رحلتي إلى التاريخ السحيق في قرية EGUISHEIM

bufahad · 21-03-2015, 02:50 AM

السلام عليكم ورحمة الله وبركاته
هذه الحلقة كانت من المفترض إني أنزلها في رحلتي ((بادن بادن تركتك ...ولكن)) أيام المنتدى القديم لكن تأجلت.....
اليوم بأذن الله تعالى راح انزل هذا التقرير عن هذه القرية على تقع بالقرب من الحدود الألمانية، ونظرا لجمالها وتفردها بالمباني الأثرية القديمة منذ الزمن السحيق أرتيأت أن تشاركوني هذه الرحلة المميزة، والتي لم أجد تقارير كثيرة تغطي هذه القرية، البيوت اللي فيها مبنية من سنة 1115 تقريبا الى أحدث بيت فيها سنة 1540م.
...........................................
أثناء سكني في بادن بادن وأنا في الكويت كنت مخطط لهذه الرحلة ووضعتها في جدولي، ...
يوم قمت من النوم وتريقت عدل وكنت شاحن بطاريات الكاميره عدل عشان لا تخترب الرحلة علي....توكلت وحركت
....................
تبعد قرية EGUISHEIM الفرنسية عن بادن بادن تقريبا 140 كيلو متر ما يقارب ساعة وربع،،،،، وهذه إحداثيات مواقف السيارت تكون خارج القرية ممنوع احد يدخل بالسيارة
48.2.500n
7.18.587e

هذا خط مسار الرحلة من بادن بادن الى القرية....والجو غيم والقهوة معاي ....ومحمد عبده يقول: محبوبتي معزومة من ضمن المعازيم

هذا شكل القرية شبه مربع

هني وأنا اسوق وشوفت عينكم الغيم

سبحان الله على الطبيعة

هني صار لي موقف، قبل لا أدخل القرية وهذا الشارع مؤدي لها، وقفت السيارة على جنب عشان أصور وقمت نزلت الترايبود أو الحامل الثلاثي للكاميره، ويصنف مزاجي احطه على الخط الأبيض المتقطع وابي اصور لقطات ارضية، المهم وعقب ما صورت جم صورة، والتفت وراي ولا اشوف سيارة لاحقتني وواقفه على جنب وتبعد عني تقريبا 250 متر وفيها 2 ، وقفت اطالعهم ويطالعوني، ما ادري هم عصابة ولا مباحث ولا مرور، المهم واعطيهم طاف واركب سيارتي واكمل الرحلة الى مواقف السيارات ولا اهم وراي، ها المرة قربوا مني أكثر واعطيهم ظهري وامشي وادخل القرية

هذه تذكرة الموقف ضروري تحطونها على الطبلون عشان لا تخالفون

وهذه مواقف السيارات

وهذه الله يكرمكم الحمامات عند مواقف السيارات، يعني مو نظيفة وايد

هذه باصات القروبات السياحية، القرية جدا مشهورة وأنصحكم فيها

هذا الممر المؤدي للقرية

سبحان الله اول ما دخلت حاشني شعور غريب، ما ادري من شنو من ريحة الوروود العطره او يمكن من المباني من كثر ما هي قديمة

هذا فندق من سنة 1902 اول ما تدخلون القرية يصير على ايدكم اليمين

هذا الشارع الداخلي او ما تدخلون

وهذه الورود أهديها للعرب المسافرون وأعضائه الكرام

هذا اعتقد فندق ثاني

بعد ترى تو الناس للحين ما دخلنا الى عبق التاريخ، هذه كلها لمدخل القرية الرئيسي

من هنا يبدأ التاريخ القديم، هذا الممر الضيق أو بالكويتي (داعوس) يودي للبيوت القديمة وفي بعد ممرات ثانية

وهذه نافورة من المياه الطبيعية وشربت منها.......

الى هنا نقف ....ونلتقي في الحلقة القادمة

ام رزان ح.غ و الايمان معجبون بهذا.

fanda · 21-03-2015, 05:41 PM

حياك الله يا بوفهد

تقرير رائع عن منطقة مهمله سياحيا من قبل السواح العرب
كل الشكر لك وبانتظار جديدك المميز مثل ما عودتنا

فارس من خيال · 21-03-2015, 09:27 PM

ماشاء الله يابو فهد تقرير رائع جدا عن هذه القرية المنسيه
هل فيها شي مميز غير المباني القديمه
يعطيك العافية ومتابعين معاك

|القحطاني| · 21-03-2015, 09:32 PM

ما شاء الله الطبيعة والجو والمباني

كلها جميلة .. الله يعطيك العافية وفي انتظار التكملة

Sent from my SM-N9005

bufahad · 21-03-2015, 10:01 PM

اقتباس : المشاركة الأصلية كتبت بواسطة fanda

حياك الله يا بوفهد

تقرير رائع عن منطقة مهمله سياحيا من قبل السواح العرب
كل الشكر لك وبانتظار جديدك المميز مثل ما عودتنا

الله يحيج ويطول لي بعمرج،، انتظروني بالأجزاء القادمة بأذن الله تعالى

اقتباس : المشاركة الأصلية كتبت بواسطة فارس من خيال

ماشاء الله يابو فهد تقرير رائع جدا عن هذه القرية المنسيه
هل فيها شي مميز غير المباني القديمه
يعطيك العافية ومتابعين معاك

يا هلا اخوي فارس.... لا والله ابدا بس جم كافيه وسوق شعبي بسيط لأهل القرية لعرض الصناعات اليدوية

اقتباس : المشاركة الأصلية كتبت بواسطة |القحطاني|

ما شاء الله الطبيعة والجو والمباني

كلها جميلة .. الله يعطيك العافية وفي انتظار التكملة

Sent from my SM-N9005

الله يعافيك اخوي القحطاني.....بأذن الله تعالى

هداوه · 22-03-2015, 12:45 AM

منورنا يابوفهد

الله يعطيك الف عافيه

بالنسبه للقريه من البدايه ياني شعور انها بلدة الاشباح

من هالسنين مبنايه ، أتخيلها بالليل مرعبه

ههههههه سبحان الله في ناس تنظر للقديم وللآثار بنظره جميله وفيها حس

وفي ناس شراتي يشوفون هالجمال بنظرة خوف أ ما أحس بهالجمال اللي غيري يحس فيه

يمكن ل آثار اسلاميه يتغير عندي الشعور

متابعين وياك متشوقين هالقريه شوفيها ، يمكن اغير رأيي فيها

بالنسبه للاشخاص الي لحقوك ماعرفت سالفتهم ، موقفهم غريب

أخاف هاذيل أشباح القريه يايين يشيكون عليك هههههههههههه

bufahad · 22-03-2015, 01:11 AM

اقتباس : المشاركة الأصلية كتبت بواسطة هداوه

منورنا يابوفهد

الله يعطيك الف عافيه

بالنسبه للقريه من البدايه ياني شعور انها بلدة الاشباح

من هالسنين مبنايه ، أتخيلها بالليل مرعبه

ههههههه سبحان الله في ناس تنظر للقديم وللآثار بنظره جميله وفيها حس

وفي ناس شراتي يشوفون هالجمال بنظرة خوف أ ما أحس بهالجمال اللي غيري يحس فيه

يمكن ل آثار اسلاميه يتغير عندي الشعور

متابعين وياك متشوقين هالقريه شوفيها ، يمكن اغير رأيي فيها

بالنسبه للاشخاص الي لحقوك ماعرفت سالفتهم ، موقفهم غريب

أخاف هاذيل أشباح القريه يايين يشيكون عليك هههههههههههه

يا هلا وغلا هداوة نورتي الموضوع

والله انا واحد من عشاق التاريخ بس مو ذلك الزود مع المتاحف احب الشئ الطبيعي من ايام الثانوية .....كنت اييب اعلى درجة بها المادة...سبحان الله تفرق من واحد لي واحد
ودائما قبل السفرة اتعب بالبحث عن ها الاماكن... وبعدين مو خسارة الزيارة لها اهي يم بادن حذفة عصى.... راح تشوفين الصور الياية تفاصيل اكثر يمكن تغيير رأيج
أما اللي لاحقيني لا والله ما عرفت شنو سالفتهم
بس اشباح كشخه مع موترهم
هههههه

هاوية الاسفار · 22-03-2015, 01:43 AM

ما شاء الله صور رااااااااائعه و طبيعة خلابة
و البيوت تحكي قصص طويلة منذ مئات السنين
متابعين
تسلم

bufahad · 22-03-2015, 01:48 AM

اقتباس : المشاركة الأصلية كتبت بواسطة هاوية الاسفار

ما شاء الله صور رااااااااائعه و طبيعة خلابة
و البيوت تحكي قصص طويلة منذ مئات السنين
متابعين
تسلم

الله يسلمج من كل شر اخت هاوية
انا مشيت بين السكيك وكش شعر جنبي
هههه
تابعيني وراح تشوفين كأن الجدران تتكلم

توبليرون · 22-03-2015, 02:28 AM

والله زمن يابو فهد
انا صج ما احب التاريخ
بس دامه في الطبيعه ليش لا .....نشوفه عادي
چني بديت احب التاريخ
يعطيك العافيه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصر الزعفران تحف فنيه رائعه من عبق التاريخ	بلادنا الحلوه	بوابة مصر	12	22-06-2018 05:11 PM
التاريخ الثقافي وجمال طبيعة ارض الحبوش	أبوهمس	بوابة اثيوبيا	3	23-10-2015 04:13 AM
التاريخ الثقافي وجمال طبيعة ارض الحبوش	أبوهمس	بوابة اثيوبيا	7	16-07-2015 09:45 PM
هوكسي قرية صينية جميع سكانها أثرياء بالصور , هوكسي افخم قرية صينية بالصور	عامر	بوابة الصين وهونج كونج	15	25-04-2015 07:23 PM