10 ايّام في تركيا

NA.w.AF · 07-09-2018, 05:30 PM

السلام عليكم ورحمة الله وبركاته

وأخيرا وصلت ل10 مشاركات والحين اقدر افتح موضوع واسئلكم

طبعا اول سفره لي لتركيا وأول سفره لي أصلا خارج المملكة بس رحت لدول الخليج

المهم المدة 10 ايّام وتقسمت الأيام غلط للاسف 4 ايّام طرابزون و6 ايّام اسطنبول

التذاكر والفنادق كلفت كلها كل واحد منا 5200 ريال طبعا حنا شخصين بدون أجار السياره

الحين الي ابي اسئل وين اروح في طرابزون نبي جبال وخضار مجرد مانشوف طبيعه بس

ونعمل حسابنا على كم في الميزانية عشان تكفي الديرتين طبعا مالنا في التسوق والهدايا أبد ابد

والي جرب فيزا السفر حقت الاستثمار هل نعتمد عليها في الديرتين ولا نشيل معنا كاش

وإلا وشلون الطريقه طبعا احس 5200 مبلغ كبير على التذاكر كامله مع الفنادق بس وش نسوي هذي البرامج

طبعا نيست الفيزا للأسف سويناها في مكتب وخذ منا 299 كل الاجمالي طلع 5200

شاكر ومقدر لكم واعتذر عن الاطاله

hazim b · 07-09-2018, 06:26 PM

اذا ما ترغبون باستاجار سيارة فالافضل
الوصول لطرابزون والسكن بالميدان والاتفاق مع المكاتب السياحية على رحلتين الاولى الى صوميلا وما جاورها والثانية الى ايدر .
بنهاية الميدان موجود موقف للباصات الى اوزونجول اقطع تذكرة وروح اوزونجول وارجع مع الغروب باخر رحلة او تبات فيهة حسب ترتيبك لايامك.

NA.w.AF · 07-09-2018, 08:07 PM

الله يجزاك خير يالغالي

ودنا نستأجر سياره عشان ناخذ راحتنا اكثر واسطنبول تكون على المترو واوبر

وإلا وش رأيكم

hazim b · 07-09-2018, 08:16 PM

أكيد استاجار سيارة أفضل وأكيد باسطنبول الافضل المواصلات العامة.

NA.w.AF · 07-09-2018, 09:56 PM

الف شكر لك

INTER · 07-09-2018, 11:47 PM

الله يهديك اخوي لو سالت قبل ما تستعجل اخذ منك المكتب زيادة 70 ريال على الفيزة الوحدة تقدر تسويها انت بسهوله من النت او تاخذها من المطار عن طريق شباك الفيزا ما تاخذ نص دقيقة
عموما اذا تبغى خضار زي ما تقول وطبيعه فانت تاخرت شوي ومدري تلقى الاجواءممتاز الان او لا اسال احد يعرف
ثانيا تقسيم جدول خطأ اذا تبحث عن الطبيعة المفروض الشمال التركي اكثر ايام
عندك قرية همسيكوي
و مرتفع حيدر نبي
و ايدر ( بعيدة تحتاج تسكن فيها ليله)
و اوزنقول ( ليلتين فقط)
ديمركابي
كلها تمشي لها من طرابزون بالسيارة برنامج قوقل ماب يوصلك بالراحه

NA.w.AF · 08-09-2018, 01:12 AM

اقتباس : المشاركة الأصلية كتبت بواسطة INTER

الله يهديك اخوي لو سالت قبل ما تستعجل اخذ منك المكتب زيادة 70 ريال على الفيزة الوحدة تقدر تسويها انت بسهوله من النت او تاخذها من المطار عن طريق شباك الفيزا ما تاخذ نص دقيقة
عموما اذا تبغى خضار زي ما تقول وطبيعه فانت تاخرت شوي ومدري تلقى الاجواءممتاز الان او لا اسال احد يعرف
ثانيا تقسيم جدول خطأ اذا تبحث عن الطبيعة المفروض الشمال التركي اكثر ايام
عندك قرية همسيكوي
و مرتفع حيدر نبي
و ايدر ( بعيدة تحتاج تسكن فيها ليله)
و اوزنقول ( ليلتين فقط)
ديمركابي
كلها تمشي لها من طرابزون بالسيارة برنامج قوقل ماب يوصلك بالراحه

الشكوى على الله لازم حوسه شوي في اول رحله

اما بخصوص عدد الأيام أنا كنت رافض الشمال التركي لان عدد الأيام غير كافي

لأني قريت نص مواضيع المنتدى وعرفت ان الشمال التركي مو مره في شهر أكتوبر + اقل شيء 10 ايّام

و10 ايّام حقتنا كلها بتكون في اسطنبول قال الي معي نبي لو يومين نشوف طبيعه والباقي في المدينة

خفت مع الحوسه ذي يصير طقاق ومشاكل مع الصديق فا قلت خلاص الي تبي وبدال اليومين نخليها 4 ايّام

وانبسط كثير قلت أحسن كذا بدال مايروح معي منفس وقلت لازم الواحد يتنازل عن بعض الشغالات عشان يرضي الي معه

وتطلع السفره احلى اذا الطرفين متفاهمين وهذي سالفتنا

على العموم نشوف وش المكان الصحيح عشان يروح له صاحبي في طرابزون وينسبط بالطبيعة الخفيفه

ثم ننزل على اسطنبول ان شاء الله

والله يعطيك العافيه ياخوي

hazim b · 08-09-2018, 12:56 PM

مثلما ذكرتلك بما انه انتو ٢ شباب وايامكم قليلة بالشمال واذا ما ترغبون باستاجار سيارة فالمكاتب السياحية بالميدان تفي بالغرض وزيادة.

NA.w.AF · 08-09-2018, 01:37 PM

اقتباس : المشاركة الأصلية كتبت بواسطة hazim b

مثلما ذكرتلك بما انه انتو 2 شباب وايامكم قليلة بالشمال واذا ما ترغبون باستاجار سيارة فالمكاتب السياحية بالميدان تفي بالغرض وزيادة.

تمام تمام الله يعطيك العافيه ياخوي

بوصلووح · 09-09-2018, 09:36 AM

اذا تبون طبيعة خفيفة و استمتاع على رواق على مايقولون خذولكم ليلتين في اوزنجول تقابلون البحيرة وتسمتعون بالاجواء وتزورون الاماكن القريبة منها
ثم من طرابزون تخصصون يوم لأيدر و يوم داخل المدينة ممكن تزورون ساحل اكشبات و بحيرة سيراقول و بوزتبة و الميدان أو بدل هذا اليوم تروحون لمرتفعات خضرنبي حيدرنبي , ومغارة تشال

بالتوفيق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مقترحاتكم ل رحلة 7 ايّام	أم ريمه	البوابة السياحية	19	20-08-2019 01:20 PM