الله يردكم سالمين غانمين
ويمتع خالك بالصحة والعافية والمعافاة الدائمة


حلو انك بديت باليوميات
وبكذا ما تنسين اي معلومة والصور تنزل اول باول


علمينا بالاماكن الزينة في كليفلاند


رحتي الداون تاون ولا بعد ؟؟؟

وطرنا على 380A

من دبي الى نيويورك تقريبا 14 ساعه و نص









العشا







الريوق



ووصلنا نيويورك بالسلامه



وصلنا الساعه 9 الصبح
والأمور الحمدلله سهلات بصمنا و صورونا في الجهاز اللي قبل كاونتر الجمارك و بعدها رحنا الكوانتر
سؤالين فقط شكثر بقعد و ليش زايره أمريكا و جوابتهم و قال تفضلي ..

رحت استلم الجناط وانطر ساعه وجنطتي ما طلعت وجنطت بنت خالي طلعت
ولا اسمع اسمي على كبر الصاله بالمايك ��
خير اشفيكم ؟
ولا تقولي وحده من مسؤلين الجناط جنطتج ناسينها في دبي
أنا ويهيي ���� ليييش ؟؟
وتقولي الموظفة بأجر توصل على طيران الاماراتية و يوصلونها لي عندج وأتم 3 ايّام من غير جنطه وعطيتهم العنوان
واطلع نحط خط من at&t موجود في تيرمنال 4 و صعدنا فوق نسوي بوردنغ طيران دلتا
لان رحلتنا بعد 4 ساعات



والله حلو مطار جي اف كي اول مره أتمشى فيه مطاعم و سوق حلو

نسيت أقول طيران دلتا اتسون البوردنغ من الجهاز وتدفعون للجنطه الاولى 25 دولار وتقطونها عند دروب باغ

عند بوابة كليفلاند ناطرين

يا سلام على البزنس كلاس


اسوأ شي انك توصلين و شنطتك ما وصلت
عشان كذا لازم الواحد يحط غيار واحد بشنطة اليد للظروف

ولما الحين في مطار نيويورك





طرنا على طيران دلتا من نيويورك الى كليفلاند
اول مره اطير على هالطيران وآخر مره
طيران تعيس تغير في البوابات المقاعد يحددونها عند البوابة وطيران مستهلك ووصخ و ضيج وصغير مافي مكان كافي لجنطة السحب ورسوم على اول جنطه
أفضل الأمريكان و اليونايتد وايد أحسن ..



وبينت ملامح كليفلاند



مطارهم صغير ومجكنم





ولاية اوهايو شمال أمريكا وتفصل بينها وبين كندا بحيرة ايري
جوها في الشتا وااايد بارد توصل تحت الصفر و ينزل ثلج الى اخر شهر ابريل تقريبا والصيف عندهم حار نسبيا لكن في
تكيف في كل المكان و المطر مستمر تقريبا يوم وترك أو يومين وترك ..

علم الولاية



تبعد عن نيويورك ساعه و نص طيران ..

معروفه كليفلاند بالطب للقلب في المركز الاول ..

وحاليا صار لها 4 سنوات تأخذ المركز الاول في علاج الكلى

وهذا علم كليفلاند



معلومات عن كليفلاند من ويكبيديا

https://ar.m.wikipedia.org/wiki/كليفلاند_(أوهايو)

هذا فندق انتركونتننتال عند المستشفى عبرة شارع انصح الرايح علاج يسكن فيه
بالاول ويشوف بعدين الشقق و ينقل ..



ودخلنا هالسكه صوب سكنا



يتبع

الله يعين الاعصاب على نطرة الجنطه وبعدين ما اوصلت ويييي
والطيران الاماراتي اشوف اكلهم متحسن يمكن علشان البزنس
اللوحات بمطار نيويورك ابد ابدما تشجع للسفر
باين شارعكم للسكن حيوي فيه عجقة ناس
متابعين معاج يا عسل

و عليكم السلام و رحمة الله و بركاته ...

هلا بك أختي أبرار ...
أسال الله الكريم رب العرش العظيم أن يشفي خالك ... و برفع عنه و يمتعه بالصحة و العافية
و أن يشفيه شفاء لا يغادر سقم .....

أن شاء الله تكون متابعة اليوميات ممتعة لنا و لك...

بس عندي استفسار ابرار ليش تشحنين الشنطه مره اخرى مو المفروض شحن من الكويت الى اخر محطه ؟

والحين نشوف السكن

تم الاختيار على ريسيرف سكوير في الداون تاون
لسببين الاول اقرب للمستشفى والسبب الثاني شقق مفروشه

الشقق الحلوه في منطقة beachwood و ليقسي فيلج حلووين لكن مو مفروشين

اسم سكنا



اختاروا استديوهين

كل شقه فيها غرفه - حمام - مطبخ - صاله و بلكونه ..



المطبخ و الصاله





في غرفة تخزين وكبتات خارجية



الصاله







البلكونه



يتبع الشقه

سالفة الجنطة تضيق الخلق

بنشوف معاج كليفلاند