هلا بك أختي أم حسين ...

تسلمين الله يعافيك ... شهر و نص لازم علشان نحنا ما نسافر كثير وسط السنة و نخلي أجازتنا وحده

بالنسبة للصور .. قدر الله و تفرمت جوالي بعد رجوعي من السفر و سبحان الله كان عندي نسخة أحتياطية باللابتوب ..و نفس الشئ خرب اللابتوب قسم بالله كلهم بليلة وحدة ... وراح كل شئ و الا و الله كنت محضر صور كثيرة ..و على العموم أحاول أخذ من عيالي بعض الصور ...

أمريكا .. مهما طالت المسافة و مدة الطيران تظل بلد يستحق الزيارة .. حتى الآن لم أجد بلد يجمع ما جمعته أمريكا من مقومات طبيعة و سياحة و خدمات ... " أنصحك تجربين "

أن شاء الله يكون تقريري يرتقى لذئقتكم ينال أعجابكم

هلا بالعمدة .. ابو غسان ...
3 مرات سابقة تمنيت أروح نياقرا و لكن سبحان الله ما كتبت ..و لكت في هالزيارة قررت أني أحطها في بداية الرحلة ..و بالفعل كانت تستحق الزيارة ... و أن شاء الله بكررها لأنها متعة سبحان الخالق ..
و كثيرين قالوا أن الشلالت أجمل من الجانب الكندي .. و لكن في النهاية أنك تحصل على نفس المتعة في المشاهدة ...

أي و الله يا أبو غسان .. النت مسبب أزمة لو يقطع دقيقة .. تشوف كل أفراد العائلة قبالك ..
و شيك جوالك تعرف السبب
كنت ناوي أعتمد الباقات الأمريكة قبل السفر و بحثت بس ما كانت المعلومات كافية أو واضحة بالشكل المطلوب ... علشان كذا فعلت باقات البيانات من السعودية ... و في النهاية هي أفضل نوعات ما خصوصاً أذا كنتوا عائلة ... لان الباقات الأمريكة مثل باقة T.mobile تحتاج مودم و علشان يستفيد الكل من النت لازم يتحركون مجموعة ..و هذا الشئ صعب في بعض الأمكان مثل الأسواق و الملاهي و المتاحف ..
باقة البيانات الأمريكية تصلح لواحد أو أثنين يكون دايم مع بعض

بالنسبة لبطاقة السفر من بنك السعودي للأستثمار ... طبعاً أول مره أجربها و بالفعل تفوقت على باقي البطاقات الأئتمانية مسبقة الدفع من وجهة نظري ... لعدة أسباب و أهمها بالنسبة لي:
القبول لدى جميع المحلات و المطاعم و السوبرماركت بصراحة ما واجهني أي عائق و كان أعتمادي على الله ثم عليها بنسبة 85% ....
الشئ الثاني سعر الصرف ثابت 3.75 ريال مقابل الدولار ... و بدون أي عمولات و التحويل من حسابك إلى حساب البطاقة يتم بسلاسة و من خلال التطبيق في أي مكان و في ثواني .. و العكس عند التحويل من البطاقة إلى الحساب تحول بنفس يعر الصرف يعني لو عندك بالبطاقة 1000 دولار يعني 3750 ريال تحولها للحساب 3750 ريال صافي .ز بدون عمولة تحويل .زو هذا مثال .ز بينما باقي البطاقات رصيد الحساب أم أن تستخدمه في الشراء أو أن تسحبه بعمولة ..

بعض البطاقات مسبقة الدفع لا تعمل لدى بعض المطاعم و الملاهي و السينمات .. و لي تجارب عديدة!!

أما بطاقات مدى .. ما أنصح الأعتماد عليها ... و كانت تجربتي مع مدى الأهلي سيئة (مع تحفظي على ذكر أسم البنك) و لكن للأمانة 70% من العمليات رفضت بدون أي سبب و بالمحل المجاور تقبل ..و حتى الأهل معاي نفس المشكلة رغم أني مكلم البنك و طالب تفعيلها للأستخدام خارج السعودية .. ز لكن الحمد لله ما كان أعتمادنا عليها ..

أبو مشاري يبي لك تشتري هارد ديسك خارجي .. علشان تحفظ فيه الأماكن المفضلة