تجربتي في سداد مخالفة السير - سيكست مثلا ..

ابو عبدالله · 19-02-2019, 01:06 PM

السلام عليكم ... المنتدى له فقده والله ...
سفرتي الاخيرة كانت في نهاية السنة الميلادية وبداية السنة الحالية ( من 26-12 الى 5-1 ) وكانت لالمانيا وتراها ماتتفوت في نهاية السنة مره حلوه وخصوصا فعاليات اعيادهم واسواقهم ( اعيادهم لهم ) واسوقها لنا .. المهم الموضوع موب تقرير عن السفرة ....
استأجرت سيارة من سيكست وصادتني كاميرا سرعه بسرعه زياده 9 كيلو اعتقد ... انا ماكنت اددري ( كنت متوقع وشفتها بالليل بس معد يمدي اسوي شي ) بعد مارجعت وصلني محاولة من سيكست عملية سحب من فيزا الراجحي بس ماكنت مخلي فيها فلوس ولو خليت يمكن يكونون سحبوا وخلاص فكوني فانا شحنتها على طول عشان لو جربوا ثانيه بس معد عادوها ...
خلاص جلست انتظر ايميلهم ... وبما اني معطيهم عنواني في برسطانيا فوصلني رسالة على البيت فيها ورقتين :
1- خطاب المخالفة من الجهة المسؤلة في فريبورغ وكان بقيمة 10 يورو .
2- خطاب رسوم ادارية من شركة سيكست بمبلغ 25 يورو ...

- خطاب المخالفة :
الخطاب يحتوي على :
- صورتك وانت تسوق السيارة .
- بيانات المخالفة بالالماني ( فهمت اني متجاوز السرعه بـ 9 كيلو ( ومالي خلق اقرا الماني الحين )
- صندوق او مربع في اخر الخطاب موجود فيه :
- السطر الاول فيه رابط موقع الدفع .
- السطر الثاني فيه كود الموقع لو حبيت تفتحه بجوالك بدال كتابته .. ثم فيه اسم مستحدم (Login) وكلمة مرور (PIN) عشان تستعملهم في الموقع وتسجل دخول للمخالفة .
- تقدر تسدد بأكثر من طريقة منها بواسطة بيبال او بطاقتة الائتمانية ....

وسددت عن طريق بطاقة تسوق من الراجحي ...

هنا انتهى موضوع المخالفة الحمد لله وفي نظري هو اهم من رسوم سيكست لانها رسوم حكوميه ولو تأخرت في الدفع يمكن يوصل الموضوع للمحكمه ويكبر وانت ماتدري ...

-- رسوم سيكست
الرسوم 25 يورو حسب اتفاقية التأجير هي عن كل مخالفة يعني لو مخالفتين بتدفع 50 يورو وهكذا ...

خطاب الرسوم يقول انك تحول الرسوم على حسابهم البنكي ..
ارسلت لهم في البداية وطولوا الين ردو علي يمكن 10 ايام لان كنت اسألهم حقت ايش هذي طالما انا بدفع الـ 10 يورو فقالوا انها رسوم عن كل مخالفة وكنت قايل لهم اسحبوا من بطاقتي بس ماردوا على النقطة هذي وما سحبوا ...
رحت البنك عشان التحويل فقال انه عنوان البنك موب موجود ولازم اجيبه عشان اقدر احول لهم ...
ارسلت لهم وردوا بعد 10 ايام يمكن او اكثر ( المراسله على الايميل الموجود بخطابهم ) واعطوني عنوان البنك ..
مابعد رحت للبنك لان الايميل توه واصل بس قلت ابلغكم باللي صار معي وكيف سويت وايش السالفة لان فيه كم شفت اسئلة عن الموضوع هذا ..

اتمنى يكون الموضوع هذا مفيد لاحد ( موب اتمنى انكم تاخذون مخالفات عشان تستفيدون - لا احد يفهم كذا ) ..
استمتعوا بالقيادة في المانيا خصوصا الجنوب ... الشمال لازال تحويلات وحوسه ....

موفقين وسفرة سعيده للجميع ...

*********************************** تحديث بتاريخ 24/9/2019 ********************************

كنت مسافر مره ثانيه اغسطس الماضي لالمانيا وشفت الكاميرا حقت السرعة تصورني ..
اليوم سيكست سحبوا من بطاقتي ( فيزا الراجحي مسبقة الدفع ) مبلغ 25 يورو لاني كنت متوقع بيجي سحب منهم مثل ماجربوا اول مثل ماقلت لكم
وارسلوا ايميل لي انهم سحبوا مبلغ الرسوم الادارية وان المخالفة بيتم ارسالها بالبريد العادي حسب العنوان المسجل عندهم في بيانات تأجير السيارة ..
يعني الان انا عرفت ان كثير من الشكاوي للناس وانهم مااستلموا المخالفة او ماجاهم المخالفة هو :
ان سيكست ترسل سحب لمبلغ الرسوم حقتهم من بطاقتك ويبلغونك على ايميلك اما المخالفة فهم يرسلونها لك بالبريد العادي لاي مكان بالعالم حسب عنوانك ( انا راح توصلني ببريطانيا مثل ماوصلتني الاولى )
فاحرص انك تكتب عنوانك البريدي بشكل واضح عشان يقدرون يرسلون لك المخالفة .

توبليرون, Rolls-Royce, آخـــرفـــرصـــة و 2 آخرون معجبون بهذا.

آخـــرفـــرصـــة · 19-02-2019, 02:30 PM

منور يابو عبدالله

تسلم على توضيح خطوات التسديد
والتفاصيل الدقيقة لان كثير يسأل عنها

ولو كانت البطاقة فيزا عادية سيتم السحب
مع ابلاغك بالايميل و ارسال نسخة المخالفة لك

توبليرونمعجبون بهذا.

AL Tunaiji · 19-02-2019, 05:35 PM

مساء الخير أبو عبدالله

أنا مثلك حصلت مخالفتين سرعة في ألمانيا في آخر سفرة لي ، وكنت مستأجر عن طريق شركة سكست

السبب الرئيسي هو كثرة إختلاف السرعات على الطرق ، كل شوي أزيد وأخف السرعة ولكن الحمد لله جت على مخالفتين ووحدة داخل قرية أعتقد

رسوم شركة سكست هي لأنها تعبت نفسها وجابت لك معلومات المخالفة ، وبيانات الحساب البنكي للتحويل ، وياليتهم دفعوا قيمة المخالفة مرة وحدة

يرسلون لك إيميل ورسالة عن طريق البريد أيضا ولكنها تتأخر

المخالفات عندهم تتبع البلديات ، يعني مضطر تحول فلوس لكل بلدية تتخالف فيها

حاولت أدفع أون لاين عن طريق النت وبطاقة الفيزا ، ولكن الموقع ما كان يقبل اليوزر نيم والباسوورد مالهم

أضطريت أراسلهم وأنتظر ردود توضح بيانات المخالفة لأنها بالألماني ، بلدية وحدة ردت علي وحولت ، والثانية ما ردت ولكن حولت أيضا بعد تجربة التحويل الأولى

أهم شي عند التحويل أنك تكون متأكد من أسم صاحب الحساب ( أسم البلدية مثلا )

رقم الحساب وهو مذكور في المخالفة حتى تتمكن من الدفع والعنوان

أيضا يفضل التواصل مع البلدية بعد الدفع للتأكد من إستلامهم المبلغ

وأهم شي الإحتفاظ بكافة الأوراق ( المخالفة ، أوراق التحول ، ممكن نسخة من الإيميلات ) لتجنب أي مساءلة في المطار في السفرات القادمة

أتمنى لو حد عنده تجربة مع شركة تأجير أخرى ممكن تفيدنا ونغير عن سكست يمكن

توبليرون و فارس من خيال معجبون بهذا.

أبومنار · 20-02-2019, 10:10 AM

الله يعطيك العافية أبوعبدالله

على التوضيح والتجربة
اللي بتكون مفيده للجميع

حسب تجربتي انا مع سكست
سافرت 2013 وحجزت من سكست عن طريق فيزا مسبقة الدفع
في زيلامسي الفيزا وانا بحاول اصرف من الصراف سحبتها الصرافه
بعدها وقفت الفيزا

المهم لما رجعت للسعودية جتني رسالة من سكست على الايميل يقولون عليك مخالفة
وكان فيها رسوم اتذكر

وانهم حاولوا يخصمون من الفيزا ماقدروا
قلت اعطيكم فيزا اخوي واخصموا قالوا مانقدر
ياتعطينا فيزا باسمك او تحول المبلغ لنا
قلت سالفة اني بحول انسوا عطوني كم يوم اطلع فيزا ثانية واعطيكم البيانات
طلعت فيزا وارسلت لهم البيانات وفعلا خصموا المبلغ

توبليرون و فارس من خيال معجبون بهذا.

آخر مواضيع أبومنار

- ماذا تعرف عن مدينة لينز Linz في النمسا
- محتار أو مو عارف تحصل سكن مناسب لك في أوربا تعال وصلت خير
- بما أن وقت السفر قرب تعال هنا دقيقة
- شرح تطبيق airalo أفضل تطبيق للانترنت بالسفر (شريحة اكترونية فعلها بضغط زر)
- شقق وفنادق تقدم بطاقات خصم Zell am See-Kaprun زيلامسي وكابرون

توقيع : أبومنار

خريطة المسافات بين مدن اوروبا | تقرير رحلة أبومنار سبع دول أوربية | برنامج سياحي متكامل الاول - الثاني - الثالث | شقق وفنادق أوربا المميزة | المزيد من مواضيعي اضغط هنا

متكي · 21-05-2019, 11:55 PM

انا والله جتني مخالفتين وفيه صدمه خفيفه ف السياره ، وجوبو سحبو من البطاقه ماشتغلت
وراسلوني لهم سنه وساحب عليهم وقالو بنوديها المحكمه يطالبوني ب ظ¦ظ ظ يورو
ورحلتي قربت تتوقع يسولي مشكله ف المطار اويرفضوني فيزتي لاني قدمت ‏اوراق السفارة على أساس أجدد التاشيرة

فارس من خيال و توبليرون معجبون بهذا.

سفير جوجل · 22-05-2019, 02:24 AM

اذا وصلت المحكمه فأكيد نزل عليك حكم
ثانيا وهو المهم :
ما يجوز انك تمطل حق الناس

توبليرونمعجبون بهذا.

متكي · 22-05-2019, 08:57 PM

اقتباس : المشاركة الأصلية كتبت بواسطة سفير جوجل

اذا وصلت المحكمه فأكيد نزل عليك حكم
ثانيا وهو المهم :
ما يجوز انك تمطل حق الناس

‏أنا والله إني عارف حق ناس ولا أبي أكل شي حرام لكن المشكلة أنهم أرسلوا لي فاتورتين وحده ب600يورو
وفاتوره ثانيه ب 24 يورو ، عشان كذا نلخبطت ومدري وش ادفع
وراسلوني يهددون انها راح تروح المحكمه ، ورديت عليهم ‏على أساس يتأكدون من الفواتير ولكن محد رد علي

فارس من خيال و توبليرون معجبون بهذا.

سفير جوجل · 23-05-2019, 12:12 AM

اقتباس : المشاركة الأصلية كتبت بواسطة متكي

‏أنا والله إني عارف حق ناس ولا أبي أكل شي حرام لكن المشكلة أنهم أرسلوا لي فاتورتين وحده ب600يورو
وفاتوره ثانيه ب 24 يورو ، عشان كذا نلخبطت ومدري وش ادفع
وراسلوني يهددون انها راح تروح المحكمه ، ورديت عليهم ‏على أساس يتأكدون من الفواتير ولكن محد رد علي

اتوقع ان 600 حق المخالفات والحادث
و24 حقهم هم رسوم المخالفه ورسوم الحادث

فارس من خيال و توبليرون معجبون بهذا.

متكي · 23-05-2019, 03:53 AM

‏طيب لو رفعوا عليه في المحكمه هل واح تاثر على اجرئات تجديد التاشيره

فارس من خيال و توبليرون معجبون بهذا.

AL Tunaiji · 25-05-2019, 01:46 PM

اقتباس : المشاركة الأصلية كتبت بواسطة متكي

انا والله جتني مخالفتين وفيه صدمه خفيفه ف السياره ، وجوبو سحبو من البطاقه ماشتغلت
وراسلوني لهم سنه وساحب عليهم وقالو بنوديها المحكمه يطالبوني ب ظ¦ظ ظ يورو
ورحلتي قربت تتوقع يسولي مشكله ف المطار اويرفضوني فيزتي لاني قدمت ‏اوراق السفارة على أساس أجدد التاشيرة

إذا واجهتك مشكلة في إجراءات الفيزا فهو أمر هين

ولكن المشكلة إذا صار لك عرقلة في المطار أو تحقيق أو يجبرونك هناك تراجع المحكمة

الأفضل تسوي أمورك معاهم قبل السفر وتتأكد أنهم أنهوا أي إجراءات متعلقة بالمحكمة

وتاخذ كل الأوراق والإثباتات ونسخ الإيميلات التي تثبت أنك سويت الموضوع معاك قبل السفر ، تفاديا لأي مسائلة في المطار

فارس من خيال و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دعواتكم بالرحمة والمغفرة لخالة ام زياد	توبليرون	أخبار واعلانات الأعضاء	42	11-07-2016 05:42 PM
عزاء واجب للأخت أم زياد ناجي	الغردقاوي	أخبار واعلانات الأعضاء	39	31-01-2015 05:38 PM