السلام عليكم.

اولا الله يعطيكم العافيه على جهودكم المبذولة في خدمتنا.

حبايبي انا حجزت في رحلة قصيرة بسبب ضروف العمل.
موعد الرحلة على اسطنبول والاقلاع مساء يوم 10 اوقست والعودة يوم 18 اوقست، يعني تقريبا 7 ايام كاملة ويومين بالطيارة.

حبيت استشيركم في ترتيب الجدول للأيام واماكن قضائها

تنصحوني ازور الشمال التركي ولا المدة غير كافيه؟
هل فيه مدن قريبه من اسطنبول ازورها بالسيارة وتشابه الشمال التركي؟
هل فيه شواطيء جميلة مشابهه لدول شرق اسيا في مدن تركيا؟

المده قصيره اذا بتقضيها بين اسطنبول وو الشمال
من رايي اسطنبول وو حولينها مثلا يوم في سابنجا او يوم في ابانت فيهم طبيعه حلوه
الشواطيء موجوده في الجنوب اذا حابين تكون رحلتكم بحريه ف الافضل تكون في الجنوب
انطاليا مرماريس فتحيه ازمير توجد فيهم شواطيء حلوه

الافضل تقضي الايام كلها في اسطنبول وتاخذ يوم رحلة لبورصة وشوف يوم ثاني خذ فيه رحلة لسبانجا ومعشوقية مع بعض وربي يسهل لك

السلام عليكم

الله يعطيك الف عافيه، طيب وش رايك بين ازمير وانطاليا وش الافضل من ناحية شواطئها وفعالياتها.

احسن وقت لانطاليا وو ازمير فتره الصيف اكيد تكثر الفعاليات
في انطاليا الشواطئ الي زرتها شاطئ كونيالتي ، لارا ، كيمير
وو في شلالات دودين ، مانافجات
وو اكيد افضل منتجع فيها ممكن تسكن فيه او تزوره ارض الاساطير فيه عروض وو احواض سباحه وو غيره


الشي الثاني المواصلات، انا ناوي اعتمد في اسطنبول على Bitaksi تشوفه كافي؟ لان صراحه مابي احوس في نظام المترو والترام. وابي استأجر سيارة بس يقلون زحمه ومافي مواقف للاماكن في اسطنبول

اذا سكنت في منطقه مخدومه وو قريب منها الاماكن السياحيه راح تقلل من استخدام التكاسي مكلفه ويبيلها ميزانيه
ماجربت اسوق في اسطنبول اغلب الي جرب يقول سياقه فيها صعبه
ممكن تستاجر سياره مع سائق في اسطنبول


وبخصوص انطاليا او ازمير كيف طريقة المواصلات فيها؟

في انطاليا فيها ترام ، باصات ، تكاسي
وو ممكن تستأجر سياره او سياره وو سائق

انصحك تخليها باسطنبول

وتخصص يوم او يومين ل :

سابنجا
شيله
جزيرة الاميرات
بورصة

وترجع لاسطنبول