تركيا الصيفية - الصفحة 3

توبليرون · 27-12-2014, 04:21 PM

وأنتهت الجولة ....طلعنا على المطاعم البحرية

شرينا سندويشات السمك....اعتقد كانت 10 ريال الوحدة

وحطينا عليها عصير الليمون

تصوير البنات

بعد الغدوة الخفيفة

ركبنا تاكسيين ورجعنا الفندق

صلاة وسباحة ((استحمام )) ونووم لحد الساعة 7

بانتظار العيال باللوبي الصغير للفندق

صورت لكم الباب .....تشوفون السيارات هني

شوفو هذا الشارع ....السيارات تدخل منه

وخاصة اللي تطلبونها من الفندق او تاكسي طالبينه بالتلفون......ويطلع على شارع رئيسي

او شوارع داخلية للاستقلال

لوحات من اللوبي

رحنا عقب لميدان تقسيم وشارع الاستقلال

وسيدا لمطعم بهلوان.....نفس نظام البوفيه توقف طابور وتختار شنو تبي وهو يحط لكم بصحون

اختياراتي وطلع حسابي انا ودانة تقريبا 6 صحون ومع البيبسي وواحد عيران

طلع حسابنا 50 ليرة

وتقريبا كا اثنين منا طلع نفس الشي

هذه الثلاجة انت تفتحها وتختار سلطة والا حلويات والا مشروبات بيبسي ولبن وماي

زحمة صوانينا

باميا

بعدها تمشية حلوووة في الساحة بعد النصب

وفي بياعين فواكه وكستنه وغيره....وحديقة

فواكه

حسبتهم واقفين طابور طلع بس جذيه

تفضلوو رقي من غنومة

هذا ورا اول بناية تمشينا طلع هني كلها مكاتب سياحية

ومطاعم واحلى مطعم ....مطعم يبيع فلافل بعدين اعلمكم عنه

شوفو اعلان للمصبغة بالعربي

وحلقوم باللغة العربية

لقينا بياع رقي هني بعد

قعدنا نشرب شاي التركي

والا دانة مهند ....قلت لها وينه ؟؟ قالت كاهوو بالاعلان .....نطروا اطقها وراجعه لكم

رجعنا للميدان نتمشى ....

وتحلية حلوووة عند حافظ مصطفى

وطلباتنا.....

تصوير الحلويات داخل المحل

ومن حافظ اخذنا تاكسي

خلينا حافظ مصطفى على يسارنا

وسيدا لآخر الشارع ولفة صغيرة يمين ...ونوصل سكتنا للفندق

بعشرة ليرة للتااكسي الواحد

وتصبحون على خير

وجزء جديد ليوم جديد

زهرة نيسان · 28-12-2014, 01:17 AM

ام حسين
ابي كنااااااافة الحين

بيبسي · 28-12-2014, 12:48 PM

تقرير جمييييييل
عرفت الممثل .. اسمه كنان اميرزال معرووووف جدا

رحال · 29-12-2014, 09:31 AM

[INDENT]حيا الله ام حسين قريت تقريرك كامل بجزئيه التركي والباريسي في منتدانا السابق والحين ارجع اقراه مره ثانية
يا اختي لا يمل
تقبلي مروري رحال

توبليرون · 29-12-2014, 04:17 PM

اقتباس المشاركة الأصلية كتبت بواسطة زهرة نيسان

ام حسين

ابي كنااااااافة الحين

هههههههههههه حياج افتحووا مادوو عندنا بالكويت
واذا ما عجبج نذوقج كنافة اي مطعم تركي بالكويت يا الغلا تستاهل بوئك كل الكنافات

توبليرون · 29-12-2014, 04:18 PM

اقتباس المشاركة الأصلية كتبت بواسطة بيبسي تقرير جمييييييل
عرفت الممثل .. اسمه كنان اميرزال معرووووف جدا

هههههههه ما شاءالله عيل بقول حق بنتي عن الأسم
واكيد بتعرفه
يعطيك العافية يا يمه

توبليرون · 29-12-2014, 04:24 PM

اقتباس المشاركة الأصلية كتبت بواسطة رحال [INDENT]حيا الله ام حسين قريت تقريرك كامل بجزئيه التركي والباريسي في منتدانا السابق والحين ارجع اقراه مره ثانية
يا اختي لا يمل
تقبلي مروري رحال

وحياك الله رحالنا ما شاءالله
من ذوقك
شكرااا لك على المرور الراقي

توبليرون · 29-12-2014, 04:31 PM

صباح الخيرات

وجزء جديد ليوم جديد ...اليوم الثالث بتركيا

اليوم قعدت شوي مكسلة وعندي كوي ملابس

بوحسين قعد ...قال يلا نتريق.....قلت له انا بتأخر روح انت وجيب لي معاك

برك جبن وعصير برتقال.....بس انا شربت بيبسي ...

راح بوحسين ورجع لي بهالريوق السنع ....أحلى شي

هذا مخبز غير الكافيه مال امس كلهم حوالينا .....

منطقتنا اسمها على ما أعتقد ((جهانجير)) على حسب ما اسمعها من دانه للسواق

العيال قعدوا وبدلوو وراحوا يتريقون .....

بكافيه ثاني...مقابل كافيهنا اللي امس تريقنا فيه.......

على ما نزلت انا وراهم لقيتهم للحين مو واصل طلبهم....قعدت اصور

...ووصل اكلهم اللي يشتغلون بطيئين حييل

هذا هو الكافيه لليوم

ما ينلامون تمثيلياتهم من الصبح بالتلفزيون......يالله يلحقون عليهم من كثرهم

ديكور المطعم

اصحاب المطعم هذا بطيئين ....طلب بوحسين شاي حليب ناااامو

انا قعدت بره بالجو اللطيف

ومن حسن حظكم ....صورت لكم هذا

الدائرة الصفراء ....الكافيه اللي تريقنا عنده امس...واللي صورت لكم اياه

النجمه الحمراء هذا أخر الشارع وانتو جايين من الميدان ...وصفت لكم بالجزء الثالث بداية الطريق باخر صورة

هذا السهم على يميني يكون.....والسهم يشير الى مواقف التاكسي

ساعات ناخذ منهم ...

وساعات ناخذ تاكسي بهالمكان السهم الازرق ويكون التاكسي عابر بيلف للمواقف

وهالمكان هو اللي اول ما نصعد من الصعدة اللي عند الفندق

محل الفواكه هذا الموجود بالصورة هو سوبر ماركت كل شي عندهم

طلعنا بعد ما تريقوا العيال ناس من هذا وناس اخذت ساندويشات من محلنا اممس

قالو وين نروح......قالت دانه في مكان حلوو الله يخليكم خل نروح

قلنا يلا .....واخذنا تاكسيين ....المكان بعيد ...بس اشدارانا باسطنبول الاسيوية

وهذه صور من الطريق.....مشينا بين المباني

وصعدنا جسور

ومرينا سهول وتلال

وعلى النوادي كمان .................شاعرة

وعبرنا البحور

وصعدنا الجبال

عجبتني هالمنطقة

ودخلنا انفاق

وما وقفنا لأي بقالة

اتجاهنا اخر وحدة

وصور الانتخابات بكل مكان بتركيا

وهذا سايقنا يسولف مع دانة

ويسالها عن اشلون تعلمت تركي.....وطول الطريج مستغرب...قاله بوحسين

قول ما شاءالله لا تنظل بنتي.....قال ماشاالله ما شاالله

وصلنا بحر

وحديقة وملاعب اطفال

وهذا طريقجنا كله اشجار وصعود ودوران...حول منطقة عسكرة كبيرة المساحة

قال لي السايق ممنوع التصوير هني وحاطين علامة ممنوع التصوير

شوفو السياج

والبحر موجود

ووصلنا تقريبا بعد ساعه ....وهذا المطعم

اسم الكافيه cam vadisi

اسم المسلسل ...كاراداي

عزكم الله

دخلنا المطعم وهالأطلالة الجميلة

المكان هادي والجو زوييين في نسمة هوا لطيفة

وهذا اللي طلبناه بس ....ما قدرنا ناكل اي شي

من كثر ما كنا شبعانين من الريوق

اشرايكم بالوردة ...هههههه

وهذه الطاولة كان عليها ناس دانة انطرتهم لما قامو صورتها تقول الممثلين بالمسلسل قعدوا هني

وهذا اسم المطعم

وهههذه المدفأة القديمة ذكرتني بالبابايات قبل ....

البابابيات =افلام الكرتون القديمة....نسبة الى باباي

هذه بعض الأكلات عندهم

وهذا مطبخهم

وهذا بقول لكم سالفته بعدين

مونامورمعجبون بهذا.

توبليرون · 29-12-2014, 04:32 PM

منظر نهائي للمطل الجميل

وبعد ما طلعنا من المطعم ....قال السايق في قلعة بوديكم لها

قلنا يلا

رحنا والا القلعة مسكرة

اسم القلعة ..Yoros Castle

وقفنا على هالمطل الرائع نصور

شايفين يمكن لجسر جديد

هنا اوضح

وهذا جزء من القلعة

طيارة شراعية

كافيهات وايد بهالمنطقة

علم تركيا على الجبال

بعدين نزلنا مسافة .....والا منطقة سياح كلها مطاعم ومحلات هدايا تذكارية

وفي مكان مواقف سيارات ......

شوفو هذا المكان

جلسات المطاعم

,طلبنا طاولة حلووة على ما يضبطون لنا طاولة

ييوسف هناك وبوحسين هني....يدورون طاولة زينة

رحنا نتمشى بالمحلات

مطاعم وااايد وسواح اكثر

عجبتنا سوالف هذا المحل

شت دانه هذه

مسابيح

يوسف ورطني بالوافل بالنوتيلا.....اكل قرمتين وعطاني اياها

لذيذة بس ورانا غدا

لقيت هالمحار بطريجي وصورته لكم

وهذا بعد

محلات الأيس كريم والوافل موجودة بعد

وصار موعد الغدا لقينا خوش مكان مجهزينه لنا

وهذا صور من مكانا

نحذف لهم خبز وياكلونه

سواح ينزلون من العبارة

وهذا اللي قبالي

القلب يدق على شوفة الحب

طيور النورس لها نصيب من التصوير

قدموا لنا هالصينية علشان نختار

كلنا اخترنا ربيان

نكمل تصوير

ووصل اول الطلبات ....سلطة

الكلماري اللي مو مالي

أطباق الربيان 3 ربيانات ومشرووم وبصل طبعا بس 3

بس حلووو ولذيذ

وهذا لابد منه

مسكينة ..الظاهر ما صادت شي من البحر

سعر الغدوة هذه 280 ليرة

وهني رجعنا بنفس الطريق....بعد ما حلوو العيال من محلات الايس كريم

ما صورت وايد

ووصلنا لمكان اقول لكم عليه بعدين

اخذ التاكسيين على هالجولة اعتقد اللأثنين ب90 ليرة

مونامورمعجبون بهذا.

توبليرون · 29-12-2014, 04:39 PM

نكمل معاكم اليوم الثالث

وقبل لا نكمل يبت لكم عنوان المطعم اللي بالجزء السابق

باسطنبول الأسيوية

بعد الغدا باسطنبول الاسيوية

رجعنا وقلنا له ودنا

((استينيا بارك))

نزلنا نتمشى وعجبنا المول وايد......

بوحسين ويوسف تمشوا شوية وقالوا بنرجع الفندق

تعرفون الرياييل بخمس دقايق يلفون المول كله.....مع ان يوسف يحب التسوق

خليناهم وظلينا براحتنا بالمول انا والبنات للعصر

عرفتوو هالمحل اللي الممثلة مسوية اعلان له

دانه خلصي من المشترى.........عذرها بروح الجامعه ابي ملابس جديدة

الله يعين وابوها معطيها الأذن بالمشترى على كيفها

وانا تطيح ريولي من الوقفة

طلعنا صوب البوتيكات

ما لقيت اللي ابيه فيه .....بعدين ناخذها من ديرة الأناقة احسن

فيرساتشي....نفنوف مسوكة بالعيد نفسه

هذا المحل مو أنا ملونته ....اهو جذيه

ودنا نقعد بهالكافيهات ....بس الحر مو مخلينا

الشمس قوية حييل

رجعنا داخل شوي احسسن

شوفو لقينا منووو بوحسين ويوسف شايفينهم

ههههه الظاهر متقهوين بكافيه

بس ما شفناهم مرة ثانيه ...الظاهر اطلعوا

تمينا نتمشى ونتسوق

بعدين خلاص تعبت ....قلت يلا كافيه سراي يمدحونه ربعي بالمنتدى

قالوا يلا

وقعدت اول طاولة

وهذه صور طلباتنا وقعدتنا

طلب غنومة يوعانة

ترى انا طالبة اول وحدة ....

طلب دانه

طلبي ...محلبية بالكاكاو

واخيراا القهوة وكنافة نسيت اصورها

لفرفر

اما الكابتشينو اللي لي ما وصل الا بالأخير

ما صورته زعلت هههههه

وخر محل راحو البنات له C & A

وقعدت انا هني مع الأبهات اللي ماسكين عيالهم ويلعبونهم

بعدها طلعنا اخذنا تاكسي وللفندق طوالي للراحة شوية

محسوبتكم قعدت جدام

رحنا الفندق ريحنا وصلينا

وطلعنا مرة ثانية هالمرة متواعدين مع الوالدة واخوي بنشوفهم

قالو وين تبون قلت لهم اورتاكوي

قالوا يلا

قلنا لتاكسي تودينا قال لا لا زحمة ما اقدر

قلنا لثاني .....قال اوكي نطرنا شوي والا تاكسي ثاني

تكلم معاه راعي تاكسينا اننا بنروح اورتاكوي قال له زحمة

قال له انت الحقني وياشر له بيده صعود ونزول....طلع انه يفهمه بيدخل بالشوارع الضيقة

بين البنايات ويوصلنا ........توكلنا على الله ومشى فينا وورانا تاكسي العيال

ووصلنا بأقل من نص ساعة

وقعدنا نصور ونتمشى

قعدت بخوش مكان

شفتووو هذيل اللي واقفين

جتهم موووجة قوية سبحتهم عدل ما لحقت اصورها من الأول...فيديو

صارت الرؤية لي اوضح هههههه

محد جدامي ...العالم كلهم نحاشو....انا قاعدة وصل الماي

لتومزي بس ما تحركت

‫طھط±ظƒظٹط§ ط§ظˆط±طھط§ظƒظˆظٹ‬&lrm; - YouTube

مونامورمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آخر أيام الصيفية فى جنوب القارة الأفريقية.......(جنوب أفريقيا مارس 2015)	Bika	تقارير لا تنسى	96	04-07-2021 09:31 AM
الدليل الشامل لبطاقة زيلامسي وكابرون الصيفية المجانية	هدوء العالم	بوابة النمسا	72	23-08-2019 04:06 PM
جو تركيا شهر 7هـ	رزان	تركيا	3	18-03-2015 08:24 AM