سفرة النحشة - الصفحة 2

توبليرون · 23-03-2015, 06:25 PM

رحنا بعد السيف الى

فندق اليت قراند اللي كنت ساكنه فيه

مع ابوحسين قبل اسبوع....واخذنا شقة من غرفتين

وثلاثة حمامات........سعر الليله 110 دينار بحريني

اول شي شفنا الغرف

وما عجبتنا لان السرير زوجي.......بس ما عليكم

صورت الشقة على ما يجهزون لنا شقة ثانية

هذه الغرفة اللي الصغيرة

تكرمون حمام الغرفة الصغيرة

وفيه فوط مناشف لشخصين

وادوات النظافه

الغرفة الرئيسية

مثل ما هي في الشقتين

خزانة الملابس وفيها خزنة للفلوس والاوراق الشخصية

تجوري يعني

مرايا كبيرة عند الباب

التلفزيون والمكتب

تكرمون الحمام للغرفة الرئيسية

الصالة

المطبخ

تكرمون حمام الصاله (( حمام الضيوف )) ويكون قريب من الباب الخارجي

تم تغيير الشقة

اتجاه الصالة بالعكس

وهذه الغرفة الثانية

حمام الغرفة الرئيسية

فيه شور روم وجاكوزي

المطبخ احسه اكبر من الاول وارتب

ومطل المطبخ

بكمل لكم اقسام الفندق

لاني صورتها ثاني يوم الصبح

وتكون في الطابق 11

غرفة العاب جيمز

وهذا يوسف يمارس هواياته

نادي رياضي

غرفة كراسي مساج

يبيله يام حسين ...وقعدنا

جهاز التحكم للكرسي

وانا قاعدة ما نسيتكم وصورت لكم

الغرفة المريحة

حمام السباحة

غرف تبديل السيدات

والساونا

بعد ما صورنا لكم

نشوف مواقف السيارات

هذه مواقف خارجية وفي مواقف داخلية

دخلنا مع يوسف انحشرنا

يعني اللي سيارته عريضة لا يحاول يدش

ايهي سيارة يوسف ؟؟

ما عرفتوها... شوفو هني

ووتابعوني لتكملة رحلة النحشة الثانية

يعطيكم العافية

توبليرون · 23-03-2015, 06:27 PM

نكمل معاكم

بعد ما ريحنا بالفندق للعصر

رحنا لشارع المطاعم بالمحرق

قاصدين مطعم هندي مدحه لنا الاخ النمسا

واسم المطعم موتي محل

شارع الشباب... ولقينا موقف قريب من ديري كوين

قلنا بنمشي وندور المطعم
بس لفينا وجهنا لقيناه مقابل الديري كوين

موتي محل

من ديكورات المطعم

وصلت الطلبات والمو طلبات

ما نستغني

الشوربة خفيفة جداا بس حلوة

المقبلات

وجبة يوسف..... ناقصها شيش كباب انا والبنت اكلناه

ويوسف ما كل منه لأنه خلاص شبع من الشوربة والمقبلات

البرياني

مرقة كاري بالدجاج

والثاني مثل الحمسة الخضروات....لذيذة

الاكل لذيذ ما عليه غبار

والمطعم يعيب عليه التا حير

الحمدلله اكلنا وشبعنا والاكل وايد

المهم يوسف مخلي الغسال يغسل السيارة

اخذنا الاكل اللي تم تغليفه بحافظات بلاستيك وعطيناه الريال

بعد ما اكلنا وخلصنا طلعنا وهذه بعد صور من مطاعم

شارع الشباب

ولو تشوفون شا رع الشباب كله مطاعم متنوعه

تابعوني بتكمله هالرحله

توبليرون · 23-03-2015, 06:29 PM

نكمل معاكم اليوم الاول من السفرة الثانية

بعد ما تغدينا رحنا

للسيتي سنتر

تمشينا انا وبنتي ويوسف

رجع نام بالفندق

يقول انتو ما تشبعون من السوق

بعد ما تمشينا وتشرينا

اتصلنا على يوسف ويالنا ورحنا نتمشى بالسيارة

في مكان من زمان واحنا نروح له نودي عيالنا نلعبهم فيه

ورحنا له مو علشان نلعب ولا نتعشى لا لا

علشان الذرة

اي احلى ذرة مشويه بالليمون

وقفنا ونزل يوسف اشترى لنا واكلنا والحمدلله

المكان اسمه مملكة الاطفال

مقابل الريجنسي على البحر

هذه الالعاب هههههه
ادري ادري الصورة مو واضحه معليش سامحونا

الابراج على يمينا

وهذه الذرة المشوية بالعافية علينا

عقبها قلنا يلا يوسف ودنا الفندق خلاص تعبنا

قال لا ما يصير لازم في شي بعد ناكله

رحنا

كنافة عبسي ......تذكرون بسفرتي مع بوحسين وين قلت لكم مكانه

مقابل مصنع الجسر اللي عند السيف

هذه الكنافة شريناها

دايما يطول الكنافه جذيه ربع ساعه لانه يجهزها بوقتها

اكلناها وهي حارة واااو الذ كنافه اكلتها

مع اني ما احب الكنافة وايد

بس هذه غير

رحنا يوم ثاني ونزل يوسف هالمرة وقال عطيني الكاميرا بصور لج

داخل المحل

المحل صغير وبس هاللي صوره يوسف هو اللي فيه

وهذا يوسف يصورنا من المحل

وهذه جولة والا شولة الوحيدة بالمحل

وهذه الكنافة تطبخ

ويصب عليها الشيرة او القطر باللغه العربية الفصحى

ويحرقها من فوق

ومكسرات

وعسل بالاخير وكل بألف هنا وشفا

لازم تجربونها لذييييييييييذة

وبعد هالاكل طبعاااا رحنا نتعشى

ههههههههههه

لا لا مافي عشا بس شبعنا وطفحنا

قولو ما شاءالله

وسيدا رحنا ننام

تابعوني لاماكن اخرى من البحرين رحنا لها

توبليرون · 23-03-2015, 06:31 PM

نكمل معاكم اليوم الثاني من

النحشة الثانية

قعدت من النوم الساعه 8 وقعدت العيال

وطبعاا واحد واحد يقعد

تجهزت وجزت لهم ملابسهم

يوسف نزل قبلي للريوق

ويدز لي صور يقول حياااج

وبعدين انا نزلت وانا بالاصنصير

ماكو سيارة يوسف

رحت المطعم تقريبا نفس البوفيه اللي كنت مصورته قبل

هذا ريوقي

انا من النوع اللي ما احب كل شوي قايمه للبوفيه

بس مرتين اقوم

شايفين عصيرين لي ....اي قلاصاتهم صغار

ورحت لاخر طاوله وجابلت هالجياااااكر ...

توم كروز وداستن هوفمان

وهذا الشباك على الخارج

والا يوسف ايي من بره

هذا الحلوو اللي اكلته

وبعد الاكل تذكرون يوم اروح اصور مرافق الفندق وحمام السباحه
وبعدين
طلعنا وهذه صور من الطريق

وهذه مباني حديثة

داخل البحر يعني بجزر صناعية

اتجاهنا الى هناا

مودا مول

وضيع اللفه يوسف

ورجعته للمكان

وانزرعنا عند الاشارة وايد طولت

ومحد فاهمها وعارفها الا هالحجي

وسبحان الله موقت نفسه بس شبت الاشارة

صحى من النوم

وهذه البوابة لمودا مول

دخلنا بنشوف ونشتري الماركات

ماكووووو ااحد

خامووووش

وهذه الخريطة للمول

يمين يسار كله مافي احد

سألنا الامن قال يوم الجمعه ما تفتح البوتيكات

الا الساعه اربع العصر وقليل اللي يفتحون

قررنا نرجع لها باجر الصبح

السبت الصبح

وصورت لكم من عند الباب الرئيسي

قررنا نرجع للسيف نتمشى فيه بما ان اليوم جمعه

رحنا السينما اللي عند الالعاب

حجزنا فيلم طلع بالسينمات اللي عند المطاعم

وهذه السينما الاولى

انا بس ادور اسم بروس ويليس

وبعد ما حصلته

ما خلوني ادور خخخخخخخخخ

طلعنا رايحين لفيلمنا هناك

انا ويوسف لازم مقروم ما ينطر

اصور

وصلنا سينمتنا

فيلمنا بدون ما اتكلم تعرفون ذوق منووو

السينما شبه خاليه الفيلم الساعه 12.45

ورانا قاعدين الناس ....وواحد جدامي اجنبي

كل ما تعدلت بالقعدة شميت ريحة شعره مسكين ماعنده شامبو يمكن خخخخخخ

تراني منتبهة على الفيلم بس طويل ومليييييييييق

وحسيته فيلم هندي من كثر الكلك اللي فيه

دعاية سوبرمان

طلعنا ونمشي والا يوسف يودينا مدخل الكارلتون ريتز شكوووو

رحنا بعدها للغدا وقالو نبي شارع المعارض

مطعم اصفهاني .....قديم

المطعم كان تقريبا فاضي

خاصة جهة الشباب فاضي

رحنا جهة العوائل بجي يهال وصوت الصحون وايد

رجعنا جهة الشباب مافي احد لان الساعه قريب الاربع

لاحظو سويتج يوسف هههه

مو طلباتنا هههههه الضيافة

شوربة عدس

طلباتنا مرق شبزي وحمص باللحمه

اللبن بالنعناع ....ما عجبني ابد

لو طالبه بيبسي احسن

الخبز الايراني

جلو كباب بثلاث انواع من العيش

مرق بيديان

مرقة الشبزي

وبعد هالغدوة رجعنا الفندق نريح شوي تعبنااا

اتابع معاكم بالجزء الياي

توبليرون · 23-03-2015, 06:33 PM

نكمل معاكم

بعد ما تغدينا باصفهاني

رجعنا الفندق نريح وريحنا ساعه وطلعنا بعدين لجزر امواج

مرينا على الكنافة

يوم يصور لكم يوسف

جزر امواج طبعا على وصفي وصلنا بكل سهولة

شايفين العالم القعده حلووة بره

نادي الشاي

طلباتنا من نادي الشاي

كبتشينووو وتشيزكيك

كرك

عصير على شاي بارد على مادري شنوو

ما عجب يوسف ابداا

استاذنا فيصل

موجودين الاعلام

سوبر ماركت وايتروز

داخل السوبر ماركت

شفنا هالقسم

عزكم الله يا مسلمين

في اشياء حلوة ومرتبه

صورة جهة نادي الشاي وغيره

بعدها قلنا لازم نمر

لان احنا رايحين

4D

بمتحف الشمع بلندن قلنا هذا 7 يعني احلى بوايد

طلعت سينما بدايات ال
D

وهي تعرفون كانت بالدانة مول عند الالعاب

اللي بيدش سينما
4D

اللي بمتحف الشمع لا تفوتكم

المهم قالو خل نشوف الافلام الموجودة بسينما الدانة

وتعرفون سينما الدانه حلوة بعد .....بس الفيلم اللي نبيه موو موجود
لقيناه بادي

قالوا عيل خل نروح السيتي سنتر

وحجزنا الفيلم الساعه 11 ونص تقريبا

ورحنا تعشينا بفات بورغر ازحم يوم شفته بالسيتي سنتر

ما شاءالله السوق مليان والطاولات مليانه بس لقينا مكان تعشينا ....ويوسف

تسوق بفيرجان

والمهم

هذا فيلمنا احداثه في شركة غوغل

هذا انا ويوسف

الفيلم روعه وحلوو بس في شي ودي اقول لكم عليه

ولا احد ياخذ الامور بحساسية

في عايلة قاعدين ورانا الساعه 12 بالليل

العايله تتكون من أم وأبو والاطفال اعمارهم من اقل من سنه الى 11 سنه بالكثير

البابا قعد يم الماما

وخلا العيال ورانا بالضبط بأقل من عشر دقايق انا نرفزت من

الترفس وجر الكرسي

وقلت حق عيالي نغير المكان وغيرناه

لان كم مرن التفت على الولد واكلمه والبابا في وادي ثاني

يعني يا اخي الناس جاية الفيلم بهالوقت ما تبي ازعاج اطفال .......طيب قعد عيالك

المهم غيرنا المكان ..........اللي زعجني ان الفيلم فيه لقطات ما تصلح لليهال اشلون مدخل عيالك

ما نقول الا الله يصلح الحال .......في الكويت والامارات السينما

يدخلون بالعمر....ياريت بالبحرين يعمملون هالشي بعد

واسفه بس شي قهرني وحبيت اتكلم فيه

طلعنا من الفيلم وسيداااا للفراش

صار الصبح ........

نزلنا نتريق قصدي نزلت انا اتريق

وتريقت بريحاتي لحقني يوسف على الاخير

وقعدت بالطاولات اللي في اللوبي

ريوقي

وهذا المنظر جدامي

بعدين خلصنا ريوق

ورحنا نجمع اغراضنا للشيك اوت

وودعنا الفندق العائلي

ورحنا على طول لمودا مول

والماركات العالمية البوتيكات كلها مفتوحه

شانيل للاكسسوارت

مشتروات بنتي

عجبني خاتم كنزو شاريته بنتي

وقعدنا مع يوسف بالكافيه

اهو ينطرنا كان...طلبه اهو وانا اخذت كبتشينو

وبنتي بيبسي

وهذا كافيه كاريبو

رحنا بعدها للمحرق

يوسف بيشتري حلوى وانا اكتفيت من اللي شريته اول يوم مع بنتي

من السيتي سنتر

خلصنا من المحرق ........قالوا غدا نبي غدا بوفيه اللي بالسيف

رنديفوا على اساس وبعدين غيرنا قلنا نجرب بابادوم

قبلها بنتي للحين ما شبعت تسوق قالت بتمشى على ما يسفط يوسف السيارة

وانا قعدت

بابادوم

هذا غداي ...ما قدرت اصور من الناس وايد زحمة

عاد استحيت

طبعا البيبسي مو من ضمن سعر البوفيه

وهني قلت حق يوسف روح حط لي برياني

ههههههههه كثر حمسة الخضار بس طلعت لذيذة

وهني بنتي تكلمني من الكويت واتس

تقول متى تيون قلت لها درسي
عندهم اختبارات نهاية العام
تقول قاعدة ادرس

ومن السيف قلنا خلاص كويتك يا يوسف

وشوفو الزحمة

ومنها سكرت الكاميرا

وقعدت سوالف مع يوسف

هالمرة ما نمت لا تنسون لازم الحارس الامين على سرعة يوسف

وان شاءالله عجبكم التقرير واني كنت خفيفة عليكم

وتابعوني في تقارير قادمة ان شاءالله

والسلام ختام

هاوية الاسفار · 24-03-2015, 02:06 AM

ما شاء الله تبارك الرحمن

اول شيء العنوان عجيييييييييييب حلوة النحشة

بالعافيه عليكم اللي كلتوه و اللي اشتريتوه بس نصيحتي لج و لكل من يزور البحرين

شفتي المتاي اللي خذتيه هذا يكون مغلف و ما يكون فريش عندج بعد محل شويطر اللي صورتيه سكة او مثل ما تسمونه داعوس

فيه حلويات المحرق على اليسار دكانه صغير وايد عنده كل شيء فريش يعني تحطين التشكيلة اللي تبغينها و راح تحبينه

انا اكثر شيء احب اللي مثل الخبز و الشعيرات الصغار

الباص الاصفر يا سلالالالالالالالالالالام رجعتيني لايام الروضه احلى ايام العمر و عندي سوالف ويا هالباص لين الحين امي تذكرني فيهم

و الله البحرين وايد تغيرت و تطورت

ننتظر النحشة الثالثة

تسلمين على التقرير

gلدالشرقية · 24-03-2015, 01:44 PM

ماشاء الله تقرير رائع
والحمد الله ع السلامة

|القحطاني| · 24-03-2015, 09:03 PM

كفو السفرة الاولى رهيبة هههههه

تعجبني هالسفرات اللي فجأة ما لها وقت ولا تخطيط

الفلمين اللي فوق كلها رهيبة والجزء السابع صوروه في أبوظبي وبيعرض في أبريل قريب

واحد من الممثلين حق الفليم توفى في حادث

البحرين ما شاء الله رهيييبة ما أدري ليش إلى آلحين ما رحت لا البحرين ولا الكويت رغم انها قريبة

لكن ان شاء الله نزورها في أقرب وقت

والأحلى في الموضوع قوة دحسس في الأكل ههههههههههههه

الله يعطيك العافية

توبليرون · 25-03-2015, 01:05 AM

اقتباس : المشاركة الأصلية كتبت بواسطة هاوية الاسفار

ما شاء الله تبارك الرحمن

اول شيء العنوان عجيييييييييييب حلوة النحشة

تسلمين من ذوقج حبيبتي ام علي

بالعافيه عليكم اللي كلتوه و اللي اشتريتوه بس نصيحتي لج و لكل من يزور البحرين

شفتي المتاي اللي خذتيه هذا يكون مغلف و ما يكون فريش عندج بعد محل شويطر اللي صورتيه سكة او مثل ما تسمونه داعوس

فيه حلويات المحرق على اليسار دكانه صغير وايد عنده كل شيء فريش يعني تحطين التشكيلة اللي تبغينها و راح تحبينه

انا اكثر شيء احب اللي مثل الخبز و الشعيرات الصغار

ان شاءالله السفرة الجاية
انا مثلج الشعرية اخمط خمطة واحطها بحلجي ونحب الحار

الباص الاصفر يا سلالالالالالالالالالالام رجعتيني لايام الروضه احلى ايام العمر و عندي سوالف ويا هالباص لين الحين امي تذكرني فيهم

ياحلووو ايام الباصات والدراسة رااااااااااحت

و الله البحرين وايد تغيرت و تطورت

ننتظر النحشة الثالثة

تسلمين على التقرير

البحرين كل مانروح نشوف اشياء جديدة
يبيلنا نفرها عدل

النحشة الثالثة هني

http://www.arabtrvl.com/vb/t663.html

حياج

توبليرون · 25-03-2015, 01:07 AM

اقتباس : المشاركة الأصلية كتبت بواسطة gلدالشرقية

ماشاء الله تقرير رائع

والحمد الله ع السلامة

الله يسلمك اخوي
وشكراااااااا لمرورك الاروع
حيااااك الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غدائنا في مطعم سفرة التركي / سنغافورة	الإماراتي	بوابة سنغافوره	19	18-05-2016 03:24 AM
تخطيط سفرة للهند	عبدالله الشريف	بوابة الهند وسيرلانكا	3	07-07-2015 06:24 AM
أول سفرة لماليزيا والجدول جاهز ملاحظاتكم عليه	الشريف	ماليزيا	14	28-04-2015 10:30 AM