السلام عليكم

كيفكم يا اخواني عساكم طيبين

والله تقريبا لي شهر ابحث عن مبتعثين او ناس سافرو للخارج لغرض دراسة اللغة لبريطانيا

ومالقيت احد يفيد او يساعد سواء بتويتر او مواقع

وكلي أمل ان هذا المنتدى راح اجد فيه المساعده وماراح انساه من الدعاء الخير

باختصار يااخوان انا درست اللغة في معهد داخل السعودية يعني الاساس عندي

ماعمري سافرت خارج المملكة ومخطط أخذ اجازة (( 3 شهور )) على بريطانيا

(هدفي) فقط تطوير مهارة المحادثة والاستماع خلال 3 شهور

مااحتاج معهد عشان مايضيع وقتي في اشياء مابستفيد منها

لأني مو طالب اكاديمي وايضا المدة 3 شهور مو كافية اجلس ادرس كل المهارات

الزبدة

أنا جتني فكرة عشان اطور مهارة المحادثة يلزمني اسكن مع عاائلة يساعدوني خلال 3 شهور

بالتحدث والاخذ والعطاء والسواليف والسياحة والتنزه بعيد عن قروشة المعاهد والالتزام الصباحي

والنوم المبكر (( طبعا انا مو كسول )) بس جاي بفلوسي المتواضعه وباجازة قصيرة يعني لازم اتمشى

واركز على المحادثة لذلك جا في بالي (بريطانيا)

أيش رأيكم ؟؟ بما ان المدة 3 شهور كل شهر اجلس بمنطقة في بريطانيا شهر بويلز وشهر بانجلترا وشهر باسكتلندا أكون كذا مختم نص بريطانيا

بس وين أروح في بريطانيا ؟؟ وكيف احمل الفلوس معي ؟؟ هل افتح حساب عندهم ؟؟

وكم تاخذ الفيزا وقت ؟؟ وهل الفيزا سياحية أو دراسية ؟؟

الزبدة ياجماعة الخير

ابيكم تساعدوني وتنصحوني بعايلة أو مدينة حلوة او مكان المهم ساعدوني حاس نفسي ضااايع