تجربة قيادة السيارة في بريطانيا عموما ولندن بشكل خاص.. - الصفحة 3

abumohmd · 26-07-2018, 10:26 AM

اقتباس : المشاركة الأصلية كتبت بواسطة ابو عبدالله

حيا الله ابو محمد
الجي بي اس ينتظر بس رصاصة الرحمه ... قوقل ماب غطى على الجميع بس ينقصه كم شغلة مثل سرعات الطريق ... الميزة الوحيده للجي بي اس انه يعلمك اماكن كاميرات السرعه فممكن تخليه يشتغل عشان كذا وتتابع الجوال والحين خلاص لازم شنطة السفر تحتوي على ( حامل للجوال ) عشان السيارة .

- مشكلة السفر في بريطانيا هي اوقات الذروة وتفرق بشكل كبير مثلا لندن وقت الذروة ياخذ المشوار لها تقريبا من 3 الى 4 ساعات وخارج وقت الذروة ساعة وحده الى ساعه ونص بالكثير واعتقد من اسباب المشكلة عندهم هي السرعه ( اجل فيه احد بهالوقت يمشي على طريق سريع 70 ميل يعني 110 كيلو !!! ) وعلى طاري السرعات فهم الاساس ان السائق المجتاز لامتحان الرخصه يعرف السرعات الاساسية للطريق ومايكون فيه لوحة سرعة الا اذا كانت السرعه تخالف السرعة الاصلية . مثلا :
- اذا كنت تسوق داخل المدينة وفيه انوار للشارع فالسرعه الاساسية 30 الا اذا وجد لوحه تخالف الشي هذا .
- اذا تسوق بشارع بدون انوار للشارع فالسرعه 60 الا اذا وجد لوحة .
- السرعه على الطرق السريعة 70
- لوحة السرعة القصوى مثل اللي هنا اذا وجدت يكون معناها السرعه القصوى حسب نوع الطريق وانت كقائد مركبه مطلوب منك تعرف انواع الطرق ( الرخصة البريطانيه تعتبر من اقوى انواع الرخص في العالم ) .

- المواقف موضوعها يطول واتفق معك ان اسعارها ججدا غاليه .
- الدفع للمواقف بواسطة التطبيق امر مريح جدا وتقدر تمدد ساعات وقوفك على كيفك وكل مكينة مكتوب عليها نوع التطبيق واغلبها من شركة Ringo Go https://www.myringgo.co.uk/bookparking
- التأمين مهم جدا خصوصا ممكن مثل ماصار معك يصدمك احد ويهرب وانت تتحملها!! واللي يخلي السائق يحاول يهرب ان بوليصة تأمينه بترتفع عند التجديد + اضافة نقاط لرخصة قيادته = الهرب حل لمشاكله هذي ..

ازعجتك وهو موضوعك

متابع لك

الله يسعدك عزيزي ابو عبدالله

الا والله اسعدتني وسريتني كثير..
واضافاتك رائعة جدا..
ومفيدة في الهدف اللي كتب من أجله الموضوع

بس الله يستر من السرعة اذا كانت فعلا 70 وانا ما غير اطامر مع اللي يسرعون بعض المرات..
يارب انها ماصادتني كاميرا من كاميراتهم

لكن قصر الاخبار بالسرعة فقط لمن معه رخصة بريطانية اشوف انه غير منطقي او عادل
خاصة للي مثلنا كسياح.. كيف يعرف حد السرعة القصوى..؟

لاتحرمنا عزيزي ابو عبدالله من اضافاتك المميزة والجميلة..

ابو عبدالله و توبليرون معجبون بهذا.

بوصلووح · 29-07-2018, 10:40 AM

موضوع رائع و يشجع الواحد على هذي الخطوة
انا تمنيت اسوق في بريطانيا بس خايف من عكس الاتجاه
خايف اعاكس و ادخل في الناس هههه
والله السواقة متعة غير انك تكون سيد نفسك توقف متى مابغيت
و تمر على الاماكن الجميلة تقدر توقف و تصور .. تنزل تطلق رجلك شوي
عكس المواصلات العامة تقييد و حتى السايق

اشكرك اشكرك على نقل تجربتك المميزة
فعلا جرأتني على خوض التجربة

ابو عبدالله و توبليرون معجبون بهذا.

arabou · 31-07-2018, 11:36 PM

الله يعطيكم العافيه

توبليرونمعجبون بهذا.

abumohmd · 01-08-2018, 05:10 AM

اقتباس : المشاركة الأصلية كتبت بواسطة بوصلووح

موضوع رائع و يشجع الواحد على هذي الخطوة
انا تمنيت اسوق في بريطانيا بس خايف من عكس الاتجاه
خايف اعاكس و ادخل في الناس هههه
والله السواقة متعة غير انك تكون سيد نفسك توقف متى مابغيت
و تمر على الاماكن الجميلة تقدر توقف و تصور .. تنزل تطلق رجلك شوي
عكس المواصلات العامة تقييد و حتى السايق

اشكرك اشكرك على نقل تجربتك المميزة
فعلا جرأتني على خوض التجربة

حياك الله اخي بوصلووح

وشكرا لك مرورك وتعليقك
والمواقف في القيادة تحدث معنا كثيرا حتى في الدول اللي فيها المقعد مثلنا
لكن مع التاني والرفق والتركيز يتعود الانسان

واوافقك تماما في اهمية القيادة في السفر للخارج
من جميع النواحي اعتبرها جزء اساسي في نجاح السفر

توبليرونمعجبون بهذا.

abumohmd · 01-08-2018, 05:10 AM

اقتباس : المشاركة الأصلية كتبت بواسطة arabou

الله يعطيكم العافيه

الله يعافيك

وحياك الله

توبليرونمعجبون بهذا.

توبليرون · 20-08-2018, 02:05 AM

يعطيكم العافيه بومحمد وبوعبدالله
ماشاءالله علمتونا اشياء ما نفكر نسويها ببريطانيا وهي السواقه
احنا اخذنا سايق من ويندرمير لبالكبول يمشي بسرررعه قال له بوحسين خفف قال له هذا الطريق سرعته جذيه
بس ما اعتقد ٧٠ لانه كان اكثر من ١٠٠

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قيادة السيارة في بريطانيا	المسافر11	بوابة بريطانيا	14	25-07-2018 07:21 PM
رحلتي الاولى الى بريطانيا العضمى لخبراء دبلن وادنبرة ولندن	abummd968	بوابة بريطانيا	8	15-02-2017 09:01 AM
خبر عن تجربة بخصوص قيادة السيارة في النمسا	غريق الشوق	بوابة النمسا	16	27-05-2016 12:53 AM
بخصوص قيادة السيارة	ام عزام	بوابة المانيا	2	24-04-2016 05:31 PM
قيادة السيارة في اوروبا والتخوف يرجى المساعدة	witoo	بوابة المانيا	14	04-07-2015 02:23 AM