ماهي ابرز المعالم السياحة بتروجايا سيلانجور كوالا؟

Renewal · 28-07-2018, 02:22 PM

السلام عليكم
ابغى مساعدة جدول سياحي لمده اسبوع مع ذكر افضل الفنادق وفيها هوز الله يكرمكم بتروجايا / سيلانجور / كوالا ؟ اذا في سواق ثقه ياليت تذكرون رقمه مع ذكر افضل خطوط طيران من الدمام الى كوالا

عشقي السفرمعجبون بهذا.

عشقي السفر · 28-07-2018, 05:01 PM

اقتباس : المشاركة الأصلية كتبت بواسطة Renewal

السلام عليكم

وعليكم السلام ورحمه الله وبركاتو

ابغى مساعدة جدول سياحي لمده اسبوع مع ذكر افضل الفنادق وفيها هوز الله يكرمكم بتروجايا / سيلانجور / كوالا ؟

اسمحي لي هذا رايي ولك الحرية

صراحه ماتسوي طيران 10ساعات رايحه ومثلها جايه على سبع ايام
ماليزيا اقل مده 12يوم حتى تحللين مبلغ التذاكر والرحله وتستمتعين

وبالنسبه للمدن يكفيك السكن بكوالالمبور والتنقل بين المناطق لانها جنب بعض بهدله انك تتنقلين بين الفنادق وضياع وثت وانتي مدتك اسبوع بس

اذا في سواق ثقه ياليت تذكرون رقمه مع ذكر افضل خطوط طيران من الدمام الى كوالا

كوالالمبور ماتحتاج سواق خاص التكاسي والمترو منتشر بشكل كبير والاوفر لك تطبيق جراب جدا ممتاز في شرح له بالمنتدى وعلى العموم يوجد موضوع مثبة في بوابة الاستفسارات ماليزيا فيها ملف ارقام مجربه من الاعضاء اطلعي عليه

وبالنسبه للخطوط كثيره السعوديه الامراتيه والاتحاد والعمانيه كلهم تنقل لماليزيا من الدمام انتي بحثي فيهم عن السعر المناسب والترانزيت الاقل

ياليت تدخلين كم تقرير بالمنتدى وتطلعين عليهم حتى تاخذين فكره عن الاماكن اللي تناسبك

وجهت نظري دام مدة سفرك اسبوع تستبعدين ماليزيا في خيارات اخرى تكون الطيران مباشر واريح وتكفيها اسبوع منها

تركيا (اسطنبول وماحولها )
او
تركيا (طربزون وماحولها)
او
اذربيجان

هذي خيارات تكفيها اسبوع وفي رحلات مباشره من الدمام

بالتوفيق

تم الإرسال من SM-G935F باستخدام Tapatalk

Abu Muataz و alradadi معجبون بهذا.

alradadi · 29-07-2018, 12:18 AM

عليكم السلام

اسبوع ولا حق المشوار الى ماليزيا اقل شي 10 ايام

عشقي السفرمعجبون بهذا.

no name · 29-07-2018, 02:17 AM

ايش افضل مده لماليزيا؟؟

عشقي السفرمعجبون بهذا.

عشقي السفر · 29-07-2018, 03:50 AM

اقتباس : المشاركة الأصلية كتبت بواسطة no name

ايش افضل مده لماليزيا؟؟

الافضل اسبوعين واكثر اما اذا محكوم ومضطر ومقيد باجازه قصيره فاقل مده 12يوم من ضمنهه يوم الوصول والمغادره

تم الإرسال من SM-G935F باستخدام Tapatalk

Renewal · 29-07-2018, 12:31 PM

اقتباس : المشاركة الأصلية كتبت بواسطة عشقي السفر

وجهت نظري دام مدة سفرك اسبوع تستبعدين ماليزيا في خيارات اخرى تكون الطيران مباشر واريح وتكفيها اسبوع منها

تركيا (اسطنبول وماحولها )
او
تركيا (طربزون وماحولها)
او
اذربيجان

هذي خيارات تكفيها اسبوع وفي رحلات مباشره من الدمام

بالتوفيق

تم الإرسال من SM-G935F باستخدام Tapatalk

فكرت فيها بس سمعت ان الشعب لايحب العرب
شكرا على اقتراحك
من الافضل في حال مددت الايام ماليزيا او تركيا او اذربيجان ؟

عشقي السفر · 29-07-2018, 04:48 PM

اولا باي شهر مسافره لان هذا يحكمك ؟؟؟

ثانيا بالنسبه لافضل شي لحالتك ومعك رضيع
تركيا (انا ولد عمتي له يومين هناك ومبسوط واموره طيبه ) وناس كثييره دوبها راجعه ولاصادفها اي شي دام الانسان محترم قوانين الدوله اللي يزورها ويتعامل معاهم بحذر اموره طيبه ويتجنب مواطن المشاكل وينتبه على اغراضه من السرقه او من نصب التكاسي اموره طيبه
دخلي البوابه بتشوفين ناس كثير راجعه قريب وكاتبه تقارير

ثم اذرييجان

ثم ماليزيا لعدد ايام لاتقل عن 12يوم من غير يوم الوصول

بالتوفيق

تم الإرسال من SM-G935F باستخدام Tapatalk

ابوعبدالله 2019 · 29-07-2018, 07:23 PM

ماقصروا

Renewal · 30-07-2018, 08:20 AM

اقتباس : المشاركة الأصلية كتبت بواسطة عشقي السفر

اولا باي شهر مسافره لان هذا يحكمك ؟؟؟

ثانيا بالنسبه لافضل شي لحالتك ومعك رضيع
تركيا (انا ولد عمتي له يومين هناك ومبسوط واموره طيبه ) وناس كثييره دوبها راجعه ولاصادفها اي شي دام الانسان محترم قوانين الدوله اللي يزورها ويتعامل معاهم بحذر اموره طيبه ويتجنب مواطن المشاكل وينتبه على اغراضه من السرقه او من نصب التكاسي اموره طيبه
دخلي البوابه بتشوفين ناس كثير راجعه قريب وكاتبه تقارير

ثم اذرييجان

ثم ماليزيا لعدد ايام لاتقل عن 12يوم من غير يوم الوصول

بالتوفيق

تم الإرسال من SM-G935F باستخدام Tapatalk

رايك في اندونسيا ؟

احتمال السفر في شهر اغسطس او سمبتمبر
شكرا على اقتراحك

عشقي السفرمعجبون بهذا.

عشقي السفر · 30-07-2018, 05:53 PM

احنا سكان المنطقه الشرقيه نعيش معضله مع الرحلات المباشره ودائما نضطر على الترنزيت وانا واحده منهم

اندونيسيا نفس حالة ماليزيا لاتوجد رحلات مباشره ومدة اسبوع قليله جدا على الاقل 12يوم

في عندك سيريلانكا تكفيها 9 ايام وفي رحلات مباشره على الخطوط السيرلانكيه من الدمام لكن يعيبها ان بنيتها التحتيه ضعيفه من حيث الشوارع و التنقل بين المدن مرهق بسبب الطبيعه الجبليه

والاكل في مرا متعب في سيريلانكا وفي اندونيسيا اكلهم النظيف قليل جدا

تم الإرسال من SM-G935F باستخدام Tapatalk

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دليل المعالم السياحة للبوسنة والهرسك....... بقلم الاسفار	أبوعبدالله (الاسفار )	بوابة البوسنة	46	12-12-2023 11:44 AM
ساعدوني في التخطيط لشهر العسل ( سيلانجور و لنكاوي و كوالا )	corollaB	ماليزيا	17	07-08-2016 03:56 PM
استفسار بخصوص البرامج السياحة في سيلانجور وكوالا لمبور	star1984	ماليزيا	7	08-03-2016 08:53 AM
التنقل من سيلانجور إلى بينانج ومن بينانج إلى كوالا	sami1983	ماليزيا	5	02-02-2016 04:49 PM
بتروجايا	نسناس الغربي	ماليزيا	10	31-01-2015 03:01 PM