كل عام و أنتم بخير


و موسم دراسي جميل لأبنائنا



الآن الأوضاع تبدأ تتعدل وكل شئ يرجع لطبيعته
حتى الحركة التجارية تبدأ تزيد


البارح كل شئ زحمة
حتى الصامولي خلص من بدري

صباح الخير
اليوم دوام المدرسين والمدرسات والاسبوع الياي ان شاءالله دوام الطلبه

من جد زحمة البارح

مدري ايش يضرنا لو نشتري اغراض المدارس قبل الدراسه

بأربعة او خمسة ايام ؟

كلامك صحيح يا أبو عبدالله المفروض التجهيز قبل مدة مو قبل يوم
المشكله الحين اول يوم دراسة تبتدي طلبات المدارس وتستمر الزحمة

السلام عليكم و رحمة الله و بركاته

و كل عام و الجميع بخير و الله يجعل عامنا عام خير و بركة و تفائل للجميع ...


بصراحة أستغرب من اللى يقول التجهيز لمستلزمات المدراس قبل بداية الدراسة ؟؟
لي سنوات طويلة ما نشتري إلا بعد بداية المدارس لأن المتطلبات تحتلف بين المراحل الدراسية الأبتدائي ما عاد هم خبركم الأول يرضون بأي شئ من أشكال الشنط أو الدفاتر !!
الله يخلف علينا اللى كنا الدفتر إذا أنتهى الفصل الأول ثنينا الورقة اللى في الوسط و كملنا الفصل الثاني و تخلص السنة .. و نكمل فيه للشخابيط السنة اللى بعدها !!

ألحين المدارس يطلبون دفتر 200 ورقة مقسم 5 أقسام و بالأخير يكتبون 10 ورقات و الباقي ما ينفع جيب دفتر جديد يا صديق

الله المستعان .. "الحمد لله قضينا ما عندي إلا حبة أبتدائي ... "

الله يوفقكم.

صادق ياصديقي ابو معتز ،،،، ولكن انا كنت اقصد بعض الملتزمات الخاصه

بكل بداية سنه دراسية ، مثل اقمشه المراييل وتفصيلها ، شراء الجزم اكرمكم الله ،

شراء الشنط والمقالم ، شراء ربطات الشعر وملحقاتها بالنسبة للبنات ، واشياء اخرى

يمكنك شرائها قبل الدراسه ،

فيه اغراض تنشرى بعد الدراسه مثل الدفاتر والكراريس ونوعية الالوان والملفات الحافظه

للاوراق ، والجداول الدراسية ، وتغليف الكتب لحمايتها ، واخرى تتحدد من قِبل المعلمين

والمعلمات في اول اسبوع تقريباً .

الله المستعان ياصديقي ، هذي ضريبه بدء الدراسه والرغبه في الاستكنان وانتهاء فترات

سهر عيالنا الى طلوع الشمس

هالحين جاء دورنا مع المعزبات للمطاعم والمقاهي والغران ينطقون في غرفهم بين كتبهم

والدفاتر

أتفق معاك أخوي أبوعبدالله7 ... المتطلبات ما تخلص الله المستعان ...

الله يطرح فيهم البركة و يوفقهم و يرزقنا و يرزقكم بر الأبناء و صالحهم ..

أما سالفة دورنا مع المعزبات طلعات للمقاهي و المطاعم... هذي الله يسلمك منذو مبطئ ما يحتاج ننتظر المدارس .. نسحب و نطلع

صباح الخير


لازال نص الشعب متغيب عن الدراسة
والدليل ما بدأ ازدحام الطرق
و قلة الميكروباص اللي يجي ماشي بسرعة عالية من جنبك
يا ليت تفعيل الحافلات المدرسية الحكومية

و أنا شفت مجموعة كبيرة من الباصات الصفراء بس مدري شغلوها ولا لا