الثلاثاء 13-11-2018

صحيت بدري شوي ( النوم عندهم غير اشبع ع طول [emoji28]) وخرجت والدنيا ظلام ممكن الساعه 6.
أحب اشوف الاشياء من بدايتها( ماانصح احد يصحى بدري) وخرجت ع اطلالة البحر كنت اظن الشروق من جهتنا طلع من الجهة الثانية، وجهتنا الغروب.





هذي السنتر - المطاعم-




بداية الشروق





ايضا السنتر



بالغالب المطاعم والكافيهات تفتح حول الساعه 8.
سويت لي شاهي بالغرفة واخذت فطيرة بجبن الفيتا- رهيبة جدا وادمنتها-
بعدها رحت للشاطي الاسود black beach





جيد للاسترخاء بس كان الهواء والامواج عالية مايمديك تسبح.
شخصيا ماعجبني جلست فيه نص ساعه

ثم رحت للشاطئ الأحمر Red beach
جدا رائع بس ميزاه وعيبه في وقت واحد لازم ترقى جبل صغير وتوصل له.
لهذا السبب اكثر الناس يتردد ويشوفه بس ويرجع.





الشاطي خلف الجبل اللي في الصورة


الطريق اليه




هذا هو





وصلت






هذي للسياح اتوقع، يقربون منا ثم يعودون



لو تلاحظون اقصى اليمين بالصورة
اكثر الناس يتوقف ع هذه المنطقة


جلست وسبحت واستانست، ينقص عزبة للشاهي والقهوة والسواليف.
صراحة من افضل الاوقات اللي قضيتها[emoji174]

ثم رجعت عشان قرب موعد رجعة الباص



رجعت الغرفة عالسريع تبديل ملابس وغداء خفيف وانطلقت الى أويل Oia عشان الغروب
اويا جميلة بس كلها طلوع ومدينة تحسها مهجورة مافيها حياة لذلك انصح بالسمن بفيرا.
فيه منطقة اسمها sunset يعني للغروب بس لازم تجي بدري عشان تمسك مكان حلو وتتامل













عجبني






هذا معبد


اثناء الرجوع وانتهاء الغروب


ثم رجعت للغرفة وكنت مره تعبان
وتعشيت عشاء خفيف من التعب
وبكذا انتهى هذا اليوم.

الله يا سانتوريني يا زينها و ياحلوها

احلى وقت الصبح للتصوير قبل العالم ما تقعد


والغروب في اويا يهبل


فطيرة جبنة الفيتا تهبل و اذا معاها سبانخ احلى و احلى

الاربعاء 14-11-2018

بما ان عندي العصر رحلة العودة الى أثينا كان كل النشاطات بفيرا

صحيت الصباح متأخر على غير العادة ثم رحت للسنتر ومريت متحف صغير وجميل Museum of Prehistoric Thira رسوم الدخول 3 يورو
عن الحضارة الاغريقية والادوات المستخدمة في وقتهم










ثم تجولت بالسوق الى الظهر
بعدها رجعت للفندق وجهزت عفشي واتجهت للمطار

المطار صغير ومزدحم ويسمحون بالدخول لمن رحلته بعد ساعتين فقط.. فيه اماكن انتظار بالخارج

وصلت أثينا قبل المغرب واتجهت مباشرة للفندق وريحت الى الصباح
وبكذا انتهى هذا اليوم ...

الخميس 15-11-2018

كنت اتمنى ازور جامعاتهم واكتشفت انها بعيدة ويوجد بعض الكليات المتفرقة داخل المدينة

وبالصدفة شفت متحف أثينا الوطني ومريته
وانصدمت كيف مازرته بالايام الماضية والصراحة انغبنت متحف عريق وكبير ومرتب للغاية
انصح الجميع بزيارته
مريته ممكن الساعه 9
والرسوم 5 يورو وياخذون اللي معك للامانات عندهم ويسمحون بالكاميرا بدون فلاش

المتحف حقه ساعتين وأكثر

المهم اخذت ساعه كاملة اتجول فيه على عجل


















الوقت يمر بسرعه ولسى ماخلصت المتحف
كنت متوتر ابغى اروح للمطار عشان رحلتي 12
وطلعت 10 وانا طالع كان فيه زيارة من مدرسة للصغار والكبار سببوا ازعاج كثير بشكل ملفت
وخاصة طلاب الثانوي [emoji57]
الصغار يا زينهم مؤدبين
المهم رحت للمطار وتأجلت الرحلة ساعه ونص [emoji854]
ورجعنا الى ارض الوطن سالمين
والحمد لله ع كل حال

خاتمة:
1- افضل وقت لزيارة اليونان وسانتوريني بالتحديد نص اكتوبر، السياح قليل والجو معتدل. حتى احد المقيمين بسانتورني وافقني الرأي.

2-اثينا بنظري ماتستحق أكثر من يومين.

3- الافضل استئجار سيارة بسانتوريني عشان توخذ راحتك بالتنقل.
والحجز المبكر للسيارة ع Ryanair افضل
اذكر ارسلوا لي عرض استأجر سيارة 10 يورو باليوم بس قبل الرحلة بشهر ممكن
ولاني ماعرف تجاهلت الرسالة.

4- أحيانا جمال الرحلة بالشخص اللي معك. وانا افتقدت هالشي لاني لوحدي. بس حاولت اعوض بالقراءة والاستمتاع بالجو.

5- اهم درس لي لاتتنازل عن عزبة حتى لو صغيرة.
عانيت كثير بالاكل لدرجة اني نقصت كيلو بسبب المشي الكثير وقلة الاكل.

ورحلة سعيدة للجميع..

شكرا لكم
وشكرا لمروركم [emoji257]