بسم الله الرحمن الرحيم

الجمعه
13 / 7 / 2018

الوصول عصراً لمطار اتاتورك

طابوووور طويل للجوازات

في منتصف الطابور وبعد ربع ساعه من الانتظار !!

سألتني زوجتي ؟ معاك فيزا دخول تركيا ؟

ابتسامه هبله !!

وجري على طابور اخر حق فيزا دخول تركيا

الحمدلله كان طابور خفيف جدا .. وكان السعر للشخص الواحد 60 دولار .. ودفعت بالليره التركيه كاش .. وجري عودة لعائلتي الكريمه

بعد ختم الجوازات واستلام الشنط .. خرجنا .. قابلنا شخص يتكلم اللغة العربيه .. وعرض علينا تاكسي فان من نوع مرسيدس 9 راكب .. وبسعر 150ليره إلى فندقنا في السلطان أحمد ..

وافقنا وتوكلنا على الله

البنك اللي اتعامل معاه في السعوديه مقدم خدمة .. أنك كل ما تشتري حاجه بالبطاقة الائتمانية يعطيك نقاط .. وبموجب هذي النقاط تأخذ مقابلها تذاكر سفر أو فنادق أو كوبونات تخفيض وهكذا .. البنك محدد فنادق معينه للتعامل معاها في اسطنبول .. وهي فنادق محدودة جدا جدا

وكان أحدها فندقنا .. فندق ( ماري تايم ) (maritime ) مع الفطور في منطقة السلطان أحمد .. أنا ما كان ودي في منطقة السلطان أحمد لأني جيتها قبل كذا .. لكن أبو بلاش كثر منو

صورة الفندق



صورة اللوبي الزغنن



صورة الغرفه الصغيره جدا جدا



الفطور داخل الفندق .. لكن اللي يحب يفطر في تراس الفندق ياخذ فطوره ويطلع

ص تراس الفندق



للأسف كانت البداية غير موفقه !!

يمكن لأني ما دفعت فيه فلوس

كان حجزنا غرفتين .. جينا قال مافي إلا غرفه واحده فقط !! والثانيه تفضى بكره !!

ياسلام ياخويا !! والحل ؟؟ يعني ننام نصنا في اللوبي !! حتى اللوبي حقكم ذا ما يشيل نفرين !!

قال / عندي لكم شقة بغرفتين مجاوره للفندق .. بنفس السعر
رحنا .. شفناها ما عجبتنا

قال / الفندق اللي في ظهر فندقي برضوا تبعنا .. تعالوا اعطيكم فيه غرفتين
رحنا .. طلع كل غرفه في دور !!

وافقنا كتصبيره .. مقابل اننا نرجع ثاني يوم لفندقنا الأصلي

بعد نص ساعه واحنا نتجهز للخروج خرب مكيف الغرفه !!

شكل البنك حقي مو صافط النقاط !! حسبي الله عليه



يا حبيبي ايش الحكايه تعال شوف المكيف !! يعني مو كفايه الغرفه حق في لق ( 3 م * 2م ) !!

وكمان المكيف خربان !!

قال / انتوا اطلعوا تمشوا وإذا رجعتوا بالمساء تحصلون الأمور زينه

بسبب ها اللخبطة واستهتار الفندق بحجوازات الناس !!!!!

تأخرنا .. وصارت الساعة خمسه العصر

قلنا نلحق يومنا ..

سيرا على الأقدام لمدة عشر دقائق .. واحنا في ساحة السلطان أحمد





تمشينا عند ( ايا صوفيا )



لفلفنا وتمششينا وأكلنا ايس كريم وابو فروه

الساعه سبعه المساء ..

قالت إحدى البنات هذا المطعم شكله زين .. وهي تطالع فوق !!

وين يا بنتي ؟؟ انتي فين تطالعي ؟؟ مطعم في السماء يعني !!

شوف يابابا قدامك فوق البنايه



توجهنا نحوه .. وكان مطعم ( تراس ) فوق فندق اسمه
( سيفن هيلز ) والمطعم بنفس الاسم .. ومتخصص في الأكلات البحريه

طلعنا بالمصعد للتراس .. ولا يا جماعة الخير ذاك المنظر البانورامي الراااااائع
البحر من أمامك .. مسجد السلطان أحمد علي يمينك .. ايا صوفيا على يسارك
جلسه جميله جدا جدا .. وهواء البحر العليل يطس فيك

وكان توقيت دخولنا المطعم من أحلى ما يكون قبل الغروب بساعه

استقبلنا نادل يتكلم العربيه /
أنا اليوم بدي عشيكم على زوقي .. السمكه هذي .. مع كم حبة جمبري جامبو .. على صدر دجاج مقلي .. وسيخين لحم كباب .. وصحن رز .. وصحنين حمص .. وصحن بطاطس مقليه .. وحلا طيب كتير

نجم / هذي كم يطلع حسابها ؟؟ احنا لا شفنا منيو ولا أسعار !!

النادل / حبيبي قلبي .. ما نختلف .. أهم شى تأكلوا وتنبسطوا .. والأكل حيعجبكوا كتييير

نجم / اممممم أنا النغمه ذي ما أحبها !! الله يستر .. طيب كم ؟

النادل / كله حبيبي 750 ليره !!

نجم / كم !!! يا بوووويا !! ليه كدا !! ايش رايكم يا جماعه

العائله / والله المكان جلسته روعه

نجم / أنا أسالكم عن السعر مو عن المكان !! يعني افهمها يابابا ادفع !!!!

النادل / حبيبي انا معطيك سمكه كبيره .. جمبري جامبو

نجم / طيب اقولك احذف الجمبري .. صغر السمكه .. الحمص خليه صحن واحد .. الرز ما نبغاه .. أصلاً احنا شبعانين منه ولله الحمد

وبعد مفاوضات نزل العرض من 750 ليره إلى 450 ليره
وبنفس الطلبات السابقه ما عدى الجمبري .. وزادنا هو من عنده كنافه وشاي ( يعني شيله بيله )

حسيت ان احنا في سوق الجمله مو مطعم راقي !!

عموما السعر كان جيد قياساً على مستوى الجلسه والمنظر

السمكه طلبتها مسلوقه وتجي في طاجن .. وكانت من ألذ الأطباق اللي أكلتها
مرقة الطاجن بالطماطم والبقدونس والتوابل التركيه تتشرب شرب

الدجاج وكباب اللحم كانوا سيئين جداً .. لأن المطعم كما اسلفت متخصص في الاكلات البحريه

المطعم أنصح به وبقوه ..

صور للمطعم من مختلف الاتجاهات









واخيرا الصورة الرائعة




اللي يستغرب من الاتفاق على قيمة العشاء بها الطريقه .. اقوله أن سعر السمك غير مذكور في المنيو .. وخاضع سعره لعوامل عديده ..

المهم أنت وشطارتك في كسب ود النادل وطريقتك في المفاوضات معه للحصول على سعر جيد للسمك ..

رجعنا الفندق للنوم .. لقينا مكيفنا لا زال خربان !!!

والأخ حاط لنا مروحه صغيره !!



وكانت نووومه سيئه جداً !!!

يتبع ..

برنامج اليوم الأول /

التمشي في ساحة مسجد السلطان أحمد .. ايا صوفيا

العشاء في مطعم ( سيفين هيلز ) أنصح به

ههههههه مو كلتلك يا نجم ان سفرتكم اكيد فيها اكشنات واضح من البداية
يعني بعد ربع ساعة وقوف بطابور الجوازات وانت ما عندك فيزة ... زين اتذكرت ورحت سويتهة
الفنادق لازم تسوي مقالب .. زين اتحول المكيف الى مروحة افضل من لا شيء
المطعم جلساته روووعة بس اسعاره غااالية
مستمتعين وخلينه نشوف اليوم الثاني

الحمدلله ان ام العيال تذكرت الفيزا وبلغتك
بس يعني رحت بروحك كاونتر الفيزا وهم ظلوا بالطابور للجوازات
ما اطلبوهم للفيزا والا بس الجوازات ؟
السؤال مو لي لان احنا بدون فيزا
ههههههههه من أولها جذيه ان شاءالله تتعدل النومة والفندق بثاني ليلة
التمشي حلوو واختيارات البنوته حلوو للمطعم باين القعدة ترد الروح وحطيناه بالمفضلة هالمطعم
متابعين معاك

منور يا نجم
ابو طنبول هو سبب شهرتك فلازم تحقق له كل طلباته
بلايستيشن ولا غيرها


مقدمة رائعة كعادتك
لكن بداية سيئة في اسطنبول
ابو بلاش ما يجي منه الا النكد


اختيار موفق للمطعم
اطلالته خيالية ويستاهل كل ليرة اندفعت فيه


عسى بس غيرتوا الفندق ؟؟؟