السلام عليكم يا اخواني الاعزاء .

انا ان شاء الله سفرتي بعد اسبوع طربزون

وراح استأجر سياره خلال رحلتي

وابي اروح فيها حيدر نبي و سلطان مراد وايدر


هل هذي الطرق والمرتفعات طريقها خطر وهل من السهل صعودها والنزول منها ؟!


فيدوني الله يجزاكم خير



Sent from my iPhone using Tapatalk

أهلاً بالغالي ...

قلت باستفسارك بأنها ( مرتفعات ) ..

لذلك يجب الحذر أثناء القيادة .. طبعاً آيدر مختلفة وطريقها جميل وليست بمرتفعات ..

أما حيدر نبي والسلطان مراد .. صحيح تحتاج تأني وانتباه .. خصوصاً إن صادفك ضباب ..

كلامي لك لاتعتقد بأنه تثبيط .. بالعكس أنصحك وبقووووة لزيارتهما .. ولكن خذ الحذر ..

ترجع بالسلامة بإذن الله ...

اتوكل على الله واطلع لما توصل راح تنسى كل التعب والتوتر على الخط ، حاول تطلع بوقت يكون الضباب فيه خفيف

رحلة موفقة باذن الله

الطريق مافيه شي نفس طرق الجنوب عندنا
المشكله الوحيده الضباب في حيدر نبي و السلطان مراد

كنت يوم السبت الماضي اسوق في طريق مرتفعات حيدر نبي ومع تعوّدي بالقياده في الطرق الجبليه لكن احذرك اذا ماكنت سائق متمكّن وماهر لاتخاطر الطريق ضيق ومنعطفات خطره والباصات السياحيه تدخل خطك وصادفتنا شاحنه لعوزت الرايحين والجايين في الطريق وكانت زحمه لاتطاق بسبب عطلة يوم السبت فاختر يوم وسط الاسبوع يمكن تقل الزحمه

اهلا بك

الأفضل تفتح اليوتيوب وتكتب الطريق لحيدر نبي او السلطان مراد وبتشوف مسافرين موثقين رحلتهم وتقدر تستشف منهم مدى صعوبة أو معقولية الطريق بالنسبة لك

بالتوفيق

الطريق ضيق في اماكن ما بتكفي سيارتين...كان سائقنا يضطر يوقف اثناء الصعود حتى السيارات النازلة تقدر تعبر

فيه خطورة قليلة نعم بعض الاماكن منعطفات قوية ويضيق الشارع احيانا
لكن مقدور عليها اهم شي التأني و الانتباه و الامور طيبة
تجنب ايام الغيم و الضباب والمطر .. وارجع قبل الظلام
حط لك جدول مرن .. اي يوم مشمس توكل على الله
واذا يوم غائم و ممطر روح الاماكن الثانية

الطرق فيها صعوبه

ويا عمي انت مالك ومال القلق

خذ سياره بسواق وريح نفسك

السواق يعرف الاماكن والمطاعم الزينه

لو صارت مشكله لاقدر الله .. تنزل من السياره وتركب تاكسي تكمل يومك .. والسواق يدبر عمره بدل ما تورط انت

والنكبه الثانيه انك لازم تسلم السياره نظيفه

يعني سيب شغلك وتمشياتك وامسك سرا في المغسله

واللي يرفع الضغط انك تنظفها من الداخل بنفسك

رحله سعيده