برنامج اليوم الثالث في طرابزون //

قرية ( متشكا )

قرية ( هامسكوي )

المساء والعشاء في كورنيش وميناء طرابزون

بعد العشاء ميدان طرابزون

هلا بك اخوي نجم السياحة

طبيعة هامسكوي مميزة ورائعة .. وسبحان الله أتذكر كملت بعدها للمطل الزجاجي واختلفت الاجواء والطبيعة تماماً وأصبحت باهتة جداً ... الغيوم جميلة في المنخفضات ولكن قد تكون عائق في المرتفعات وأتذكر كان لي زيارة لهامسكوي في ضباب وللأسف لم أستمتع بها .. ودائماً الشمس تكون قوية في المرتفعات ... واضح أن الأهل غير متعودين على المرتفعات ومتخوفين كثير من الطرق فحلو إنك ما طاوعتهم ولا كان فاتكم هالمناظر الحلوة

سبق جربت السفينة في طرابزون ونشوف تجربتكم إذا تمت

جزء اخر جميل اخوى نجم السياحة

شمس اوربا عموما تحسها قوية وقريبة من راسك

رغم ان درجة الحرارة ما تكون مرتفعة كثيرا

لكن اذا جلست فى الضل يختلف الجو تماما

تقرير ممتع جدا

هههههه يا حليلهم البنات وامهم طبعا يخافون
الطرق تخرع
اخوي انزلوا بمطار طرابزون وعلى الجبال والطريج وصعود ارجعوا المطار قالو مانبي طرابزون وارجعوو من الخوف
مع ان ماخذين تاكسي بسايق تركي

المناظر جميله جداا بس القلقل ماخلى ام العيال تتهنى بالقعده
اما طرابزون والكورنيش حلووه وايد عليكم بالعافيه

بسم الله الرحمن الرحيم

الجمعه
20/ 7 / 2018

هذا اليوم

قلنا نرتاح من مناطحة الجبال والسحاب ..

نخفف على أنفسنا من لفلفة السياره في الجبل .. والطلوع والنزول !!

ومن باب التغيير نغير من اللون الأخضر ( لون الزرع والشجر ) إلى لون المدينه

وحشنا صخب المدينه .. ورؤية الناس

كل ما سبق كان مقدمة من المدام والبنات !!

من أجل الذهاب إلى مول ( فوروم ) طرابزون للتسوق !!!


كيدهن عظيم !!




جرت عدة محاولات لاقناعهن بزيارة قصر اتاتورك .. فكان الرد أنهن شبعن من المتاحف !!

طيب نروح جامع ايا صوفيا ؟؟ قالوا شفناه في اسطنبول !!

النسوان والمولات والتسوق !!!



مول ( فوروم ) مركز تجاري ضخم يحوي مجموعة كبيرة من الماركات العالمية والمحلية المتخصصة ، كما يضم سينما ، ألعاب للأطفال ، والعديد من المطاعم والكافيهات

المول متاح للزيارة كافة ايام الأسبوع
من الساعة 10:00 صباحاً حتى الساعة 22:00 مساءً

المول قريب من الشقه .. حوالي عشر دقائق فقط

وهذا حال اغلب مشاوير طرابزون .. كلها مشاوير خفيفه .. ما عدى الميدان فالمدخل له زحمممممه بشكل كبير !!!

صور للمول
















المميز في المول أن كل حاجه تلقى محلاتها بجوار بعض ..

يعني مثلاٌ ملابس الأطفال خمسه أو سته محلات بجوار بعض ..

وكذلك محلات ملابس النساء سبعه ثمانيه جنب بعض ..

محلات الجوال واكسسواراته أربع محلات جنب بعض ..

محلات الأجهزه الكهربائيه ثلاثه جنب بعض ..

وهكذا .. لا تتعب ولا تحتار .. والمقارنه تصير سريعه وقريبه بين كل حاجه في الشكل والسعر ..

مو زي مولاتنا في السعوديه !!

محلين ملابس أطفال في الدور الأرضي !! وكل محل في جهه !! واحد بأول السوق !! والثاني اخره !!

ومحل في الدور الأول !! وثلاثه في الدور الثاني !!!!!



يتعبوك وتطيح رجولك وانت طالع نازل !! وفي الأخير يمكن ما تلاقي حاجه تعجبك !!!!

وإذا لقيت حاجه تعجبك .. تكون نسيت شكل اللبس اللي شفته بمحل الدور الأرضي !! ونسيت كمان سعره !!

وتتعب .. وتحتار .. وتشتري من اخر محل وخلاص !!

وتلبسه في البيت .. يقولوا لك وش ذا الذوق الهيلق !!



وفي الاخير ترميه في الدولاب .. لانك نسيت مكان المحل !! هو بالدور الأول ولا الثاني !!




اخذنا بالسوق حوالي أربع ساعات ..

وبعدها اتجهنا نحو كورنيش وميناء طرابزون من أجل ركوب السفينه السياحيه

ونفس الطريقه .. وقفنا سيارتنا بنفس موقف السيارات عند ميدان طرابزون .. ورحنا مشي للسفينه ..

صوره للسفينه بالليل



ولحقنا تذاكر موعد الساعه السادسه والنص

وهو الموعد المثالي للاستمتاع بالجوله في أحلى وقت ..

بتلحق قبل غروب الشمس .. وتكون حرارة الشمس راحت .. وبدات نسمة الهواء الليله البارده تجيك

التذكره ( 35 ) ليره للشخص بدون وجبه .. ومدة الرحله ساعه ونص تقريباُ .. رايح جاي أمام مدينة طرابزون

وفي الليل في رحله ليليه مع العشاء مدتها ساعتين ونص إلى ثلاث ساعات

السفينه ماشاء الله تبارك الله كانت مليانه من ربعنا الخليجين وخصوصاُ السعوديين
كأنك طالع سفينه في دبي ولا في جده !!

السفينه فيها كوفي يقدم فواكه وعصيرات وسناكات خفيفه بأسعار مبالغ فيها جداً !!







الرحله جميله .. تشوف البحر .. وتستمتع بهواه العليل ..

وتتفرج على جمال مدينة طرابزون من البحر .. وكل ذلك على أنغام الموسيقى العربيه والغربيه والتركيه والشيلات البدويه !!

وهلا بالخميس .. وياحرب ياحرب الدول





بعد جولة السفينه .. رجعنا للميدان لمقابلة أختي الحبيبه وزوجها وابنائهم

تعشينا في أحد المطاعم .. وبعدها شاي وعصيرات وكيك وكنافه بأحد الكافيهات ..

الحلقة القادمه مع الساحره الخلابه .. النغم والطرب

اوزنجول ..

يتبع ..