موقف حرج في هونج كونج والتركيز دائما عند استخدام اجهزة الصراف

الفارس · 28-07-2018, 01:09 AM

اقتباس : المشاركة الأصلية كتبت بواسطة آخـــرفـــرصـــة

ما ينفع مع الصينيين الا كذا
برافو عليك ابو مشاري
تكتيك الهجمات المرتدة رهيب جاب نتيجة

اتوقع ان تشكيلة ارقامهم مختلفة على مكينة الصراف
يعني حنا من اليسار 123
وهم 147 يعني زي كذا
147
258
369
وانت حافظ مكان الارقام غيب
ومتعود عليها حسب اللي عندنا

ويش رايكم بالمحقق كونان

شكلي التفهية صارت حتى بهذا الموضوع لاني ما انتبهت للمشاركة هذي الا بعدين لكن ...
برافو برافو برافو

انت المحقق كونان بجدارة

المشكلة كانت بتوزيع الأرقام بجهاز الصرافة لكن التوزيع مو مثل ما ذكرت كانت الأرقام مقلوبة. يعني السطر الاول صار الأخير والأخير صار الأول. شوفو الفرق بين توزيع الارقام عندنا وتوزيع الأرقام بالمكينة تبع HSBC :

وانا مثل ما قلت أبو غسان حافظ مكان الارقام غيب ومتعود عليها حسب اللي عندنا بالسعودية. فكل المحاولات الثلاث كنت اضغط على المفاتيح بدون التركير على الرقم المكتوب عليه علشان كذا كانت المحاولات كلها خطأ. استغربت كيف ما انتبهت لتوزيع الارقام وكيف طافت علي مو مرة ولا مرتان بل ثلاث مرات.

المضحك بالأمر اني عقب ما اخذت بطاقتي المحتجزة من البنك طلبت منهم اني راح استعمل البطاقة للمرة الاخيرة لاني احتاج بعض الكاش ولكن طلبت من احد الموظفين ان يرافقني للمكينة والتي كانت بجانب المدخل. وفعلا طلعت وادخلت البطاقة وحطيت الرقم السري بالضبط دون أخطاء. المكينة هذه المرة لم ترد بأن الرقم السري خطأ ولكن سحبتها مباشرة وطلبت مراجعة البنك.

على طول قلت للموظف يلا بسرعة هات مفتاح المكينة وافتحها وطلع بطاقتي خلاص توبه استعمل البطاقة هنا بهونج كونج. الموظف طالع فيني وقال في نفسه ما ودنا نلعب معه مباراة ثانية تراه أقشر . وفعلا فتحوا المكينة وعطوني البطاقة ثم تركتهم لحالهم.

ولاني ما صار عند كاش كثير. عملت ترشيد انفاقي نقدي شديد في الايام الأخير حتى غادرنا هونج كونج.

توبليرون, الايمان, ام عزيـــز و 3 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شقق هونج كونج	ملاك	بوابة الصين وهونج كونج	12	20-08-2019 01:24 PM
تجربتي في استخدام بطاقات الصراف والبطاقة الائتمانية خارج السعودية	rb2844	البوابة السياحية	25	23-03-2019 12:09 AM
مواقع اجهزة الصراف الآلى لبنك الراجحى - ماليزيا	أبوعبدالله (الاسفار )	بوابة ماليزيا	33	24-06-2018 01:25 PM
استخدام مترو هونج	abdziz	بوابة الصين وهونج كونج	15	31-03-2018 05:29 PM
استفسار عن استخدام بطاقة الصراف	الريس	بوابة امريكا	4	06-06-2017 04:54 PM