أحلى أيام على سحاب ...تايوان - الصفحة 16

ملاك · 14-10-2018, 07:41 AM

اقتباس : المشاركة الأصلية كتبت بواسطة miled

الم تجدوا مشكلة في اللغة

أبدا مافي مشكلة
موظفين الفنادق يتحدثوا اللغة الإنجليزية
مكتب تأجير السيارة كمان الموظفة تتحدث اللغة الإنجليزية

الأماكن السياحية الأسعار موضحة على اللوح مايحتاج تتكلم مع الموظف فقط يشوف عددكم (صغار وكبار)ويكتب المجموع على الألة الحاسبة
الأسواق بكلمات انجليزية بسيطة راح تحصل على اللي تبغاه
المطاعم الحلال يتحدثوا اللغة الصينية والإنجليزية
فقط المطاعم العالمية مثل (ماكدونالدز -برجر كنج) ممكن تواجه شوي صعوبة ولكن الشي الحلو انهم راح يحاولوا يفهموا عليك وقليل من الإشارة يمشي الحال
كل المطاعم اللي دخلناها كان (المنيو) باللغتين
وإذا استصعب عليهم فهم شي ممكن تستخدم برنامج الترجمة (نحنا ماحتجنا له )

اقتباس : المشاركة الأصلية كتبت بواسطة q8ya metnaqla

رجعت للتقرير بعد انقطاع اعذريني يا ملاك

الكرسي في مطعم الفندق وايد حلو

مدينة الملاهي مبين عليها حلوه بس حسافه الجو حار

المول حلووو بس الشارع اللي في السوق احلى احب أتمشى في هالشوارع

تسلم إيدج يا ملاك على التقرير التايواني والحين انتي و الطنيجي ما شاءالله خبره فيها

ياهلا أبرار الله يسعدك أنتِ اللي أعذريني عالتقصير
الفندق كله حلو (الثيم) عن الأشجار سقف المصعد على شكل شجرة والكراسي
صحيح حتى انا حبيت الشارع وأحب أتمشى فيها وأتجنب المولات لأَنِّي مكتفية منها
تسلمين يارب
أتوقع (al Tunaiji ) يعرف تايوان أكثر من التايوانيين ماشاء الله عليه

اقتباس : المشاركة الأصلية كتبت بواسطة q8ya metnaqla

كفيتي و وفيتي يا ملاك في التقرير الحلووو
بسأل مره ثانية ما ادري اذا سألت من قبل اعذريني
السواقة في عموم تايوان سهله ولا صعبه فيها مرتفعات؟؟

ولا شكر على واجب تستاهلين المتابعه تقرير حلو و بسيط و وواضح

مشكووووره على نقله لنا و ان شاءالله رايحين معاج سول ( سيؤل )

السواقة بالعموم سهلة بس في نقطتين
مثل ماذكرت في البداية انتبهي من راكبين الدراجات النارية لأنهم سريعين وفجأة يطلعون لك ولا يهمهم شي وتقريبا نص الشعب بيستخدمه
النقطة الثانية في طرق جبلية مثل اللي كان بين بحيرة الشمس ومزرعة الخرفان هذا الطريق رايح جاي وأوقات مع الأمطار يكون الوضع مو مريح وكمان أفضل في الطرق الجبلية ترجعون قبل الغروب
اما داخل المدن مافي اي مشكلة
انا اللي شاكرة لكم و تستاهلون أكثر 🌷

AL Tunaiji و توبليرون معجبون بهذا.

الايمان · 14-10-2018, 11:45 AM

اعذريني لعدم مشاركتي بالتقرير بسبب سفري الى أمريكا
الحمدلله الحين رجعت وان شاءالله بتابع التقرير صفحه صفحه

توبليرون و ملاك معجبون بهذا.

الايمان · 14-10-2018, 11:47 AM

وصلت لبحيرة الشمس وايد حلوه والمطر والغيم زادوا من جمالها
سبحان الله دايما البنزين بره اغلى من دول الخليج الحمدلله على النعمه
بالنسبة للي طلبت تصوركم عادي وايد يحصل معانا هالشي

توبليرون و ملاك معجبون بهذا.

الايمان · 14-10-2018, 11:56 AM

مدينه الألعاب والتلفريك روعه

ماشاءالله الخضار بكل مكان

رايحين بموسم البعوض الله يعينكم

توبليرون و ملاك معجبون بهذا.

الايمان · 14-10-2018, 12:18 PM

واضح اهتمامهم بالحديقة والأماكن الترفيهيه
عجبتني مزرعه الخرفان وايد حلوه
ذكرتني باستراليا ومنتجاتهم روعه

توبليرون و ملاك معجبون بهذا.

namareq · 21-10-2018, 12:47 PM

تقرير مفيد وممتع

بانتظار جزء كوريا

توبليرون و ملاك معجبون بهذا.

توبليرون · 02-11-2018, 02:00 AM

وييي توني اشوف الجزء الاخير
يعطيج العافيه كفيتي ووفيتي عن تايوان
تقرير رائع ومفيد بمعنى الكلمه

ان شاءالله يا الطنيجي اروح تايوان علشانكم
يمكن تصير ليش لأ
بالشتاء بس

AL Tunaiji و ملاك معجبون بهذا.

توبليرون · 13-11-2018, 12:29 AM

يستاهل التثبيت والخمس نجوم

AL Tunaiji و ملاك معجبون بهذا.

AL Tunaiji · 13-11-2018, 06:37 PM

اقتباس : المشاركة الأصلية كتبت بواسطة توبليرون

يستاهل التثبيت والخمس نجوم

ويستاهل العرض في المواضيع المميزة في الصفحة الأولى للموقع

الفراهيدي و ملاك معجبون بهذا.

& AbdulAziz & · 04-02-2019, 02:21 PM

ماشاء الله .. تقرير جميل ورائع عن بلد مجهول بالنسبة للكثير .

غريبة كثير الأماكن ما زرتوها ! رغم إن رحلتكم 10 أيام ! وشكله زي كثير من بلدان شرق آسيا , أماكن الأطفال كثير وفي كل مكان .

كيف أسعار الأسواق هل هي رخيصة مقارنة بأسواقنا ولا نفس الأسعار ؟

ملاكمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تايوان ... صور متنوعة	AL Tunaiji	بوابة تايوان	61	13-05-2022 06:29 PM
ذِكريات المدينة القديمة تحت زخات المَطـر	ساري أحمد	بوابة المغرب	108	25-12-2016 09:42 PM