصغير ب 12 ريال لا له طعم ولا ريحه
مطعم مسكوف تغدينا ب 800 ريال فقط صحن مشاوي وصحنين مقبلات وصحن ورق عنب
يعني اشوف اللي ميزانيته محدوه ومعه عائله لندن غاليه ماتنفع له
الباصات وسيله جميله وسريعه لكنها غير مكيفه والوقوف تقريبا اقل من دقيقه ياتلحق او ماتلحق طبعا الانجليزي يعشقون تربيه الكلاب في تشوف في الشارع تنافس كل واحد معه ثنين ثلاثه او حتى خمسه الشحاذين بكل مكان وجميع الجنسيات
الايجابيات
اعجبني التمشي بشوارعها والعالم والناس. اشكال غريبه عجيبه تشغلك عن مساوئ لندن. الان عندهم تخفيضات تحصل ملابس وجزم والخ اسعار جميله برضو محل بريماك جميل وفيه اشياء تستاهل
الى الان ماتعديت هالاماكن وغدا ان شاءالله نروح الى سوق كامدن ونهر التايمز واعلمكم وش الجديد.
انا الان بحيره حجزنا لمده 20 يوم تقريبا. نص اللي معي متملمين ماعجبتهم لندن. حبيت اسالكم انا جايه على الخطوط طيران الخليج هل بالامكان تقديم الحجز بدل 20 يوم 14 يوم

ليش ما تطلعون لمدن ثانيه غير لندن
لندن بالصيف زحمه
واكيد غالي دام انتو رايحين الاجور رود والمطاعم العربيه معروفه استغلال للعرب

انا اوصيج اطلعي بره لندن وشوفي الطبيعه الخضراء في البحيرات

هايد بارك مافيها رش بالصيف الجو حار والناس زحمة فأكيد بتيكون الزرع اصفر مافي مطر

اون شاءالله الاماكن اليايه تعجبكم

المشروبات روحي السوبر ماركت في تلاقين ٦ علب بيبسي ب ٢ باوند والماي فيه كرتون ب ١ باوند
وفي اشياء ثانيه
ما يحضرني اسم السوبر ماركت بس موجود بالاجور رود
ليست البقالات العربيه لا لا هو سوبر ماركت انجليزي

وش رايك بمانشستر تنصحيني فيها. انا معاي صغار بعمر 12 و15 واخاف يملون لو طلعت للبحيرات او مانشستر احنا رحنا لندن ظروف عمل زوجي وليس وجهه سياحيه فاخذناها 10 ايام عمل والبقيه سياحه اما الان احس الوضع اختلف ويكفي لندن 10 ايام فقط اعطيني مكان مافيه زحمه والجو يكوت بارد ويجمع تسوق وطبيعه

وعليكم السلام ...
- الزبايل اللي تقولين اكيد بسبب جمعها لليوم الثاني .
- الهايد بارك لان الان شهرين بدون مطر وهذي ماقد صارت ابدا ... اكثر شي يجلسون 10 ايام بدون مطر .
- فيه محلات اسمه باوند لاند https://www.poundland.co.uk/ l موجوده بكل مكان واكيد حولكم واحد وهي اسعارها مقبوله (يعني 4 علب او 6 مويع بباوند واحد وفيه عروض على المشروبات والسناكات .
وفيه هذي المتاجر https://www.iceland.co.uk/ بعد رخيصه وعندهم اكل جاهز مفرزن اذا سكنكم فيه ميكرويف خذوا منهم واكلهم مره لذيذ وهو نفس اللي يباع في المطاعم ب 10 و 20 باوند بس بتاخذونه ب من 1 الى 4 باوند للوجبة .

- الاكل في المطاعم العربية معروف .. يعني جايين من السعوديه مثلا عشان تاكلون شاورما والا مشاوي .. اكيد بيرفعون عليكم خمس اضعاف مقابل خدمه اقل من المستوى .. وعموما معروف المطاعم والمواصلات هنا غاليه .

- التمشيات مليانه انتم بس رحتم للهايد بارك وحولها .. بكره بيتغير رايكم مع كامدن والتايمز .. ولاتنسون كوفنت قاردن .. والمشي من عند عين لندن ( خلوها على يساركم ) وامشوا بمحاذاة النهر مليان تمشيات ودخلات على اليمين الى جسر برج لندن هذا بياخذ منكم يوم تقريبا . والاماكن مره كثيرة بس المشكلة الحقيقية الان الحر والشمس بس اذا غيم يزين .. والقسم مليان مررررررره اماكن تمشيات بالصور وحرام تنقصون من ايامكم عشان شفتوا الهايد بارك يابسه !!

مشكورين وجزيتم خيرا وان شاءالله نشوف الافضل الايام الجايه
ابو عبدالله اي ناكل اكل عربي هو اللي يناسبنا وحلال باقي اكلهم مانعرف من ايش مكون ونشتري سناكات كيك وشيبسات تمشي الحال
انا بجلس بلندن 10 ايام والاسبوع الاخير ودي اطلع منها لاني اصلا ماعملت حجز سكن لها وبقيمتها اقدر اخذ سكن في مانشستر وتذاكر للقطار دخلت بوكينج وشفت فرق السعر في السكن عن لندن
عموما انا لندن حبيتها واعرف ان كل بلد فيه ايجابيات وسلبيات. لكن من كثر ما اسمع عنها توقعت انها افضل من اللي شفت
وان شاءالله ابشركم بالاخبار الزينه والتمشيات باقي الايام

انا اقول لج اكثر من ينصب في لندن هم العرب
فيعني لا تحسبين ان المطاعم هناك تاخذ الدجاج المذبوح حلال
فعادي ياخذون من المزارع او الشركات الانجليزيه
فشنو ضمانج انه حلال ؟

فاحسن شي
سمي وأكلي

رجعت لكم مره ثانيه. حبيت اقولكم وين رحت في لندن الايام اللي فاتت
في البدايه اصبنا باحباط من الطقس. الجو حار واحيان مايكون فيه هواء الا في بعض الايام. والله يزين باقي الايام وينزل المطر
الخميس رحنا لكوفنت جارد هو المكان الوحيد اللي عجبنا وعجب الصغار وطلعنا منها لكامدون تاون برضو كانت ممتعه
امس رحت لسوق السبت كان ممتع ومزحوم
اليوم حديقه الغزلان ريشموند بارك بعيده قليلا وصراحه ماعجبتنا ابد كبيره جدا وتحتاج مشي كثير والعشب اصفر وحر
المنزل قريب جدا من حدائق كنغستون افضل شي الجلوس عند بحيرتها
ادري تحبون لندن وهذا رايي الشخصي وماشاهدت يمكن الجو له دور حنا طلعنا من مكان حار نبغى مكان بارد ومطر لكن لاشي من هذا
رايي اللي معي اغلبهم يعدون الايام يبون يرجعون ماعجبتهم ابد اكثره مشي ومتعب للصغار كثر التنقلات
اما انا عجبتني الحياه والحركه فيها برضو مو نفس اللي تخيلت. يعني حبيتها ولاحبيتها ومازلت انتظر اشوف الاجمل فيها