السلام عليكم ورحمة الله وبركاتة
اخواني واخواتي ابي رايكم في جدول لاربع ايام في انترلاكن
راجية من الله ثم منكم المساعدة والنصيحة لاني ساأخذ كل كلمة ونصيحة بعين الاعتبار
السكن حجزت في قرية قريندالولد
اليوم الاول :
وادي لوتربين شلال تروميل باخ والبحيرة الزرقاء
اليوم الثاني:
مصنع الشوكلاته نستلة ومصنع الجبن وزيارة القلعة القريبه
اليوم الثالث :
الذهاب الى لوزرين وزيارة التلفريك المكشوف ثم الذهاب الى شلالات الراين
ملاحظة هل سيكون هناك صعوبة في الجمع بين شلالات الراين ولوزرين علما ان القصد من زيارة لوزرين ركوب التلفريك المكشوف فقط واذا فيه مجال زرت الجسر الخشبي
اليوم الرابع :
مطل الهارد كولوم وزيارة كهوف سان بيتوس بقية اليوم التنزة في انترلاكن


انا قرات الكثير عن انترلاكن والاماكن كثيرة فيها ولا استطيع زيارتها لقصر فترة الاقامة
والاماكن التي ذكرتها هي التي ارغب بزيارتها
اتمنى منكم المساعدة وابداء الراي في هذا الجدول

وعليكم السلام ورحمة الله وبركاته

جدولكم جيد وممكن اضيف بعض الاقتراحات

اليوم الاول قرية جريندوالد وزحليقة بفينستيج وبعده شلال تروميل باخ ثم شلال جيس باخ (رائع)

اليوم الثاني جدولكم حلو وممكن تضيفون له منزه وحليقة ميلسون

اليوم الثالث ممكن تجمعون شلالات الراين مع التلفريك المكشوف بس لازم تطلعون بدري
وتكون البدايه بشلالات الراين ثم التلفريك المكشوف ثم مدينة لوزيرن وبطريق الرجوع تمرون على مطل لونجيرن اللي على الطريق
مع العلم ان اخر تلفريك مكشوف يصعد للقمة تقريبا الساعه 4.30 ....
وممكن تكتفون بالتلفريك المكشوف ولوزيرن فقط لان زيارة شلالات الراين بتكون متعبه نوعا ما لبعد المسافة

اليوم الرابع .. مطل الهادر كلم ثم كهوف سان بيتوس ثم البحيرة الزرقاء

الله يجزاك خير اخوي ويفتحها في وجهك
سؤال
ابي اعرف كم المسافة بين انترلاكن و شلالات الراين والمفروض نطلع الساعة كم
لو نطلع الساعة سبع كم الساعة تقريبا يكون الوصول لان انا حاطه الشلال من اولوياتي شفته ومن وجه نظري يستحق الزيارة ويستحق العناء
كذلك التلفريك المكشوف
وفي كذا شغلة حابة ازورها لكن اخليها للوقت اذا يسمح
والاضافات اللي حطيتها بدرجها في جدولي
شكرا لك ولكل القائمين على هذا الصرح الرائع

الف شكر لك اخوي يعطيك العافية

الوقت تقريبا ساعتين وثلث من انترلاكن الى الشلالات
والشلالات يكفيها ساعتين بالكثير للزيارة اذا بتركبون القوارب اللي توصل الى الشلال

ومن الشلالات الى التلفريك المكشوف 123 كم والوقت ساعه وثلث

يعني اذا طلعتوا الساعه 8 صباحا بيكون عندكم وقت لزيارة الشلال والتلفريك المكشوف ومن ثم لوزيرن

اخوي مقدام بيض الله وجهك هذا الي ابي اعرفة بالضبط
الف الف شكر لك

تفضلي

هذا رابط فيه جدول لأماكن متفرقة في أوروبا

منها 5 أيام لانترلاكن بها جميع التفاصيل

http://www.arabtrvl.com/vb/t5005.html#post84780