رحلتي غدا الى طوكيو وعندي شوية اسئله

gintoki · 13-08-2018, 05:40 PM

السلام عليكم

واخيرا الحلم بيتحقق ورحلتي غدا على اخر الليل

ولكن فيه اكثر من نقطه مبهمه بالنسبه لي
وخصوصي اني ماني خبير بموضوع السفر كثير

الحمد لله الفيزا جاهزه وحجوزات الفنادق جاهزه وفلوسي جاهزه

لكن عندي خوف من اكثر من شي

اول شي واكثر شي هو القطار

انا توصل طيارتي على مطار هانيدا على الساعه 11 الليل ان شاء الله
ومع اجرائات الدخول واستلام الحقائب اتوقع بيكون الوقت متاخر في الليل وماراح يكون القطار شغال

وانا كنت حاط في بالي اني اروح بالقطار من المطار الى الفندق

فلو وصلت بوقت القطار مايتحرك فيه ايش افضل طريقه للوصول للفندق ؟
اول فندق هو Hotel Ryumeikan Tokyo
وهو قريب من محطة طوكيو علشان كذا كنت شايف ان خروجي بالقطار من المطار هو افضل خيار لي خصوصا ان التكسي غالي هناك

كمان عندي اسئله بخصوص نظام القطار نفسه

انا راح اجلس بالفندق الاول Hotel Ryumeikan Tokyo اربع ايام وبعدها اروح على فندق ثاني قريب جدا من محطه اكيهابارا اسمه اكيهابارا واشنطن اجلس فيه يومين وبعده على Fujikawaguchiko في فندق Fuji Onsenji Yumedono وبعدها نرجع يومين على اكيهابارا

اسئلتي في نطام القطار هي :
انا ابغى اخذ بطاقه للقطار ومحتار بين Suica و Pasmo فايش الفرق بينهم وايش الافضل لي ؟
وهل يمديني استخدم Suica للشنكانسن ولا لا ؟
والسؤال الاكثر اهميه والي متعبني نفسيا هو موضوع الامتعه داخل القطار
قد ايش يمديني اخذ امتعه معاي داخل القطار ؟
زي مثلا لما اطلع من الفندق الاول Hotel Ryumeikan Tokyo وابغى اروح على الفندق الثاني في اكيهابارا ، يمديني اخذ شنطتي معاي داخل القطار من محطه طوكيو الى اكيهابارا ؟
ولا لازم اشوفلي طريقه ثانيه غير القطار

ونفس الشيء بالنسبه للشنكنسين
كمان كيف راح يكون مساري من اكيهابارا الى فوجي ؟
اضن لازم امر بمحطه شينجيكو ومنها على Fujikawaguchiko
هل المحطه الاقرب هي Kawaguchiko ؟

واخر سؤال عندي هو عن شي خارج اليابان

لما ارجع من اليابان لازم اوقف في دبي
راح اوصل دبي الساعه 6 صباحا واطلع منها 1 ليلا " صباحا من اليوم الي بعده"
انا اخترت موعد بعيد علشان اطلع من المطار واروح كم مكان في دبي

لكن سؤالي هو

هل لازم استلم امتعتي من المطار ولا راح تكون عندهم وهم يحولوها على الطياره حقتي ؟
لانه فيه فرق يوم كامل بين الرحلتين فخايف انه لازم استلمها وانا مادري

هذي كل الاسئله الي عندي

واسف على كثرتها لكن الرحله قربت والواحد بدأ يخاف

Prince Kytu و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي بعد شهر واحتاج شوية مساعدة	Thamer_b6L	بوابة الفلبين	14	17-02-2019 02:25 PM
رحلتي بعد يومين وعندي استفسار	زواوي أبو محمد	تركيا	3	09-08-2017 09:37 PM
تمت حجوزات الطيران وعندي شويه اسئله	ساحرني	بوابة سويسرا	7	02-08-2017 02:05 AM
رحلتي قريبه وعندي شوية استفسارات	ماس نادر	ماليزيا	20	17-02-2017 07:01 PM
بعد ساعه رحلتي وعندي اساله اراها مهمة	الفيصل2006	ماليزيا	7	19-10-2015 05:14 AM