ابوعبدالهادي ورحلة بريطانيا ٢٠١٨

ابو عبدالهادي · 12-10-2018, 01:45 AM

ابوعبدالهادي ورحلة بريطانيا ٢٠١٨

الجزء 12

اليوم نرجع الى مدينة مانشستر, بعد ان قضينا 10 ايام بين معالم لندن وذكرياتها السيئة والجميلة.

مثل ما ذكرت بالجزء الاول ان التذكرة اللي معانا ذهاب وعودة (مانشستر – لندن – مانشستر) لمدة شهر على شركة قطارات فيرجن.

قبل الرحلة بيوم دخلت على موقع الشركة بالنت وتأكدت من يوم ووقت الرحلة وكان مذكور ان المغادرة من لندن من محطة يوستون قبل الساعة 3 العصر خارج وقت الذروة, مع تغيير واحد للقطار بس نسيت باي مدينة بيصير التغيير.

المهم يوم المغادره طلعت قبل الظهر تحسبا للزحمة, تقريبا 45 دقيقة من منطقة كناري وورف الى محطة يوستون.

ونحن داخلين المحطة وشناطنا ماشاء الله وش كثرها شي تسحبه وشي يسحبك من مواقف التكاسي الى الصالة الداخلية

المفاجأه ان المحطة فاضية مافيها الا الشرطة وبعض الموظفين

ايش العلم

سالت الاستقبال ايس فيه صديق
انا رايح لمانشستر وين الرصيف

قالو المحطة اليوم مغلقة للصيانة ومافيه أي قطار يجي

لا ياشيخ قل قسم

محطة هذي ولا بقاله

قال روح لمحطة جرين كروس تبعد عشر دقايق مشي وبيطلعونك بعد ماتغير القطار بمدينة ليدز
هذا اللي ناقص

طيب ليش مافيه اعلان ان المحطة صارت بقاله وبنقفلها هاليوم,

قالو اعلنا قبل كم شهر

لاحول ولا قوة الا بالله

وتبدا مسرحية جر الشنط من جديد وانتظار السيد اوبر يجي

وعلى المحطة الجديدة

لما وصلت ابي كرسي ارتاح والله مافيه

ملياااانة للاخر

سالت الاستقبال واعطوني رقم الرحلة الى مدينة ليدز و بعدها غير القطار الى مانشستر بس انتبه لرقم الرصيف

لما طلع رقم الرصيف واشتغل التيربو ابي الحق قبل الزحمة, من كثر الركيض تعبت من بعد المشوار
لما وصلت لقيت القطار ملياااان

لاحول ولا قوة الا بالله

دبرت كم كرسي للاهل وانا توسدت الشنط عند باب العربه

كان يالقطار عوائل خليجية يدورون براحتهم على كراسي قريبة من بعض, قلت لهم اقرب كرسي اجلسو, او بتمون واقفين مثلي

من قوة التعب والزحمة والازعاج, واحلى نومة على الشنط,

بالصدفة قمت من النوم واشوف ابداع الخالق في ارضه

لما وصلنا مدينة ليدز بدانا برحلة جر الشنط من جديد
المحطة من جد مليانه

وندور على رصيف مانشستر, الحمدلله ماكان وقت كثير انتظار
وركض للعربة الاخيرة وحصلنا كراسي فاضية,

بس عليها ورقة محجوز و لا كاني اشوفها

بس تصدقون نوم فوق الشنط افضل من الكراسي

الحدلله وصلنا مانشستر ومن قوة التعب مافيه شدة نروح أي مكان حتى العشاء خليناه يجي للبيت

انتهى هذا الجزء من الرحلة, ولمشاهدته على اليوتيوب تفضل الرابط

انتظرو الجزء 13

آخـــرفـــرصـــة, توبليرون, q8ya metnaqla و 1 آخرون معجبون بهذا.

ابو عبدالهادي · 12-10-2018, 04:42 PM

ابوعبدالهادي ورحلة بريطانيا ٢٠١٨

الجزء 13

اليوم باخذكم بجولة في مجمع ترافولد التجاري, اكبر مجمع في مدينة مانشستر. اعتيره تحفه فنيه بديكوراته الراقيه جدا. بالاضافة انه مركز تجاري يحوي على العديد من الماركات العالميه.
المجمع نظيف وجميل كانك داخل قاعة احتفالات

افتتحت فيه مركز ليجو لـ الاطفال, تتسوق وتاخذ الصغار معاك

لحظة تامل وانصات

مجمع ترافولد اقدر اشبهه مثل شارع اكسفورد بلندن, من كثر الماركات و تنوعها.

نصيحة, اللي خطة رحلته يمر بمانشستر, لا يتسوق من لندن
التسوق من مانشستر ارخص و اهدى من زحمة لندن
والافضل المغادره من مطار مانشستر لانه اصغر واهدى من مطار هيثرو

حتى منطقة المطاعم داخل مجمع ترافولد تشبه السفينة, وبالتحديد سفينة تايتانك

مراحل اعداد زبادي مثلج

اسعار بطاقات الباص

انتهى هذا الجزء من الرحلة, ولمشاهدته على اليوتيوب تفضل الرابط

انتظرو الجزء 14

آخـــرفـــرصـــة, توبليرون, q8ya metnaqla و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الحمد لله وصلنا سورابايا ٢٠١٨/٧/١م	الشايب	بوابة اندونيسيا	25	05-01-2019 06:57 PM
رحلتي الى اسطنبول ١٤-٢٤ يوليو ٢٠١٨	bargima	بوابة تركيا	19	30-09-2018 06:59 PM
أجواء أزنجول الآن ٣٠ يوليو ٢٠١٨ امطار وضباب وبراد	أبو يوسف2018	بوابة تركيا	33	27-08-2018 10:45 AM
أوزنجول الآن ١٣/ أغسطس /٢٠١٨	أبو يوسف2018	بوابة تركيا	11	16-08-2018 04:48 PM
الحمد لله وصلنا اندونيسيا امس ٢٠١٨/٥/٣١م	الشايب	بوابة اندونيسيا	70	29-06-2018 01:43 AM