وعليكم السلام ورحمة الله وبركاته

بارك الله لكما وعليكما وجمع بينكما في خير يا أخي.

أولاً إذا ع الفلوس أكيد إذا غيرتها هناك راح تطلع لك بسعر أفضل، لكن إذا أنت مالك في المشاوير غيرها من البطحاء لأن الشمال نصابين وياخذون عليك زيادة، بس نصيحة حول ٥٠٠ ريال هنا والباقي حوله هناك.

ثانياً : الجو في ماليزيا واحد طول السنة مافيها فصول لا شتاء ولا صيف درجة الحرارة وحدة غالباً، لذلك خفف من الملابس الجو عندهم رطب بشكل ما يحتمل أبداً إلا المرتفعات الجو فيها ممتاز

ثالثاً : إذا وصلت مطار كوالالمبور بمشيئة الله، لا تركب تكسي ولا قراب، اركب القطار، فيه قطار هناك في المطار
وإذا جيت عند الكاونتر تشتري تذكرة القطار قل للموظف أبي محطة KL Sentral
وليش القطار ؟ القطار سريع راح توصل كوالالمبور خلال نصف ساعة بالكثير، بينما السيارات راح تاخذ اقل شيء ساعة وربع، والتكسي فوق هذا بياخذ عليك ١٢٠ رينغت تقريباً، بينما القطار ٥٠ رينغت بس.

بعد ما توصل محطة KL Sentral ممكن من هناك تركب جراب أو حتى تاخذ تاكسي مع ان التاكسي بيدبل عليك سعر جراب بس يالله، وتطلع معه للفندق. أو حتى ممكن انك تكمل من محطة KL Sentral لمحطة ثانية اقرب لفندقك.

رابعاً : اللغة الإنجليزية أمرها سهل قابلت سعوديين كثير في ماليزيا ومو بس ما يعرفون انجليزي إلا ما يعرفون كيف يتصرفون في المطار وابد امورهم مشت الحمد لله.

خامساً : من ناحية تطبيق جراب، ترى الوضع جداً سهل، والجرابرز -سائقو جراب- جداً محترمين مرة ركبت مع واحد منهم وانا ما ادخن فسألني إذا ممكن يولع سيجارة علشان يدخن قلت له "لا" قام بكل إحترام وقف السيارة ونزل شرب سيجارته وركب ثانية. والله فيهم كمية إحترام وأدب ما تتخيلها.
أما التكاسي فما أذكر اني ركبت مع أحد إلا وسألني "تبي بنات؟" وسواقتهم زي الزفت

سادساً : جدولك ممتاز تحتاج تعدل جزئية فيه، ألا وهي كوالالمبور لا تعقد فيها يومين ثم تروح للجزر، لأنك أصلاً راجع لها بإذن الله وقاعد فيها يومين، فخذ أيام كوالالمبور الأولى وزدها على الثانية، أول ما توصل كوالالمبور ارتح ليلة اليوم الثاني اطلع للنكاوي. ولنكاوي مافيها شيء يستاهل الجلسة يمكن الشاطئ الجميل الي فيها بس أو المرتفعات ولا المطاعم والأسواق ماهيب ذاك الزود. لو تخليها يومين يمكن افضل، عندك كذلك بينانج جيدة وفيها نشاطات كثيرة من معابد وأسواق وشواطئ تحتاج زيادة أيام من الآخر.

انا اخذت تاكسي المطار الي صن واي لاغون ب73 ريجنت
وبعدين السفر لمدة ثمان ساعت بالطائرة جدا مرهقة وعنده عفش احسن بالتاكسي وريح بالك
لانه اساس السفر عندي اول يوم راحة لانه اذا ارهقت نفسك في اول يوم راح يطيح عليك التعب باقي الايام
وشكرا

كوالا و سيلانجور كلها مكان واحد ما تفرق شي ما هو معقول كل الرحله فيها لذلك الافضل انك تضع ٣ في بينانغ

شكرا لكم من اعماق قلبي ❤❤