شياب البحرين و اهل المحرق فيهم طيبة مو طبيعية
و من يشهد للعروسة

حياكم الله اخوي نواف في ديرتكم و مكانكم
المطعم ما جربته لاني ما احب الاكل البحري
بس نقترحه على الاهل يجربونه

المرة الجاية جربوا سوق المنامة الشعبي و ان شاء الله يعجبكم

ما شاء الله
جولة سريعة خفيفة في دانة الخليج
هنيالكم يا اهل الشرقية قربها منكم


لقطات جميلة و اختيارات رائعة
اطلالة مطعم الصيادين رايقة والصيادية مبين 100%
الكافيهات حلاوتها بالليل تحلى السهرة والحديث
بمكان راقي زي هذا


اعجبني الممشى موقعه جميل جدا


الاسواق الشعبية حلاوة البلد

تعجبني اكثر من المولات الفارهة



تسلم نواف على هذي الاختيارات الراقية
واللقطات الجميلة اللي استمتعنا فيها


الله يسعدك على هذي التقارير اللي تتحفنا فيها

يارايح البحرين جيب لي سمبوسه
شوقتنا على الحلوى والسمبوسه بطلب من اخوي اهو هناك الحين
وبعلمه على مطعمكم لانه من محبين الاسماك
يعطيك العافيه الصور نقلتنا للمكان الجميل والسفن القديمه من الدرايش القديمه روعه وكأننا ننتقل للماضي الجميل
اهل البحرين كلهم فيهم طيبه فوق الطيبه
وهذا الشويطر اللي كله ناخذ منه وعلى قولة واحد اول مره نسأله عن حلوى الشويطر
قال لنا ( مو كل شويطر شويطر ) وأشر لنا على حسين شويطر
امواج روعه بكل وقت والغروب جمييل جدا
شكراا لتقاريرك الجميله

أهلاً نواف ...

رحلة عابرة ( على غير العادة ) ...

تمنيتها ليالي ... لنسعدَ بتفاصيلك وصيدك ...

من يتابعك .. يعرف بأن الثمين حصيل رفقتك ...

البحرين يانواف آسرة ... كما ذكرت .. جزيرة صغيرة لكنها كبيرة بعطائها ..

مطعم الصيادين يانواف ... يُعتبر الأميز هناك ... لا أتعداه أبداً إن أردتها مائدة بحرية ..

جزيرة أمواج كذلك معلم جميل .. ينفرد به ( نادي الشاي ) كأحد أجمل من يحتضن جلستك ووقتك ..

أتفق مع من ذهب إلى أن سوق المنامة يتفوق على سوق المحرق ..

ولكن كما ظهر من جولاتك بأنها كانت في المحرق ... لم تتطرق للمنامة ..

لا تنفرد هذه الزيارة وحيدة ... لا بدّ من إعطاء البحرين فرصة أكبر لِتظهر حُسناً لم تدركه ...

أقدِّر لك هذه الإضافة وهذا الطرح ... مميز دووووماً وحضورٌ نتلهف له ...

ماشاءالله تقرير خفيف وحلو
هذا اللي تعودناه منك يا نواف

اهل البحرين اهل طيبه وكرم

بعد لو رايح منطقه الريف حلوه ورايقه


Sent from my iPhone using Tapatalk

سلمكم الله هذا تقرير خفيف على دانة الخليج