الله يعطيكم العافيه
الحقيقه اثق فيكم واستشيركم في كل شيء
الله يكتبلكم الاجر
اناقد سافرت قبل

بس اخوي كان متولي مهمة كل شيء
يعني انا بس اروح اتمشى ��


الحين انا بسافر تركيا

وابغا احجز تذكرة
بس ابغا اضمن حقي
حملت سكاي سكنر وويجو وغيرها ولقيت رحلات كثيرة

بس يوم اجي احجز يحولني مواقع ثانيه ومااعرف لها واخاف يتنصب علي وتروح الفلوس
وكمان ماتطلعلي السياسات واضحه والحقائب والاسترجاع

اغلبها بالانجليزي
وكمان سمعت الي يحجز من مواقع وسيطه لو بغا يسوي اي تعديل ماينفع ويبيله حوسه بعكس اللي يحجز من نفس موقع شىركة الطيران

ابغا اضمن حقي من ناحية الاسترجاع لو صار ظرف وماسافرت وعدد الكيلوات المسموحه

هل اختار السعر المناسب واروح مكتب سفر يسويه لي؟؟
وهل بيزود علي المبلغ؟؟؟
وهل المكتب يضمن حقي؟؟
وافضل مكتب؟
وهل انا اختار الرحله اللي يعجبني سعرها واقول احجزهالي

ولا المكتب يحدد لي؟؟


(طيب ايش يسفييد المكتب لما يحجزلي رحله انا محددتها من قبل؟؟؟؟




وشي مهم
ايش احسن خطوط اسافر عليها؟؟ورخيصه
لقيت اغلبها الخطوط التركيه والناس تحذر منها تاخير وضيقه



وكمان اغلب الرحلات عن طريق شركات طيران متعددة

يعني شركة توديك هناك وبعدين ترانزيت

وتركب خطوط ثانيه
احس حوسه ولخبطه ماابغا كذا

حاولت ادور مباشر


بس مالقيت مباشر جدة طرابزون

ولو فيه ناادر و غاااااالي مرة



ياايها الملأ افتوني في امري .تعععععبت ��لي اسبوع احوس بالمواقع مدري وين الله حاطني��
هل الخطوط التركيه فقط الي تودي رحلات مباشرة؟؟
ينعت عليها ذم كثير جددددا

اخوي الخطوط التركية سافرت فيها اكثر من مرة ..سيبك من الكلام الفاضي خطوط ممتازة ثم الافضل تبحث عن الرحله المناسبه وقتها وسعرها ولا تفكر بهذي الخطوط احسن من تلك

ثانيا احجز من موقع الخطوط التركية ..صحيح فيه شركات في النت كثيرة وسطيه مرات سعرهم ارخص شوي لكن اذا حجزت عن طريقهم لازم تكو ن متاكد من البيانات لا يوجد تعديل واكيد متاكد انك مسافر ..اذا الفرق كبير احجز عن طريقهم اما اذا كان الفرق قليل احجز من موقع الخطوط التركيه احسن لك

ثالثا لا تروح للمكاتب نهائيا يستغلونك ويطلب عموله انت في غنى عنها النت ما خلى شيء لا تفكر بالمكاتب

أهلاً وسهلاً ...

البرامج التي ذكرتيها .. استخدمها فقط لمعرفة الأسعار التقريبية للرحلة ..

لم أجرب الحجز منها .. ولا أعتقد بأني سأجرب

كما ذكر الأحبة الحجز المباشر من موقع الخطوط مباشرةً أفضل .. وهي عملية سهلة

لا تحتاج سوى التجربة ...

الخطوط التركية مميزة ( جربتها لكذا رحلة ) وأعتبرها خياري الثاني بعد السعودية ..

الأهم .. إذا لم تجدي رحلة مباشرة .. ليكن الترانزيت خفيفاً ..

الف شكر وفقكم الله جميعا
على ماتقدمونه لنا من مساعدة
ممكن رابط موقع الخطوط التركيه
او اسم التطبيق لو لهم تطبيق للاندرويد

موقع الخطوط التركيه

https://www.turkishairlines.com/en-sa/index.html

شوفي اختي طيران ناس الحقي عليه العرض يخلص ٧ سبتمبر
من جده الى اسطنبول ب ٤٠٩ ريال ذهاب والعوده زيها لايفوتك

لا تحجزى الأ من موقع الناقل فقط لكى تضمنى استرجاع جزء كبير من المبلغ في حالة كنسلتي
رحلة سعيدة