اهلا وسهلا اخوي محمد
توقيتك نفس توقيتي ان شاء الله رايح في شهر مارس
بالنسبه للفنادق للامانه الخيارات كثيره في باكو
فيه الفيرمونت بس مكانه يحتاج لياقه
وفيه برضوا انتورست سكنو فيه كثير ويمدحوه
وفيه عندك برضوا فندق بوليفارد بس يعيبه مكانه في اخر الكورنيش والخيارات عده
بس انا للامانه اختياري كان فندق اسمه سفير او سافير ستي عجبني موقعه في سنتر المدينه مع انه اقل فخامه من الفنادق المذكوره بس موقعه جدا مميز وكل شي حوليك
لذا انصحك فيه بس لاتحجز الان خليني بعد مااحجز عشان لايروح عليا هههههههه
في غابالا للامانه فيه فندق مررره مميز الي هوا قفقاز ريفيرسايد كل الاكتفيتي موجود فيه حتى التلفريك من نفس الفندق
وهوا كمان الي ناوي اسكن فيه ان شاء الله


بالنسبه لموضوع الجو للامانه الجو بيكون بارد بالذات في غابالا وفيه ثلوج حتكون لمن نهايه مارس
في باكو برضوا الجو بارد وحتكون درجة الحراره مابين 4 الى 5 في الليل
وفي النهار من 10 الى 11-12


التنقل من باكو الى غابالا تقريبا حيكون عليك في حدود ال 100 الى 150 مانات بس يبغالك تتفق مع السواق يوديك ويرجع لك وقت الخروج ومن رايي لاتخلي السواق معاك هناك خليها استجمام وتزلج في الجبل واذا احتجت تروح للاماكن القريبه التكاسي متوفره وماحياخذوا عليك كثير


بالنسبه للاماكن في باكو في عندك المدينه القديمه (اولد ستي )
شارع نظامي
كورنيش البوليفارد
فينيسيا المصغره
متحف السجاد
وفيه مطل قريت عنه وحديقه قريبه من فلامي تاور اذا صح الاسم اعتقد توصل له عن طريق الترام
وبالنسبه لغابالا الاكتفيتي كله قريب من الفندق الي قلت لك عليه فيه التلفريك يطلعك لمن الجبل وموجود كوفي ودبابات وادواد التزلج كامله
ويوجد كمان ملاهي قريبه من الفندق


التكلفه التقديريه هذي صعب الاجابه عليها لانها تعتمد عليك
بس انا عامل حسابي على 500 الى 600 في اليوم ممكن تزيد وتنقص


بالتوفيق ورحله ممتعه ان شاء الله


واسفين على الرد المتأخر