تركيا الصيفية - الصفحة 5

توبليرون · 31-12-2014, 01:08 AM

اقتباس : المشاركة الأصلية كتبت بواسطة ماجد الفهد

من التقارير الرائعة سيدتي المميزة

حمدا لله أن عاد هذا التقرير بالسلامة

خفت أن نخسره مع الإنتقال للمنتدى الجديد

لكن ربي رحمنا ورزقنا تقرير باهيا سيكون واحدا من أهم تقارير هذه البوابة

شكرا جزيلا لجهودكم سيدتي

الحمدلله ان المنتدى موجود وراح نقدم كل ما قدمناه بنرجعه لمنتدانا
واحنا كل ما نقدم لهذا المنتدى الجميل
وشكراا لذوقك اخوي ماجد
واان شاءالله نقدم تقارير جديدة في السفرات القادمة

توبليرون · 31-12-2014, 08:18 PM

اليوم الخامس لنا بتركيا

هاليوم قررنا نريح شوي بالنوم عقب طلعة امس

قعدنا متاخرين ...تريقت كالعادة برك جبن بالفندق

والعيال بدلوو وراحوو يتريقون بالمطاعم اللي يمنا

وانا بعدها قعدت حطيت ملابس بالغسالة

ورتبت الصالة والغرف وبعدين تجهزت ونزلت حق الربع

وكانو قاعدين عند مطعم صغير اصحابه اتراك مسلمين ونوهم متعلمين عربي شوي

وكانو بسطاء مطعمهم يبيعون... رز بالحمص..هذه اهم اكله عندهم

وشاي وحليب وعصاير

وابوحسين متعرف عليهم وطبعا دانه المترجم هم خذت صحبة معاهم

وقعدت معاهم وسوالف وكانو يسألون دايما عن الدين

كانوو حبوبين وحلوين كل يوم نمر عليهم نقعد شوي عندهم

وبعدين قررنا نروح نتغدى

اخترت لهم مطعم السلطان محمد للكفتة

وهذا الكل يمدحه بالمنتدى قلنا نجربه

ركبنا التاكسي وودانا وقال في اثنين والأحسن هو القديم

وهذه صور من الطريق والمطعم

عجبوني

بس هذا أكيد تحته بريعصية وايد يمااااي

وصلنا منطقة مسجد السلطان محمد

ودخلنا المطعم الصغير هو الأصلي

وهذا المنيو مالهم ماعندهم الا 18 وصفة

استقبالهم

الماي الشركة من 1954

معتق هههههه

شوربة العدس

العشق

العيش

الكفتة المشهورة عندهم لذيييييييييذة

الكباب

السلطة حلووة بعد

العدس منهم.....التين شاريه بوحسين من المحلات اللي يم الفندق

هالحلو حسبته نفس اللقيمات ....طلع مو شي كله شيييييييييرة

حالي وايد وذكرني بالحلوى الهندية اللي تشبهه

بعد الغدوة الحلوة

قلنا يلا الجراند بازار.......وطبعا انا مجربة الطريق الصاعد ذيك المرة

بس وصلت لمحطة الترام وقلت خلاص يلا ....نركب....وركبنا طبعا لازم تشترون الفيش من المحطة المقابله لنا بالشارع الثاني

راح يوسف وياب لنا الفيش كل واحد فيشة.....والله ما اعرف بكم بس ثمن قليل

تجربة الترام حلووة وماكان مزحوم مثل يوم العيد

محطتين والثالثة نزلنا

للجراند بازار

تحت هالشمسية كان واحد يبيع خواتم واكسسوارات

شفنا عايلة اخوي الثاني يتشرون منهم.....وكانو توهم طالعين من البازار

الجراند بازار ....

بعدها طلعنا وقعدنا بهالكافيه نشرب ماي وبيبسي

لحد ما اييون لنا بوحسين ويوسف ,,,,احنا رحنا بصوب وهم بصوب.....والوعد هني

ووصلو بسرعة وقام يوسف يطلب له لانه ما أكل معانا بالمطعم

وتسلينا معاه

ورجعنا الفندق نريح من الشمس والحر والعرق اللي كان يصبب مننا

توبليرون · 31-12-2014, 08:19 PM

قبل المغارب بشوي رحنا لكافيه نصحنا فيه شاب من اصل سوري

يشتغل بمحل حلقوم وشرينا منه بهارات وشاي وحلقوم

قلنا خل نروح نشوف محنا خاسرين شي

سور تركيا العظيم

اسم الكافيه هو

Mimar Sinan Teras Cafe

عنوانه

Fetva Yokusu Sokak

هذا الشارع اللي قريب عليه وهناك هو معروف

وهذه صور من الكافيه ومطله

شايفين احنا بالطابق الثاني

ومضايقتنا اسسطح الجيران.....بس اللي فوق اكيد أحلى التصوير

طرشت يوسف يصور لكم من فوق

شوفو الزحمة فوق

كابتشوينوووي وصل ههههههه

وجيز كيكتي

وهذا طلب دانة ومشاركة بسيطة

ما عجبها قطته علينا ...مش بطال

والعيال طلبو شاي وعصير

وغيبت الدنيا وفتحوا الليتات

توبليرون · 31-12-2014, 08:21 PM

وبعدها تواعدنا مع اخوي والوالدة بتقسيم

ورحنا نشوفهم

ووردة مني لأحلى وردة بحياتي

وحافظ مصطفى اختيار قعدتنا

وتجهيز ابرة السكري للوالدة

جداريات المحل حلووة

اخذنا 4 طاولات.....وهذه الطلبات

بريد فوستاشيو

كاسترد

طلبي قلت بجربها هههههه

حلوى قاع الدجاج

تشبه الهريسة الكويتيه بس حالية أكثر وباردة

طعمها حليووو طبعا ما أكلتها كلها بس تذوق

جيلي فراوله

وبقلاوة وعصاير ومحلبية

قهوة فرنسية

والكنافة لابد منها

والقهوة التركية طبعا

ورقم طاولتنا

وطولنا بالقعدة شوي وسوالف وضحك

وبعدها ودعنا امي واخوي والعيال....لانهم بيروحون بورصة

واحنا بعد يومين بنترك تركيا

المهم جعنا وصارت الساعه 11

رحنا نتعشى بمطعم بهلوان

وهذا طريقته مثل البوفيه تنقي اللي تبي ويحطه لك بصحن وكم صحن يطلع لك

وانت تاخذ صينية وتصف طابور

طلبات العيال

طلبي ههههههههه

حبيت البرغل.....والبيديانه ما تتطوف

سلطات ولبن

وماي

والحساب يوم الحساب

تقريبا كل 3 صحون وبيبسي والا عيران يطلع ب25 تقريبا

دخلووو بالعميق لذيييذة بس ناقصها بطل فلفل بوديج اويلااه

اسسم المطعم

طلع حسابنا ب 130 ليرة

وخلصنا اليوم الخامس

اللي كان يوم الأكل العالمي هههههه

لا تلومنا الجو بالسفر يجوع

ان شاءالله نشوفكم بالجزء الياي

توبليرون · 31-12-2014, 08:25 PM

اليوم السادس

في اسطنبول....وجواهرمول

اصبحنا وتجهزنا متاخرين...وتريقنا بالفندق كعادتي

اكلت بسكوته يمكن ذاك اليوم بعد اكل امس ههههه

...وعلى ما ارتب ورا العيال الا هم رايحين متريقين

واللي يأخرني ام النوم دانة بالغصب تقعد بعد

بس نقول لها احنا بتركيا لايروح اليوم علينا بالنوم تقوم ...اشووة ههههههه

بالطريج للمول

وصلنا مول جواهر

المول من الداخل

شكلها ساعة

كل اسامي المحلات معلنة هني

سيدا ندور المطاعم

الساعه 12

تغدينا مبجر لأن الأغلبية مو متريق

أربيز وذكريات زمان يوم كان بالكويت

وهني دانة اول الواصلين بطلبها هارديز....

وغنومة وفرفر راحو ماك

وانا ويوسف اربيز....بوحسين راح ياكل اكل تركي

ووهني انا اصور لكم بس من اليوع ايدي ترتعش هههه شوفو الصورة

حاجز مكان...مثل وقفة التلاميذ بطابور الصباح

ووصلنا اربيز قريب

ووجبتي... اربيزتي

بعد الغدا قال بوحسين انتو بتتمشون روحو والوعد مكانا هني

الساعه 3

رحنا تسوقنا بكم محل انا والبنات

بعدها رجعنا لمكان المتفقين عليه ما حصلنا الشباب....بس الطاولات اللي كانت فاضية

مليانة فل

عاد رحنا صوب الحلويات

و

استراحة محارب

لي

ولبنتي

ودانه شرت فراولة بالنوتيلا...وغنومة بينك بيري

بانتظار ربع التجمع

عجبنا جواهر مول

طلعنا بعد ما افترينا مرة ثانية قلنا مكن الشباب رجعوا الفندق

نكمل فرتنا ونشوف ..وبعد ساعة تقريبا

اتصل يوسف وينكم؟؟

قلنا انتو اللي وينكم...قالوا مكانا ...قلت له نزلوا يلا احنا بالدور الأرضي

وركبنا تكسيين واتفقنا معاه على 50 الردة يقول ان طريق الردة ابعد يصير ...نصاب كبير

المهم ركبنا احنا تاكسينا ونزلنا قبل اللفه ...نصاب يقول ما اقدر قلت لابوحسين جذاب اصلا

ماكو لازم يلف لان الشارع بيلفه نفس مكانا

المهم مشينا انا وغنومة...واشوف ابوحسين طول معاه

بعدين بيمشي بوحسين والا يدق له هرن يه

رجع بوحسين واشوفه يطلع فلوس ما انتبهت

المهم جانا بوحسين جان يقول تصدقون...هذا نصب علي

قلت اشلون قال اعطيه 50 ليرة يرد يقول لي هذه5 ليرة

تدرون جم مرة سواها ببوحسين وبنفس اللحظة 3مرات....يعني اخذ 150 النصاب

وبوحسن يقول انا متأكد ان ماعندي خمسة اشلون هذا يقول جذيه

الظاهر بوحسين كان دايخ ما انتبه الا بعد ما مشى التاكسي

انا سامعة هالسالفة طريقة النصب هذه وماقلت حق بوحسين عنها

قلت له جذيه السالفه ترى وكاتبين عنها بالمنتدى ..وصايرة لكذا واحد

يقول اي ادري انا حذروني ربعي بعد بس اشلون قص علي مادري

المهم قعدنا مع بوحسين عند مطعم ربعنا نشرب شاي ونسولف

ولما يو العيال قال يوسف هذا راعي التاكسي كل شوي يمسك العداد

ويزيد منتبه يوسف عليه....يقول قلت له لاتزيد العداد احنا متفقين 50 مثل ماقال صاحبك

المهم بعد ما نزلوا بعد بينصب عليه على ان هذه 5 مو 50 بس يوسف منتبه قال له انا ماعندي 5

كله خمسينات هههههه طلع شاطر

وهذه قعدتنا اليومية

والقطوة مسوية رعب للبنات....والحرمة كل شوي ترش عليها ماي

هذا محلهم اللي على اليسار وفي بعد ثلاجة بيبسي ولبن عيران

وعلى اليمين للمطعم الثاني صاحب الشاورما

انتبهوا على العيش والحمص

الشاي

رجعنا الفندق بعد تعب المشي بالمول

وقلت لهم بريح انا ....ونوووومه حلووة...قبلها اتفقنا مع اخوي الثاني

نقابلهم الساعه 7ونص عند ميدان تقسيم

يوسف وخواته راحوو يتمشوون بمحل نايك تقسيم

يوسف اشترى فنايل اندية العالم كلها....يقول ارخص من عندنا بوااايد

اللي عندنا ب40 كويتي هناك 15 كويتي....روحو فلوسكم عندكم وريولكم

صحيت و

تحلية قبل المغرب بالفندق

لازم توبليرون نذوقه بكل لغات العالم

طلعنا بعدين....بتاكسي دخلنا من وسط شارع الاستقلال مرينا من عند مجسم المواسيراذا تعرفونه

قلت انا هذا مار علي ...دخلنا بين البيوت وطلعنا

بس نزلنا من ورا نقطة البوليس

سيارة تنظف اثار الحبوب

بعدين رجع مرة ثانية الحمام

الورد اخذت راحتي بالتصوير

البنات يتشرون حق بعض ورد

بعد ما تمشينا وصورنا قالو بنات اخوي انهم يواعه

قلنا شنو تبون تاكلون واقترح علينا بوحسون مطعم فلافل

الكل وافق اوووف خل نريح من اللحوم

قلنا يلا

ورحنا له

بدليكم المكان عل وصفي ان شاءالله تفهمون عليي ويكون واضح لكم

خلو تمثال الميدان وشارع الاستقلال بظهركم وحافظ مصطفى يمينكم

وروحو سيدا جهة الحديقة والمباني

خليكم اول سكة بين البنايات

هني المطعم وتلاقون فيه مكاتب سياحية مكتوبة اعلانتها بالعربي

اول شي اشترينا رقي

ماحصلنا طاولات تكفينا احنا ما شاءالله

في عايلة سعودية ما شاءالله كانو قاعدين على الطاولات مخلصين عشا

بس لسه ما حاسبوا

بس شافونا قامووا وقالوا تعالوا قعدوا

وهم حاسبوا وراحوا وعلشانهم برفع التحية للشعب السعودي كله

بنحبكم مرة حبايب قلبي

هذيل قعدنا نطالعم ونضحك بصوت مع اليهال مستغربين

اشلون ريال يسوي شعرا لمرة

والا نشوفهم يطالعونا واحنا نصور بعد

وطلع الشباك مفتوح...اسمعونا....والأدهى انها بعد ما خلصت

لبست حجابها وطلعت !!!هههه

فلافل طعمها عجيييب والتبوله تدوخ انصحكم فيه ياجماعه

ماعنده وصفات وايد

اليهال طلبوا لهم نجتس وشاورما دجاج

وهذه اطباقنا

اول شي الشوكة والسكين محطوطين بهالكيس

والملعقة مغلفة بورقه كلينكس

ياريت العنوان مكتوب ههههه

الصحن يجي كامل جذيه

بانواع من السلطات اللي تبيه انت

فلافل مع فول وسلطة خضرة

فلافل وفول بالحمص وتبولة

وهذا طبقي وطبق بنتي

اقول لهم الصحن فيه وايد

والله مع السوالف ولذته مسحنا الصحون....اول مرة اذوق تبولة وفلافل بهاللذة.....وكان الخبز العربي

اللبناني الخفيف المساعد لهذا الهجوم

عسى ما يغيرون طريقتهم على ما نييهم مرة ثانية

ونهيناها بهالشايات

طلع علينا ب200 ليرة....في اشياء وايد ما قدرت اصورها

مثل الطاولة الثانية مالت الشباب

وجهة البنات

وهذا المكان تلاقون فيه مطعم الفلافل

مكتوب عليه فلافل

وبعد العشى قعدنا سوالف ومشترى من الباعة المتجولون

واليهال شروا العاب والبنات اكسسوارات وسوالف وتصور

عقبها خلاص طفينا ورجعنا الفندق نشحن انفسنا لباجر

بس قبلها مرينا على ربعنا الاتراك ام أمير وأبو أمير

وسوالف معاهم وسألتني عن معنى أسم دانه

قلنا لها اللؤلؤة الكبيرة وتكون بيضاء

قالت لحظة

وراحت داخل يابت علبة فيها اكسسوار سلسله وفيه لؤلؤة اكسسوار طبعا

ولبسته دانه

وطلعت خاتم بعد عليه لؤلؤة ولبستني اياه

تقول هذا اكرام

حبيبتي والله كل يوم اكرام الشاي ماتبي تاخذ فلووسه

وتحط لنا مكسرات وتقول اكرام مسكينة

ليش اني عايدت ولدها وعطيته عشرين ليرة اول لقاء لي معاهم

بس اخر يوم ابوحسين يمكن اكرمهم بشي

ما يقول بس راح لهم قبل لا نسافر

وبعدها رحنا الفندق ونووووم

ووين بنروح باجر خليكم متابعين

توبليرون · 31-12-2014, 08:27 PM

صباحنا اليوم غيير

قعدت مصححه مبجر

انا وغنومه قلت لها قومي خل ننحاش عنهم نروح نتريق

قالت اوكي لا تقعدينهم...تبي حنان البنت ههههه

قلت لها اوكي يلا بسرعه بدون صوت

وبعد ما تجهزنا

قلت لها يلا

وقبل ما نطلع قلت لهم يلا قومو انا وغنومه رايحين نتريق

قال بوحسون نطروني

قلت له لا الحقنا

مالنا خلق ننطر

ورحنا

طلبي اليوم غير انا وغنومه طلبت هالخبزة عجبتني ....

والعصير

والخبز مالهم

والبيض ماله حل لذيييذ

والقيمر مثل ما يسمونه كماك اذا صح بعد ههههه

هذا بعد ما لحقنا بوحسين ريوقه......طالبه من صاحبنا ابو امير صاحب المطعم الصغير

وهو جايبه من محل ثاني.....لذيذ مع العسل والمربي عندي احلى من العسل

وبعد ما خلصنا ريوق

وقلت لهم اليوم ابي اوديكم ميني ترك

ورحنا والجو غيم بس حرر

من الطريج

ووصلنا للميني تورك.....وخريطنها

مكان التذاكرعلى تلة صعدنا لها

شي مرتب ونظيف

الميني تورك من بعد الدخول وهذا من فوق

ملاعب اطفال

وشطرنج كبير

وهليكوبتر

وبعدين نزلنا نشوف المجسمات

كل مجسم جدامه جهاز للصوت ما عليك الا انك تمرر التذكرة عليه وهو يتكلم بلغتك

شرح استخدام الجهاز

الجهاز

التذكرة ....أكيد من عند حجز التذاكر بحطون لك اللغة

توبليرون · 31-12-2014, 08:28 PM

وهذا الغيم اسود بس بعيد

النقش في الحجر

منطقة بحيرات كلسية

شوفو المناطيد.....تعمل عمل التلفريك ههههه

عجيني حجمه شوفو بالنسبة للدرج يعني المبنى ضخم

علم تركيا من الزهور مقلوب حاولت اعدله يطلع مو شي

خلونا على الصورة الأصلية العفوية

هني نحشت من دانه تبيني اصورها هههههه مع العلم.....وخليتها لقيتها مصورة سيلفي

نادي غلطة

تمرر التذكرة على اي جهاز يناسبك وفيه أغنية شعار النادي

هناك اكثر من جهاز نفس هالنوع وعليهم شعارات الفرق

طيارة مو خايفة من الغيم

هذا التصوير من فوق مجسم الجسر المعلق

اللي بالحديقة

محلات هدايا وتكرمون دورات مياه تحصلونهم هني

بدا المطر يطق علينا حبه حبه قطرات خفيفة

وقعدنا بعد الجسر في الكافيه وكان مليان ناس

وشرينا ماي وعصير يمكن للي يحب

وصورنا هذا من عند الكافيه يطل عليه بحر او نهر مادري علمونا

[URL=https://s.yimg.com/qn/up/travel/8/4/e3/9da/84e39da36c10a46110d20a212a70285e.jpg][IMG]https://s.yimg.com/qn/up/travel/8/4/e3/9da/84e39da36c10a46110d20a212a70285e

توبليرون · 31-12-2014, 08:30 PM

شايفين دوامة الأعصار من بعيد

بعدها يالنا المطر القوي والأعصار صج قوي هوا ومطر

المطرة كانت قوية واعصار والعالم كلهم اختفوا واحد ورا الثاني

واحنا ظلينا وواقفين تحت مظلات الكافيه بس ماكو فايدة غرقنا من الماي

فيديو للامطار

وقلت لابوحسين خل ننزل تحت شفنا تكرمون دورات مياه ورحنا عندها

سبااااااااااحه هههههه

ودخلنا ووقفنا مع الناس اللي داخل

في بنات اتراك ينشفون بجهاز تجفيف الايدي

وبعدين ماكو فايدة ....طلعت اشوف الجو ولقيت هههههه متحف لنماذج تحت الكافيه

دخلنا فيه ......وصورت لكم

مسلسل الأرض الطيبة

تصوير لأخر رمق ههههه

بعدها طلعنا ومرينا محل الهدايا اللي عند الباب وتشرينا شوية منه

وطلعنا .....وكان ودي عقبها نروح بتلفريك الى مقهى بيرلوتي

بس من المطر طبعا مارحنا

وركبنا التاكسي وقلنا له ميدان تقسيم

صور من الطريق

مرينا هالشارع كله محلات للماكينات

وملابسنا مااااااي......قال بوحسين خل نروح نبدل ونرجع

قلت له لا راح نطول خل نتغدى ونروح نريح

المهم السايق اتفقنا معاه على سعر ولما نزلنا بالميدان

وعطاه بوحسين الفلوس مثل ماهو متفقين عليه

قال لا عطوني بعد الكشنات صارت كلها مااي...قلت لبوحسين خل يولي لا تعطيه شي

بعد شافنا واحنا ناقعين ماي قبل لا نركب

وكشناته جلد بعد يعني ينمسح مالت عليه

المهم ما عطيناه

توبليرون · 31-12-2014, 08:32 PM

ورحنا سيدا

ودخلنا مطعم سوتيش نبي كبة برغل

طلباتنا

الخبز كان حار ولذيذ

خيار باللبن

حمسة طماط وفلفل ومادري شنو بس لذيذ

حمص.....لابد منه

سلطة يونانية

باذجان مشوي

لبن عيران

الكبة مافي الذ منها وهي حارة

طبق غنومتي

طبق بوحسين ودانه ويوسف نفسه

وطبقي انا وفرفر نفس الشي

وحلينا بهالكنافة

وبعدها رحنا الفندق

والقطاوة وايد متسدحين سادين الطريج على البنات الخوافات ههه

انا شلت لهم وحدة صغيرة قامو يصرخون

وهذه وحدة

جابلها يوسف

وبعد الغدوة رحنا للفندق وريحنا وقعدت اجهز جنطتي وكل واحد من العيال

جهزو جناطهم لأن السسفرة باجر

صار وقت العشا

هذه العمارة الداخلية للفندق اللي فيها الشقق

شباك شقتنا خلف الشجرة

وهذا المخرج سيدا من العمارة الداخلية للخارج

وما يفتح الا بالجرس الخاص لكل شقة

وفتح من زر بالداخل عند الباب

ما استخدمناه وايد...مادري ليش

قلت لهم الحين عاد ابي اللحم اللي بالجرة

والدجاج بالملح

عندي صورة له ويوم اشوف لقيت انه موجود بشارع الاستقلال

مطعم المدينة

ورحنا له طبعا وطلع قريب يقول لنا التاكسي قريب يمكم قلت له ودنا مافينا شدة مشي هههههه

نزلنا عنده وكان الوقت الساعه 7,30 حجزنا لنا طاولة لانه تو الناس على العشا

ورحنا الاستقلال وهناك تمشوو العيال للحين يتشرون

وبعدها للمطعم لقينا حاجز لنا بصالة

vip

كشخه يعني

المطل

ما أكتمل العدد

جرة اللي ورانا

وصلت طلباتنا بعد ما كمل عددنا

حمص

جبدة ....ما أستسيغ طعمها ابداااا

بس عيالي يموتون عليها مع دبس الرمان

ورق عنب ....كان

صورت الصحن الثاني اللي ما بدوا فيه

التبولة ....مو بلذة تبولة المطعم الفلسطيني

ونرد نصور بره

طبق يوسف

ويفتحها لكم هههههه

حمص باللحمة

وأحلى مافي الموضوع.....طبقي بعد ما كسر الجرة

طبق دانة

والأحلى

وكلمة تركية ..ما اعرفها الصراحه

كل علبة تختلف الكلمه عن الثانية...قالتها لي دانة بذاك اليوم واليوم نسيت

صحن بوحسين

وهذه الدجاجة المطبوخة وهي مغطية بالملح

بعد ما كسرها وقطعها وحطها لنا بالصحن...هذه طلب غنومة وفرفر

وانا شاركتهم .....لذيذة

هذا الصور لكل المشهورين اللي زاروا المطعم

السعر لعشانا اليوم كان ...تقريبا 300 ليرة

بعدها طلعنا نتمشى بالاستقلال

وعقبها الحلى بمادو وتوديعه

وهالمرة قعدنا تحت

عصير دانه

وشايي

وهذه مادري من طلبه بس مدام يوسف حاط ايده اكيد طلبه

قعدنا وطولنا بالقعدة لأن طق المطر وبقوة

والناس كلها ياأما تشوفهم قاعدين بالمطاعم او واقفين تحت مظلات المحلات

والمطر يصب....ومن خلال الشباك في مادو اشوف الناس كلهم ماسكين شماسي ملونه نفس النوع

قلت لهم أكيد في واحد يبيع مظلات بره ههههه

المهم ألعمال في مادا قاموا يقولون ترى بنسكر بعد 10 دقايق

والعالم قاعده مو راضي يوقف المطرهههههه

طلعنا بعدها ...والا نشوف راعي المظلات واخذنا على عددنا

الوحدة ب5 ليرة

ورجعنا الفندق قالوا العيال قريب

طيب قريب ومطر قووووي...والظهر تعبان

ومشي سريع عن المطرهههه

ومافي سيارات الشاررع فاضي

وانا خلاص مافيني والا تاكسي مر علينا وقفته انا ودانه وربعي يمشون قدامنا هههه

ركبنا ووصلنا للفندق

وهم ليش سابقينا قبل وصلو تقريبا معانا

عطيته 10 ليرة بدون ما اقوله جم ...بعدها راحة وتضبيط الجنط

ونوووم والى اللقاء في الجزء الأخير ان شاءالله

توبليرون · 31-12-2014, 08:34 PM

اليوم الثامن

اليوم الأخير بتركيا

يوم الوداع لتركيا والوصول لباريس

قعدت شوي متأخر .....لأن كل شي جاهز

بس تسكير الجناط

وطيارتنا الساعة 6 مساء

واتفقنا مع السواق من المكتب اللي استاجرنا منه لرحلة بورصة

سيارة كبيرة وسايق يتكلم عربي حليووو

قال لي الاخ عبدالرحمن السعر لكم 90 دولار

قلت له تم مافي رجعة بكلامي

وبغينا السايق حسين اللي كان معانا برحلة بورصة

بس كان طالع برحلة

المهم يانا واحد اسمه حسين حليوو وهادي شوي

قبلها شوفو معاي ريوقي ....طبعا البرك بودعها خلاص

وطلبت من بوحسين اييبها معاه لما طلع يتريق

البورك بالجبن مع عصير برتقال ....مفروض بيبسي بس شسوي

بعد ما سكرت الجناط وتأكدت من العيال

وجناطهم....تجهزت وطلعت ونزلو بعدنا الجناط

وعملنا التشيك اوت.....ماعلينا اي شي

فخلينا الجناط عندهم وطلعنا نسولف مع ربعنا اهل المطعم الصغير

ام امير وابو امير

وهذا قدموا لنا اكرام على قولتهم

وسوالف معاهم واخذوا رقم دانه علشان يراسلونها

للحين ما راسلتهم دانه

طالت القعدة قلت ابي برييد

شرت لي دانة.........لذييذ

ووصل السايق حسين على الموعد الساعة 2الظهر

وصار وقت مغادرة تقسيم وتركيا وشوارعها

من الطريق الى مطار أتاتورك

ووصلنا المطار

ووزنا الجناط وعدلنا شيل وحط

والحمدلله رحنا للكاونتر الطيران الفرنسي وعطيناهم حجزنا

هذه حجوزاتنا على الطيران الفرنسي

الشخص بهذا السعر

وهناك المضيفة الأرضية قامت تتعومس وتسوي روحها فاهمة

ونادت مسئولها وشاف الجوازات وقال اوكي نو بروبلم

مشكلتها بفيزتنا انا وبوحسين

تذكرون اننا احنا مسوين فيزا الشنغن من السفارة اليونانية

قالت لا ما يصير !!

شكو ما يصير؟؟ المسئول قال لها هم داخلين اليونان يعني صح فيزتهم

ومشونا بحساب الجنط طبعا عدو الكيلوات البسيطة

وخلصنا ورحنا للبوابة قلت لهم تبون ندش والا تقعدون برة قالواا لا ندخل قاعة المغادرون

ورحنا ومحسوبتكم على كرسي

وقريب على بوابتنا في مطاعم قعدنا نتغدى فيها

نموذج كرسي كبير

الممر للبوابة والمطاعم القريبة

مكان طاولتنا

الطاولات مزينين

وغداااي....والعيال كل واحد شرى له شي

والحلى

العيال راحوو يتمشوون بالسوق الحرة

وانا حدي اللي عند البوابة بس ما شريت شي

وتسلينا بهذا الفستق

فوستاشيوو على حسب الحين يدلعونه بالايسكريم والجيز كيك ههههه

صور الطيارة بعد ما دخلنا قاعة الأنتظار

بوابتنا

البحر قريب من المطار

نكمل بالبوابة الفرنسية ان شاءالله

واخيرااااااا وليس اخرااااا

كانت سفرة حلوووة وونيسة بتركيا شبعنا من مطاعمها بس تظنون اخر اكل تركي اكلناه

هههههههههه

تابعونا بباريس

وان شاءالله بسفرة ثانية لتركيا

وتقرير جديد السنة القادمة

مع السلامة

Gröüşmek üzere

Selametle

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آخر أيام الصيفية فى جنوب القارة الأفريقية.......(جنوب أفريقيا مارس 2015)	Bika	تقارير لا تنسى	96	04-07-2021 09:31 AM
الدليل الشامل لبطاقة زيلامسي وكابرون الصيفية المجانية	هدوء العالم	بوابة النمسا	72	23-08-2019 04:06 PM
جو تركيا شهر 7هـ	رزان	تركيا	3	18-03-2015 08:24 AM