من دون زعل : عصابات السياحة الجدد [الفاشينستات السياحية]

أبولجيـن فهد · 23-02-2019, 10:27 AM

ياصاحبي طرحك رائع وجميل ومرتب .. وحقيقي للأسف ..

ولكني اقول :

نحن في عام 2019 والوعي العام مرتفع

ووعيك الشخصي مسئوليتك وحدك .. بمعنى لاتلقي اللوم ابدا

على الاخوة المسوقين او اصحاب رحله 10 اشخاص سجل والاماكن محدوده
والسعر فقط 6666 ريال وغيرها

هولاء ياصاحبي وجدوا ناس حليلين ( يروح مع احد يسافر به )

فاللي يسلم رقبته الناس في عصر جوجل والكم المعلوماتي الهائل يستاهل

انا هنا لست متطرفا ولكنها المدرسة الواقعيه

انت شخص محترف وفلان شخص واعي وفلان يعرف يسافر واخر مع اصدقائه وهكذا
فيه ناس ( مايعرف وعنده فلوس) وهالنقطتين تجعلك هدف استراتيجي للقناصه

( ماتفهم / عندك قروش)

سوف ينهال عليك الصيادين كل يبي يصيدك وياخذ قريشاتك

والناس مذاهب وافكار ياصاحبنا .. مالاتقبله قد يقبله الاخرين وهم يشتغلون على هالفئه

:::

مثلهم في نظري اللي يروح لبلد السواقه فيه جهه اليمين ( ماله عذر) ثم يركب هو وعياله

طوال السفره مع ( حماده او ابو اسكندر السواق) يسوق فيهم ويوديهم ويجيبهم ويتفرج بوجيههم

مايعرف يستاجر سياره مأمنه بنصف التكلفه بعد ومعه قوقل ماب ويبحث عن مايريد ويروح له ؟؟؟

لازم يخرق ام خصوصيه عياله ويركبهم مع السواقين ؟!!!

فيه فئة ياصديقي تستاهل اللي يغتنم جهلها ويحقق مكاسبه

انما توخذ الدنيا غلابه ولاعذر لجاهل بزمننا ...

::::
همسه :

من زمان والخلايجه المسافرون يوجد فئة منهم يبحثون عن من ينصب عليهم

والله جد

يروح مصر ويدفع لسواق 200 ريال باليوم ومشاويره لو راح لها مع اي تكسي ماتجي 60

والاخر يشتكي ويولول بالمنتديات ان الخدامه -من الجنسيه العربيه الفلانيه -

نصبت عليه ..لانه مرسل لها عمي افندي

12000 ريال تحجز له شقه قبل ياصل ( لابو ذا الوجه هههههههههه)

فمن ذهب ضحيه سواق اجره وخدامه ماتبي فرسان السوشيال ميديا يصيدونه

د خيال و الفراهيدي معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بونشـــاك لم يعد الخيار الجيد للسائح	أبو عبدالله	بوابة اندونيسيا	33	02-06-2019 07:48 AM
تنبيهات للمسافرين الجدد الى ماليزيا	المتوكل على الله	بوابة ماليزيا	20	18-08-2018 04:57 PM
الحيد المرجاني	Leen	بوابة استراليا ونيوزلندا	2	05-06-2016 04:16 PM