باذن الله اخطط في شهر 8 السفر الى الارجنتين وكم يوم لمدينة ريو البرازيلية
بس الي قد يكنسل الفكره عدم وجود رفيق للسفر حتى الآن ( الكل يقولون وش هالشطحه هههه)
حبيت اسال افضل الاماكن المفترض زيارتها وكيفه التنقل بين تلك المدن والاماكن
واسعار التنقل سواء بالمواصلات او الطائرة


تم عمل بحث بسيط عن اسعار السكن والمعيشيه اشوفها مناسبة

اهنئك يا صديقي على الاختيار
من شخص زار البلد اقول لك لن تندم ابدا ابدا على الاختيار
انا زرت البلد لوحدي 20 يوم قمه الاستمتاع بلد فيه الحياه تنبض ليلا نهارا
ما ادري هل الشهر 8 ميلادي او هجري
حدد لي الأيام وأبشر بالترتيب والمساعدة

السكن بالنسبه للعاصمه بوينس آيرس
افضل لك الفندق اللي سكنت فيه فندق إيكس هوتل كولون
مركزه داون تاون المدينه ( وسط المدينه ) المسافه بينه وبين المطار تقريب 25كلم
وبينه وبين محطه المترو 150 متر
ومسرح كولون يبعد عنك تقريبا 300 متر وشارع المشاة 500 متر

بالنسبه للتاكسي من مطار إيزيزا الدولي في مكتب لشركة تاكسي مكتوب عليه تاكسي ايزيزا وهو تاكسي رسمي ونظيف وخدمتهم رائعه أخذتهم للفندق ب 40 دولار عندك خيارين تدفع كاش قبل الركوب للتاكسي او بعد الوصول

احتاج منك عدد الأيام اللي تنوي فيها زياره الدوله حتى ارتب لك جدول بكل ما تريد

الوقود عندهم غالي جدا ما انصحك ابدا تستأجر سياره كون وسائل المواصلات متوفره
بالاضافه الى كثره الحوادث عندهم