بــــــارك رويال ام قــــــــــولدن ساس .. في بيننانق

البدر · 23-03-2015, 09:28 AM

السلام عليكم ورحمة الله وبركاته
عندي سفره بعد شهر بإذن الله
ومحتار ما بين فندق البارك رويال و القولدن ساس ( بينانق )
طبعا حصلت البارك رويال ارخص من القولدن
بس فيه ناس يمدحون القولدن اكثر
ابي رأيكم ومن جرب الفندقين يعطينا رأيه
عندي طفلتين بيكونون معنا بإذن الله
ويهمني ان الغرف تكون ارضيتها موكيت ( فرش )
وشكرا

troy19 · 23-03-2015, 10:31 AM

انا عن نفسي افضل الهوليدي ان الغرفة مبنى الشاطئ المطلة على الشاطئ مميزة جدا

Turki1407 · 23-03-2015, 11:06 AM

عن تجربه انا سكنت في القولدن مرتين ممتاز و مسابحه ممتازه للاطفال اهم شي الغرفه تكون في الدور الاخير اطلاله خياليه

أبوعبدالله (الاسفار ) · 23-03-2015, 11:15 AM

قولدن ساندز من غير من تردد

الخيار الثانى بارك رويال

رحلة موفقة

قصة حب · 23-03-2015, 11:27 AM

انا سكنت البارك رويال 3 مرات

احبه وايد ومريح وتعاملهم حلو

واخذت الغرفه الديلوكس

فيها موكيت وجزء سيراميك

والطفلتين بلاش بدون رسوم الا اذا طلبتوا سرير اضافي

لكن بغرفه الديلوكس فيها كنبه كبيرة مثل السرير مريحه جدا

القولدن ساندس يمدحونه كثير لكن مو كل الغرف فيها شطاف بالحمام

الهوليدي ان حلو ووايد من الأعضاء جربوه

خذ اللي يناسب ميزانيتك

رحلة ميسره

himzmz · 23-03-2015, 12:16 PM

قولدن ساندس اولا وميزته مناسب للاطفال بسبب مسابحه والبارك ممتاز ايضا

Bu Rashid · 23-03-2015, 07:39 PM

مرحبا أخوي

أنصحك بالجولدن ساندس لأنه ممتاز ولآنه سكنت فيه عام 2012 والحين حجزت عليه حق شهر 5

الفندق نظيف جداً وراقي وبرك السباحة رائعة وفيه نادي للأطفال ومقابلة محطة وقود فيها مطعم ماكدونالدز وسوبر ماركت وكنتاكي بعد قريب منك

يوم سكنت فيه أخذت غرفة اكزاكتيف مطلة على البحر وبصراحة إطلاله رائعة .. والحديقة اللي بين الجولدن ساندس وفندق الراساسيانج رائعة بمعنى الكلمة

وعندهم باص يوديك كل ساعة أو كل ساعتين يوديك للمجمع

والحين لو تدخل موقع الفندق الرسمي عندهم عرض عائلي حق 2 كبار و2 أطفال شامل الفطور والغداء للطفين (وجبة بيتزا) والعشاء 280 دينار بحريني لـ (4) ليالي

لكن آنه حجزته من مكتب للسياحة في البحربن يسعر 178 مع الفطور لكن الغرفة غير مطلة على البحر .. ونفسك آنه رحلتي 2 كبار و2 أطفال وأتصلت في الفندق نفسهم وكلتهم يصير كلنا بغرفة .. قالوا لي يصير 2 كبار و2 أطفال بغرفة وحدة ..

أبوعبدالله (الاسفار ) · 23-03-2015, 09:40 PM

شكرا لك بوراشد

و لجميع الاخوة على الردود الوافية و المفيدة

اعتقد جميع الاراء تتفق على منتجع القولدن ساندز

الان الكرة بملعبك يا بطل .....

A.Alsubhi · 24-03-2015, 12:03 AM

والله ياخوي كل الفندقين رائعة ومايعيبها اي شي

بالنسبة لي سكنت مرتين في القولدن ساندس وارتحت له النظافة رائعة , الاكل ممتاز , الحديقة ممتازة .. قريب منك مطعم ماك بس تقطع الشارع وتوصله

وهذي صورتين من تصويري للفندق

البدر · 24-03-2015, 10:13 AM

بصراحة كفيتوا وفيتوا .. ( ما خاب من استشار )
وبإذن الله راح اخذ القولدن
حصلته على شهر مايو القادم لمدة 4 ايام بسعر 2078 ريال مع الافطار
طبعا عرض من بوكينق اسم الغرفة ( غرفة رفيعة المستوى غير مطله )
وابشرو بالتقرير انشاء الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
منتجع بارك رويال بينانج	حجــازية	بوابة ماليزيا	44	26-08-2018 03:16 PM