04-09-2018, 04:44 PM
|
#1 |
مسافر متألق
تاريخ التسجيل : Aug 2018 رقم العضوية : 21185 الدولة : KSA الجنس : ذكر المشاركات : 485 | الي بيسافر تركيا يسير على هالموضوع عمتم مساءً جميعا
من خلال تجربتي البسيطه لي الان قرابة الخمسة ايام
لاحظت بعض الاشياء و حبيت اشاركها معاكم
اولا :
افياش الكهرباء يستخدمون فتحتين دائرية فقط لكل شي ، يعني شاحن ثلاثي او شاحن الايفون ابو خطين ما يركب ، يبغالك تسال الرسيبشن اذا تتوفر عندهم او الله يعينك اقرب محل يوفرها لك و تشتريها.
ثانيا :
لغة التخاطب راح تواجه مشكله كبيره ، لا عربي و لا انجليزي و نادر تحصل الي يتكلم عربي و مكسر ، و الفنادق تحصل فيها احيانا عرب يتخاطبون عربي ، يعني امن نفسك بالمترجم حق قوقل و حمل اللغه التركيه عشان تترجم في المترجم و تعطيه يقرا و راح يفهم الي تبغاه.
ثالثا :
الشعب التركي في الشمال التركي شعب حبوب و بسيط و محترم خصوصا في اوزنجول لاحظت هالشي و بكثره.
رابعا :
انا اضطريت اني اروح المشفى بالمدام لعمل تحليل حمل و الحمد لله اتضح وجود حمل فالشكر و الحمد لله اولا و اخيرا ، و لكن تطرقت لهذا الموضوع لانه راح تدفع رسوم رمزيه و لكن ما يقبلون غير الكاش و بالليره التركي تحديدا ، انا عطيتهم فيزا رفضوا و عطيتهم دولار رفضوا و قالي فقط ليره تركي.
خامسا :
موضوع السواقه في تركيا ، الصراحه لاحظت انهم متهورين في سياقتهم و ما يطبقون النظام ابدا و حتى الاشارات قليل الي يستخدمها ، فالي يبي يستاجر سياره يحرص من هالناحيه.
سادسا :
اسال الله لي و لكم التوفيق و السداد في حلكم و ترحالكم ، و اذا نسيت شي العذر و السموحه ، انا كتبت على عجاله و باقي ما خلصت جولاتي و باقي لي تقريبا 10 ايام و الله الموفق |
| |