تركيا الصيفية - الصفحة 2

توبليرون · 27-12-2014, 03:39 PM

اقتباس المشاركة الأصلية كتبت بواسطة الركيب

تسلمين يام حسين عالتقرير وعالبداية الجميلة

بانتظار الأجزاء القادمة
يعطيك العافية

ويسلم من قال ويسلم احبابك
شكراا لك يعافيك ربي على المرور العطر

توبليرون · 27-12-2014, 03:46 PM

اقتباس المشاركة الأصلية كتبت بواسطة بنت أبيها تقرير مشوق عن المعشوقة

تسلم أيدك أم حسين أكملي فنحن بالانتظار ..

وتسلمين يارب
ويخليج للبابا ربي يحفظج
ان شاءالله بنحط البقية بعد الردود

توبليرون · 27-12-2014, 03:49 PM

اقتباس المشاركة الأصلية كتبت بواسطة MOBARKI تقرير حماااااااااااسي

وصووووووووووور وايد حلوه

يعطيك العافية ام حسين

متابع

يعافييك ربي ويحفظك
شكراا لذوقك اخوي
حياك الله

توبليرون · 27-12-2014, 03:53 PM

اقتباس المشاركة الأصلية كتبت بواسطة فيصل ما قصرتي ام حسين

ولا تنسين البوابه الفرنسيه بعد

شكراا بامديرنا وكما عودتنا دائما
تشارك الكل بمواضيعهم
يا بوخالد مديرنا الغالي نتشرف بتواجدك
وتأمر أمر الفرنسية بعد هذا
ههههه دور دور

توبليرون · 27-12-2014, 03:56 PM

اقتباس المشاركة الأصلية كتبت بواسطة Cherry هلا وغلا .. ام يوسف
يعطيك الف الف عافية ...وقفتك مع المنتدى
لن ننساها مادمنا على الحياة نتنفس..
تقرير رائع من سلسة رحلاتك الرائعة
بارك الله فيك ولاحرمك الاجر.

حبيبتي والله من ذوقج وهذا كله من اجل منتدانا وهالاعضاء
الرائعين اللي احسهم اخوان وابناء ما يفرقنا احد
ويبارك فيج يا الغلا وحياج الله

توبليرون · 27-12-2014, 04:03 PM

اقتباس المشاركة الأصلية كتبت بواسطة شارلوك هولمز الله ياام حسين ركن من اركان المنتدى لاحرمناك .. جزء رائع ومتابع معاك التقرير

هولمز

ويعافييك ربي يا محققنا
وانت مو مقصر بعد
وشكراا لمتابعتك الرائعة
حياااااااك

توبليرون · 27-12-2014, 04:08 PM

نكمل مع الأعضاء الحلوين

يومنا الأول

وصلنا الفندق بعد لفة بسيطة من التاكسي

ودق عليهم تلفون والا احنا عند الفندق......بره مو مبينة اللافته له

عمارة بين العمارات

وهذا حجزنا شوفوه قبل لا نحط صور الشقة

قسمت لكم الورقة بالتصوير علشان يبين

العنوان والايميلات والاحداثيات

الحجز والسعر

عطيناهم كاش 4500 ليرة تركية...عاد مو تقولون وايد

قارنو السعر مع سعر بوكينغ

وصف الشقة

كرت الفندق

الواي فاي مجاني

مدخل الفندق من الريسبشن الصغير

الريسبشن ......قصدي طرف منه

ما شاءالله انترس منا

ارفف المكتب البسيط المرتب

لوحة خلف المكتب

شاف الولد الموجود التشيك ان ودخلنا الشقة بالدور الثاني من المبنى الداخلي

يعني نمر بالريسبشن ومن داخل ندخل على مبنانا

في مصعد للادوار الموجودة في المبنى الاول خلف الريسبشن مباشرة

وهو مبنى الغرف اعتقد

وام حسين صار لها مشكلة ما اقدر اصعد درج ....صعد بوحسين

يشوف الشقة ما عجبه الوضع ناداني......صعدي يا ام حسين لازم تشوفين

وهذه الشقة .....صعدت

الغرفة الاولى

تكرمون الحمام الوحيد

المطل

ماصورت من الصالة الا هذا العيال كانوا قاعدين

فيها صوفا بد لنفرين

وهذا المطبخ

وهذه المشكلة

في الممر ووحدة بس مافي غيرها

مشكلة تكييف واحد والجووو حار

وبالممر

قلنا حق الولد ...قال خل اتصل بالمسئول

والا المسئول يانا وقال في شقة ثانية تحت بالدور الاول

قلنا حلوو نص المشكلة انحلت.....دور واحد كم درية تمام.....فتح الشقة الثانية وراحو الربع

انا انطرهم شيقولون وانزل لان اخاف يرجعون يصعدوني

قالوااا تعااالي

نزلت والا رحمة الله من الهوااا البارد نزلت علي

قلت الله هذا التكييف مو فوق......طلع في هالشقة وحدتين تكييف وحدة بغرفة نوم

والثانية بالصالة

قلت لهم انتو اشرايكم الكل وافق.......وطلع المسئول شاب حليوو وحبوب

قال موافقين علشان نكتب العقد.....قلنا اوكي

وعطانا خريطة وحط عليها اشلون نوصل لميدان تقسيم...وبعض الاماكن

نشوف الشقه الجديدة ما تختلف عن الثانية الا انها تكييفين وبالطابق الاول.....

غرفتي ...انا ودانة

اخذتها علشان هذه

الغرفة الثانية للبنات...بدون تكييف

بس يوصل لهم البراد لان ابيبان الغرف كلها فاتحينها وقت النوم

الصالة لابوحسين ويوسف

مالحقت اصورها من النثرة اللي صارت خخخخخخ

الممر وتلاحضون على اليمين باب الصاله اللي حجمها حجم الغرفتين مع بعض

وجدامنا غرفة البنات....اليسار غرفتنا....وتكرمون باب الحمام السحاب

ووراي باب الشقة....ويساري المطبخ

تكرمون الحمام

المطبخ

طاولة اكلنا هههههههههه

لا لا هذا مطعم الريوق في الفندق دايما نمر منه

نلاقيهم يتريقون .....انا ماحجزت ريوق فندق لانهم يبون يتريقون بره كل يوم في مكان

وهذه باقي طاولات المطعم وشايفين الريال احنا هني نمر لمبنانا

وفي باب ثاني ما يفتح الا بمفتاحكم......او تفتحونه من داخل يعني الفندق آمااااااااااان وهذا اللي شفناه

هذا الله يسلمكم المسئول عن الفندق......الطريف انه دانه سألته شيصير لك الممثل الفلاني

قال لها عمي......قالت يا سلام نقدر نشوفه قال لها خل اشوفه انا بالاول

واشوفها تضحك قلنا لها شالسالفة

طلع انها عرفت من اسم العايلة والفندق اعتقد للممثل مثل ما قالت

اسمه تلاقونه على كرت الفندق اسمه اران.......ماي فريند لكل واحد من العايلة بس يشوفنا

لوحات بالاسقبال

هذا باب الدخول والخروج بنطلع

الدخول للفندق بس شافونا تقريبا الساعه 8,30 وعلى ما استقرينا على الشقة

الساعة 10 وراح يوسف مع دانه جابو لهم ريوق ....وانا من شفت البرك طبيت معاهم

واكلنا وهني ما صورت......نمنا لحد الساعه 3 تقريبا وبعدين طلعنا

ندور الغدااااا جعناااااا

توبليرون · 27-12-2014, 04:09 PM

عقب ما ريحنا وصلينا الظهر والعصر جمع تقديم

طلعنا ندور شارع الاستقلال

بنتي تقول تعالو مايبيله تاكسي وانا قلت لهم روحو انتو وانا بعد هالمشي

ما أقدر.......شوفو وين مشيت

شايفين السهم فندقنا......وهالطريق الصاعد لحد ما نوصل للشارع اللي تمر عليه سيارات

المسافه صغيره اوكي بس تقطع القلب والظهر....خاصة انا مع الديسك

ماني قادرة امشي.....ناخذ تاكسي يوصلنا للميدان والعيال بعد اخذوا ....كل 3 بسيارة

شايفين صاعدين تلة

وصلنا الميدان خمس ليرات السايق اخذ من يوسف بتاكسيهم

واحنا اخذ من عندنا 10 ليرة

كل واحد بكيفه ويوسف طلع اشطر من ابوه ههههه

الترام ...يهبل بس ما ركبنا كله زحمة

نصب الميدان

الذرة

الكستنه

والورد

شووف الزهور باه وتعلم......شنو اتعلم؟؟

النصب التذكاري

مرة اخرى

واخرى

يا حلاة السميت

قلت لهم الاخت شروق انصحتني بهالمطعمين

ساراي وبهلوان

شكرااا شروق خوش مطاعم

ساراي

هذا بهلوان

وكانو في بداية شارع الاستقلال

أخترنا لا ده ولا ده

اخترنا سوتيش

ودخلنا وصورنا

قعدنا وطلبنا وشوفو طلباتنا

الحمص

سلطة

يا أحلى من اللذيذ والرايق

وعيران

وألذ كبة ....طلبنا صحن في 6 حبات

الجرسون وزعهم علينا

لذييييييييذة

واسكندر كباب ولا في منووو

مو حقي

نفس طلبي

طلبي

واسكندر ثاني

ووراهم استكانة شاي تركي....بس مو على الفحم

السعر طلع 250 ليرة

وبعدها طلعنا شارع الاستقلال واستكشافه

لقينا مجمع صغير دشينا فيه

كله محلات معروفة وتحت فيه محل الكترونيات

شرينا افياش كهربا ...2

الطوابق

فوق

تحت

دخلنا السينما هذه اللي سيارة وتتحرك فيك

والفيلم جدامك.....انت تختار نوع الفيلم ويوسف اختار فيلم مطاردات

فضاء سرعة

خضتنا خض......السعر 40 ل5 اشخاص

شفتوو هاالباب ....يطلع من جوانبه هوااا بارد

واوقف انا اتبرد فيه عل ما ينزلون العيال

هذا المحل جدام المجمع

وانا واقفه لمحت سراي....قال بوحسين بنحلي ....وانا ابي اريح

قلت له هذا سراي.....والا بنتي تقول مادووو

ورحنا مادووو كان قريب

زحمة تحت وحر.....قالو في فوق مكان....والحمدلله عندهم اصنصير

الشارع من فوق

جانا جرسون قلنا تعرف عربي قال اي

واخذ طلباتنا

المطعم فوق بس احنا وزوجين اتراك

سلموا علينا وقعدوا يسولفون معانا....طلعت انجليش تيشر...وقلنا لها انا ماث تيشر

وبنتي كومبيوتر تيشر ههههه

تقول اي الماث مخهم كبير......احم احم

وصلت طلباتنا

بقلاوة بوحسين....مع قهوة تركية

طلبات البنات

وقهوة 2

طلب يوسف

ما عجبه....مادري شنو....ظل على حطته

وأخيرا طلبي ....كان ناسي يحط صلصلة الكاكاو فوقها ....قلت له هذا مو طلبي

طلبي فيه شوكليت ....راح وعدله

طلع الحساب ...82 ليرة...هههه حتى 2 سجلتها

بعدها تمشينا نكمل الشارع

دانه شافت هالمحل وقالت بدخل ...هذا محل الممثله الفلانية مثله فيه اعلان

واعتقد صورتها اللي بالخلف....دخلت وقالت انسوني هههه

دخلت انا معاها اخذت لي جنطة كتف شوي كبيرة مبحبحة حق الكاميرا والايفون وبوكي...ههههه

وهذا ينظف الشارع

وكملنا الطريج لحد ماتعبنا وقلنا تاكسي.....مافيني نرجع ابدااا

واشروا لنا ان اخر الشارع طلع اخر شي من جهة شيك شاك لقينا مواقف للتكاسي

هذا المبنى عند المواقف

وهذا اللي يقابله

عليه صور للشارع وتواريخ السنوات اللي مرت عليه

واخذنا تاكسيين ....وصلونا ب 50

الوحدة 25 ليرة اتفقوا التاكسيين مع بعض

المهم وصلونا هههههه

بعدها رجعنا الشقه تعبانين ...تعب مافي نوم عدل والطيارة

وبفرغ الجناط......

اهني يوسف عقب ساعة يمكن راح جاب لنا فطاير عشا

هذا العنوان للي يبي فطاير سريع....مع ان شارعنا كله

مطاعم ومحلات خضار...ومخابز وبقالات

فضلنا كلنا ان ما نطلع بالليل .....الا دانه وابوها طلعووو

قالو بنتمشى .....

رايحين الساحل يقولون وناااااااااسة حسسافة ما ييتوا معانا....تأخروا شوية

ما كلمناهم لان معاهم العنوان.....ودانه تعرف العنوات وتتكلم تركي

طلع التاكسي ما يعرف او يستعبط عليهم دقوا على الفندق وعطوه العنوان بالتفصيل

وتصبحون على خير .....للجزء اليديد لليوم الثاني

توبليرون · 27-12-2014, 04:16 PM

اليوم الثاني لنا في اسطنبول

اول يوم عيد الفطر السعيد

كل عام وأنتم بخير.....وتقبل الله طاعاتكم ....وعساكم من عواده

قعدنا الصبح مبجر وتجهزنا وطلعنا الى الكافيهات اللي

عند الفندق للريوق ..الافطار ..الساعة 8 الصبح

السعر تقريبا ثلاثين.......الفطور بالفندق الشخص 9 دولار

واحنا اساسا مو طالبين ريوق.....واحلى التنويع بره

وطلبنا ريوقنا بيض وبرك وعسل و(( كماك )) يعني قيمر او قشطة

بالغصب فهم علينا على القيمر

شوفو ريوقنا وبسم الله معانا

بيض.....جنه اسمها موتو...او موته

البرك المحمشة

لازم الشاي .....لا تخافون بعدها اشتري بيبسي

كاماك = قيمر= قشطة =اعضائنا الطيبين

عسل يا اعضائنا العسل

المخبوزات في الكافيه

هذه الجلسات الخارجية يمكن بس طاولتين

اجوائنا .....وشايفين الورقه البيضاء عليها الرقم السري للواي فاي

اغلب المطاعم فيها انترنت للزباين

بعد الريوق طلعنا بالتاكسي للسلطان أحمد

الجو حاااااااااااار جدا

في الطريج....تعالو معانا

لافتات مكتوية بعضها عن رمضان وبعضها عن عيد الفطر

طبعا بقراءة دانة التركية

وصلنا السعر للتاكسيين 40 ليرة

دايما نطلع تاكسيين لان الكبير بالغصب تلاقي او طلب

والصغير حلوو عن الزحمة

والبيغ باص كان حاضر

اول صورة للمسجد مع ....جذع النخلة

صور من الأيفون

كرسي له ذكرى عندهم

ذكرني بكراسي الهايد بارك

حلووة الرسمة بالصخور

للحين ما صدته عدل...طلع معاه عمود الليت

ذكروني بجلاب اثينا...كله نايمين

ترى حتى هني ما صدته بروحه الا لما رفعت الكاميرا لأن جدامي الربع يمشووون

هني على جنب

لوحة تعليمات اللبس لدخول المسجد

غنومة تقول اي احسن احنا متحجبات دخلونا وهذيل مو لابسين محتشم اطردوهم

الحمدلله على نعمة الستر اللي سترت فيها بناتي باختيارهم

مكان الوضوء للرجال

ساحة المسجد وكاتبين عن العيد ورمضان مثل مافهمت من دانة

صور القبة

الزخرفة الاسلامية عجيبة مع الخط

حضرت بلال الحبشي.....مؤذن الرسول

شتسمونها ؟؟ النجفة او الثريا من المصابيح الطريقة القديمة

وبوحسين مادري وين رايح بعد ما صلى ركعتين تحية المسجد

قعدنا شوية داخل المسيد

وصورنا

اللي شدني ان كل مآذنهم نفس الشكل في كل المساجد بتركيا

الهلال والنجمة زراعة

وطلعنا ...تشريت من هذه النماذج.......بح

رحنا صوب ...آية صوفيا ...وتوب كابي

قال لنا البائع للتذكارات ان اليوم بيفتحونه الساعه 1 ...بس لان العيد والسياح وايد

هذا الكلام الساعه 10 احنا خالصين من مسجد السلطان أحمد

قعدنا شوي مع الباعة والعيال يتمشون ويتشرون

ويصورون

كستنه حاارة لذيذة

شعر البنات......يسألونه عن الجراند بازار

اقول للعيال خل ناخذ الترام ....بس كل ترام يمر مترووووس ...قلنا بلاها ونمشي ونتمشى

بيغ باص

ماي ونافورة

يتبع

توبليرون · 27-12-2014, 04:19 PM

نتابع

ومشينا بهالاتجاه

وقفوا يشوفون واحد ينسج زوليه او سجادة

مطعم شاورما متينة خخخخ تفاجأنا بالحجم

نص الطريج ريحنا بستاربكس

وشغلووا الانترنت وقعدنا شوي

عصيري ...ومايي...عطششششششش

وجيس اغراااااضي...بح

دخلو هالجمعية .....دانة شرت شامبو لان ممثلة مسوية اعلانه

دانه تضحك كل شي تبي من تركيا

بوحسين يشرب من الماي

وبعد الجمعية سألنا عن الجراند بازار اللي احنا مشينا كل الطريج

وما بين.....قالوا لنا هني وأشروا لنا عليه

بس مسكر اليوم ....الأثنين وعيد......تذكرت كلام شروق ههههه

بس بعد شنووو ....بس حلووو فرصة تمشينا بهالشارع.....اللي يتعب انه صعوود بس خفيف

مو مثل سكة فندقنا

اخذنا تاكسي كبير....اقول لكم بعدين اتفاقنا معاه

مبنى لحائط أثري جمييل قريت عنه بس ناسية اسمه

دايما اذا قربنا من تقسيم نمر تحته

شفنا محطة موقف الباصات وسيارات التاكسي

شفنا تاكسي فان قلنا له نبي البسفور...قال 100 ليرة...قلت له ليش

وايد قال افرفركم....قلنا لا بس وصلنا هناك

المهم اتفقنا معاه 50 ليرة وهم اهو كسبان.....

مشى فينا وتكييف سيارته حار حييل...طلبنا منه يكره وفتحنا الشبابيك

.......

ارحم بألف مرة من تكييفه...وصلنا ومرينا على العبارات بس من الشارع الثاني لف

قلت اي بينزلنا عندهم.....بس سوى حركة نذالة......مشى فوق الجسر ونزلنا هناك....وقال هني السفن

نزلنا ماكو الا عبارة للمطاعم يمكن

المهم .....نزلنا وغنومة نزلت وقلت لها وين جيسي بعد ما حرك التاكسي

قالت موعندي ولا عند احد نستهم بالسيارة ....ماهمني سعرهم ولكن همني انهم صاروا عند هالنذل

مشينا مشي طول الجسر وصعود ونزول علشان نوصل للعبارات

.........

نشوف الصور أحسن

من السيارة

من فوق الجسر.....بعد ما نزلنا

المطاعم اللي تحت.....ترى هني اصور وانا معصبة من السايق

بس ما اقدر ما اصور...مابي افوت المناظر

اي صورة أحلى هذه

والا هذه

صيد السمك

وشفتهم ...قلت لبوحسين غدانا هني اليوم

واول شي الجولة

وهذه كراسيهم

العبارات عليهم زحمة طبيعي لأن عيد وسياحة

هذه عبارتنا

من الحر والزحمة ما فكرت اطلع برة

قعدت داخل وبس شرب ماي وعصير

وهذه صور من الجولة

وأنا داخل هههههه شوفو المناظر

لازم هالأثنين ضيوف شرف بكامرتي

ما شاءالله سفن كبيرة

وبوحسين خذا له راحة

بنية صغيرة سولفت معاها دانة وصورتها

قلعة

البيت اللي صوره بوناصر عسل 2020

مونامورمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آخر أيام الصيفية فى جنوب القارة الأفريقية.......(جنوب أفريقيا مارس 2015)	Bika	تقارير لا تنسى	96	04-07-2021 09:31 AM
الدليل الشامل لبطاقة زيلامسي وكابرون الصيفية المجانية	هدوء العالم	بوابة النمسا	72	23-08-2019 04:06 PM
جو تركيا شهر 7هـ	رزان	تركيا	3	18-03-2015 08:24 AM