ما شاءالله يووووم حااافل ومزدحم بصراحه

حلو التغير بالفنادق و الحمدلله كمبنسكي عجبكم

في اعتقد العضو نجم السياحة كاتب تقريره عن مصر نفس الموقف بالضبط اللي صار معاكم كان صاير معاه في الاهرامات
بصراحه لو انا منك ما امشي معاهم و اخليهم واعطيهم ظهري و من الاول يتفق على السعر او ما اتعامل معاهم خير شر
١٠٠٠ جنية على لفه والله حراااام ويقول معاملة المصري يبا عاملني معاملة الأجنبي
ولما يقول خلاص خليها علي لو انا بقول اوك وامشي خله يتحسف على الكلمه اللي قالها
انت وااايد وااااااايد اكرمتهم واهم بالأساس ناصبين بالسعر

والفيرمونت عوايل وهذا ستايله عيل لو مو عوايل شلون راح يكون

اخ ام الدنيا يبيلها قلب ما يتعب
اتوقع لو ازورها راح اتهاوش وما أتحمل

بس مستمعين معاك فيها و في المواقف

ليه المنتدى حاط xxxx بالاحمر بعد وش اني كاتب ؟؟ اظاهر كاتب يتـميلحون !!

اقتباس :  المشاركة الأصلية كتبت بواسطة الايمان وصلت لحبر الحبار انت متأكد ؟ لا تقولين بعد عطوني من كيسهم اهم شيئ لا يصير شيء وسخ الحسين وقهوه الفيشاوي وناسة والقعدة وايد صغيره لكنها حلوة واكشن القوارب بالنيل روعه المهم يكون الجو حلو انا رايي من راي المدام النوم نخليه في ديرتنا بالسفر مافي نوم

شكلك من عشاق مصر

اقتباس :  المشاركة الأصلية كتبت بواسطة سارة محمد ما شاء الله أبو محمد زرتم الأهرامات. والله أتمنى لو كنت بشجاعتكم أنا قرأت تحذيرات كثيرة وأن الزائر بالسيارة لا يجب أن يقف إلا عند بوابة قطع التذاكر مهما حاولوا خداعك. على أي حال الحمدلله جت سليمة ونعيمة زي ما بيقولوا خبرة لقادم الأيام. فندق كمبنسكي قرأت من عدة أشخاص أنه هادئ وينصحون به العوائل ولكن لم أجربه. المهم الحمدلله أنه أعجبكم لكن حكاية الكارت الذي لا يفتح مملة وجربتها في أحد الفنادق وكنت أضطر أنزل للاستقبال. وبالنسبة لحضور أمسيات أقترح عليكم المرة القادمة الذهاب إلى دار الأوبرا أو ساقية الصاوي. هناك تعرض فنون راقية ولا يوجد إزعاج أو دخان وشيشة. والآن في انتظار تفاصيل يومكم الأخير في القاهرة.

يابنت الحلال يومني هناك شفت بنات لحالهم جايين خليجيين بعباياتهم بس واضحه معالم وجههم توحي لك انهم كانوا مبسووطين مره بالجوله
بس على قولتك خبره واقلها اني شفت على الواقع ولعل وعسى احد يستفيد من تجربتي

عاد دار الاوبرا كان قريب من سكننا بس مدري ليه ماتحمست اقراء عنه كثير قبل السفره

اقتباس :  المشاركة الأصلية كتبت بواسطة maglibya السلام عليكم تقرير مميز وبسيط ، بس لو كان مدعوم بالصور الله يعطيك العافية مستمرين معك

الله يعافيك، ايه للاسف وش نسوي في الجوال ماله حق ما تجمل له كم يوم على ما انزل الصور في الجهاز ثم يخرب ..

اقتباس :  المشاركة الأصلية كتبت بواسطة q8ya metnaqla ما شاءالله يووووم حااافل ومزدحم بصراحه حلو التغير بالفنادق و الحمدلله كمبنسكي عجبكم في اعتقد العضو نجم السياحة كاتب تقريره عن مصر نفس الموقف بالضبط اللي صار معاكم كان صاير معاه في الاهرامات بصراحه لو انا منك ما امشي معاهم و اخليهم واعطيهم ظهري و من الاول يتفق على السعر او ما اتعامل معاهم خير شر ١٠٠٠ جنية على لفه والله حراااام ويقول معاملة المصري يبا عاملني معاملة الأجنبي ولما يقول خلاص خليها علي لو انا بقول اوك وامشي خله يتحسف على الكلمه اللي قالها انت وااايد وااااااايد اكرمتهم واهم بالأساس ناصبين بالسعر والفيرمونت عوايل وهذا ستايله عيل لو مو عوايل شلون راح يكون اخ ام الدنيا يبيلها قلب ما يتعب اتوقع لو ازورها راح اتهاوش وما أتحمل بس مستمعين معاك فيها و في المواقف

واضح اصلا انهم متعودين على هالحركه وكل سؤال مولمين له اجابه وتمثليه
بس ان شاء الله يوم عن يوم يجونهم ناس ينشبون لهم زيي واكثر بعد شوي شوي الى ان يتعدلون او تحس السياحه عندهم ويقننونها ويخلون كل شئ رسمي وموثق بفواتير لانه يعتبر المعلم السياحي الاول لمصر

تبين الجد كل من قلت له الموقف وهو قد راح لمصر ما يقول اني اكرمتهم ويقولون لا تصير كذا وسع صدرتك تراها ماتسوى شئ يقارنها بالعمله حقتنا ... مابي اكرر كلامي لكن انا لوهم حاطين لوحه مبلغ الرحله ب2000 جنيه ابدفعها ولانيب قايل شئ بس ما احب فكرة عشانه خليجي فلوسه كثير خل نزيد عليه ويحاول يلعب على سالفة اننا اخوان وعرب واكرمنا

جد والله الفيرمنت مدري كيف الناس حكمة عليه انه عائلي لو قارنته بالسوفتيل والناس الي فيه على وقتي زيارتي اعتبره محافظ مع ان كلام الناس عن سوفتيل انه يصلح للعوائل وصدقوا يصلح.. بس ودي اشوف وشو الفندق الي موب عائلي كيف جوه بيصير

ايه مصر يبي لها واحد يوسعد صدره ولا يدقق مع اني حاط هالجمله في راسي من قبل اوصل لهم لكن ماش ماقدرت


شكراً لكم جميعاً

آخر مواضيع ATL

- المالديف مايو 2023 - اشتراطات الدخول لالمانيا - تغيير الصالة في رحلة الترانزيت - رأيكم بخط السير ؟؟ - القاهرة، مصر !! رحلة الغصب

توقيع : ATL

اللهم لا تجعل في قلوبنا غلاً للذين آمنوا

قواك الله يا بومحمد امتعتنا في رحلة مصر

عليكم بالعافيه السوق اليوم اللي قبل الأخير

واليوم الأخير اكشن صراحة
من الصبح مع محمد الله يحفظه و بعدين غداكم و بعدين السايق

واخر شي المسافره البحرينية بس بصراحه انتوا غلطانين خذيتوا منها و انتوا عارفين ما يصير وكل مره ينبهون على الشي ما اختلف ان صح و دنا نساعد بعض بس الوضع اختلف الحين و المطارات صارت شديده يعني دربالكم مره ثانية لا تاخذون شي ..

وان شاءالله نقرا تقارير قادمة لك استمتعنا معاكم في رحلة مصر

ذكرتني أخي أبو محمد بالتوتر الذي يصيبني عادة قبل رحلة العودة والمشاكل التي أتسبب بها لنفسي الحمدلله أنك وصلت البوابة في الوقت المناسب وإلا كان صار علوم هههههه بصراحة أنت والمصريين الذين قبلوا أن تضع الحقيبة أمام المقهى في غاية الطيبة ولا يضيع الله عمل الخير وإن شاء الله تكون الأخت المسافرة البحرينية وجدت حقيبتها.

كان تقريرك خفيف وجميل وحتى انطباعاتك عن القاهرة ليست قاسية كعادة من يسافر أول مرة وقد تصدمه الكثير من الأمور. لكن تحتاج إلى إلى إعادة التجربة وسترى كيف ستكون مختلفة عن المرة الأولى.

سعدت بقراءة تقريرك وأرجو لك التوفيق وللعائلة.

ههههه رحلتك كلها اكشن
وخاصه مع اوبر والنصابين واخرتها اغراض الحرمة البحرينيه

اهم شي استانستوا بالسفره
والفنادق اختياراتكم لها جميله بس الصور حسافه

بسأل عن الشهادة استلمتها والا ما عطوها صديقك

مره ثانيه احرص على الصور للتقرير لان في مسابقات بالمنتدى