الله يعطيك الصحة أخوي ابو معتز ..بالنسبة للطريق من سان دييغو إلى سان فرانسيسكو هل اقدر امر فيه على مدن صغيرة ولا اروح مباشرة.. وفي الرجعة من سان فرانسيسكو الى لوس أنجلوس اوقف في كذا مكان..

مشكور أخوي ابو فيصل على الاقتراحات .. الي محمسني على سان فرانسيسكو بالسيارة ان كثير يمدحون الطريق والمناظر الجميلة .. تعرف المطار الى ماتوصل وتقلع وتطلع من المطار وتستاجر بعدها يعني اتوقع من ٥ الى ٦ ساعات فقلت اخذ سيارة واريح راسي واستفيد من زيارة مدن على الطريق.

مبدئيا فكرة حذف لاس فيغاس اشوفها أفضل .. لكن السؤال وانتم أهل الخبرة .. كم الحد الأدنى للاقامة في لوس انجلوس.. يعني اني اقدر استمتع بأغلب معالمها..

هلا أخوي ابو معتز

إذا مبدئيا مثل ما تفضلت الوصول يوم 27 أكتوبر والسكن في منطقة أنهايم أو أيرفان لمدة 3 أيام ونزور خلالها ديزني لاند.. يوم 30 أكتوبر الذهاب إلى سان دييغو والخروج منها يوم 1 نوفمبر والتوجه إلى سان فرانسيسكو .. بس في الطريق ودي أزور سانتا باربرا ومدينة ثانية (لو تتكرم ترشحها لي ) وابقضي ليله في وحدة منهم..
وبعدها يوم 2 نوفمبر أكون في سان فرانسيسكو.
مدري كذا تخطيطي مناسب وسهل..

بالنسبة لسان فرانسيسكو وش النصيحة 3 أيام ولا 4 أو أكثر؟

إذا يكون الترتيب كذا:
27 - 30 أكتوبر (أنهايم أو أيرفان)
30 أكتوبر - 1 نوفمبر (سان دييغو)
من 1 - 2 نوفمبر (سانتا باربارا) + المرور على مدينة أخرى على الطريق
2 - 5 نوفمبر (سان فرانسيسكو)
5 - 14 نوفمبر (لوس أنجلوس)
15 نوفمبر .. العودة للسعودية

بعدها اخوي ابكلف عليك في بعض المقترحات.. مثل السكن في سان دييغو وسان فرانسيسكو أي منطقة تنصح من ناحية قرب الأماكن السياحية ومن ناحية أخرى تكون تكفلة السكن معقولة.
الشي الثاني بالنسبة لاستئجار السيارة وش تنصح بأي شركة؟ وفيه موضوع أسمع الكثير يتكلمون عنه هو التأمين الشامل كيف أقدر اعرف أنه على السيارة تأمين شامل. وهل معنى شامل ما يلحقني أي شي لو قدر الله صار شي للسيارة؟.
الشي الثالث بالنسبة لأخر الأيام الي تقريبا عددها 9 في لوس أنجلوس هل فيه له ترتيب خاص أو مجرد زيارات لأماكن سياحية في المدينة فقط.. وبالنسبة لسانتا مونيكا هل تصلح للسكن أو هي غالية ؟