الشتاء اللندني - الصفحة 21

أم احمد · 17-05-2021, 12:38 AM

اقتباس : المشاركة الأصلية كتبت بواسطة توبليرون

وطرناااا بعد ما استودعت عيالي وابوهم وبيتنا ومن فيه والكويت عند الله سبحانه وتعالى

وصليت الفجر بمكاني

ومعلومات الرحلة من اميال وارتفاع

درجات الحرارة

والوقت

وموعد الوصول

واخذنا الكنبل تلحفنا

وحطيت لي فيلم عن ام تلعب البزل

ووصل الريوق

وشاي احمر

وصور للمنطقة تحتنا الليتات وبيوت متفرقة

وسفرت الدنيا وتحتنا الثلوووج وكل ما صار جذيه قالو لبسو الاحزمة مطبات هوائية الحمدلله كانت خفيفة ما نحس فيها

وزعوا عينا هالكروت وقالو اكتبوها قلت مابي اكتبها ما يبونها هناك
قالو البنات لا خل نكتبها يمكن بهيثرو يبونها مو نفس غلاسكو

ووجبة خفيفة

باين الفيلم حلو ، ويا سلام على الشاهي وخصوصاً بالطيارة اللي أحس بطعمه من كثر حبي له هههههههههههههههه متشوقة لمتابعة التقرير وأكيد كالعادة تبارك الرحمن مميز وراقي كتميزك ورقيك غاليتنا

توبليرونمعجبون بهذا.

أم احمد · 17-05-2021, 03:40 AM

اقتباس : المشاركة الأصلية كتبت بواسطة توبليرون

وصلنا سيلفريدج بالباص طبعا

وسيدا الى المطعم بالدور الرابع

هذا كافيه الن مكان ستاربوكس سابقا

وهذا مكانا

فيش اند شيبس طلب حسين

وهذا اكلنا انا والبنات المطعم الهندي

برياني وكاري وعدس وباكورة الصحن ب15 باوند

وهذا نوع ثاني

وفاتورتنا

بعد الغدا المشبع جداا
تمشينا شوي بسيلفريدج وبعدين قلنا خلاص نروح نريح ونصلي

وهذا قريب سيلفردج

نشتري كستنه

بعد ما ريحنا طلعنا الساعة 8 من الفندق والا الثلج ينزل وقعدنا نصوره

وبعدين رحنا لمحطة الباص اللي عند الماريوت مقابل الماربل آرش علشان بنركب الباص ونروح لندن آي

ووصلنا

نزلنا

وبيغ بن

وقعدنا هني البنات يبون افكت البيغ بن سامعين عنه ويبون يصورونه وقالو لهم ربعهم ان لازم توقفون قريب منها وهذا تصويرهم مع الافكت روعه

وانا قعدت مكاني قلت لهم انتو روحوا وبيرجعون لي

انا واقفة بمكاني واصور

كان هدوء شوفو الفيديو

للحين ما يوو ربعي

واخيراا يوني ربعي ودخلنا بريت نبي شي يدفينا

الطاولات كانت مصفطة والكراسي فوقهم وما خلونا نقعد يقول بنسكرالساعه 9 بيسكر يقول مافي زباين الحين قلت له احنا زباين ودخلو ورانا انجليز بس نفس الشي قال لهم المهم اشترينا قهوة وطلعنا

للي يسال عن شارك والاكواريوم والدراغون كلهم موجودين هني وفي صالة العاب للأطفال هني

ماكوو احد وين السياح الصيفين

ما نمل من تصويرها بس بوغسان ما تغير لونها ابداا كله احمر

وطلعنا بعدين للباص واكيد بالجهة الثانية علشان نرجع
للي اول مرة يستخدم الباص لازم يعرف أي جهة يوقف للباص لان الباص ما يلف يمشي سيدا
أي مكان تنزلون منه بترجعون لازم المحطة المقابله وساعات بعد انتبهو يمكن الباص مايوقف فيها بيوقف بمحطة ثانية الأرقام مكتوبة لا تحاتون والمحطات قريبه

شوفو محطتنا اللي نزلنا منها واحنا واقفين بمحطة مقابلة لها للرجعه

نصور على ما يجي الباص

يتبع....

الله على الأجواء ‏والمناظر الحلوة والثلج أجمل شي التسوق من الاوتلت الله يعطيك العافية ما قصرتي على شرح كل محطات القطارات والباصات مستمتعين بالرحلة الجميلة

توبليرونمعجبون بهذا.

أم احمد · 17-05-2021, 03:46 AM

اقتباس : المشاركة الأصلية كتبت بواسطة توبليرون

الأربعاء
23 من يناير 2019
اليوم السادس

منتدى العرب المسافرون بريطانيا

بهاليوم قعدنا وتريقنا بالحب اللي ما زعل علينا
مقابل فندقنا

خوش مكان

طلباتي

صعدنا الباص وبنروح شبربوش وكنا انا ودانة وحسين وزوجته
اما فرفر وغنومة راحو يستكشفوون باقي مطاعم الفورسكوير مالهم

وهذه السيارة بالطريج شوفو الثلج فوقها ماشاءالله

ووصلنا شبربوش

على كل سفراتي لندن رحت له مرتين وهذه الثالثة

كان جداااا هادي

ترحيب بالعربي معكوس قل مرحبا

ودخلت محل هندي وشريت خامات قطن صيفية وشتوية لي وصوغة

وقال بحط عليهم اسم محلي هذا ما تحصلونه بكل مكان هههه قلت له اوكي حط وبسوي لك دعاية عندهم انستغرام ويوصلون يقول وللامانة الرجل سيكي يعني اللي ما يحب يشتري منه ابلغكم لا يصير بذمتي

مشترواتي

وطلعنا نكمل تمشي

ودانة مو متريقة قالت ابي قهوة ودخلنا هالكافيه الايطالي

ديكورات الكافيه حليوة

الكافيه صغير بس مرتب

دانة طلبت جامايكا بلو يقول لها الأكثر طلبا هني

وانا قاعدة شفت قطار توني اعرف ان قطار يمر من هني

طلبي شاي

وطلب دانة

خوش حكمة

بعد ما تدفينا طلعنا وتمشينا هني بالشارع وكلها محلات تخص العرب والمسلمين حسيتها نفس سوالفنا

محلات وفوقهم بيوت صغيرة ميخالف اقبل بواحد فيهم

نبي نروح مكام بس ماعرفنا رقم الباص اللي يودي
وعبرنا الشارع لانه لازم نروح الجهة الثانية

يشترون ذهب

نزلنا هني ورحنا صيدلية وشافنا واحد عراقي يقول صار له 27 سنة هني من بعد الغزو وهو هني وكان عايش بالكويت يقول
دلانا على هالبقالة وقال انه ارخص واحد يبيع دقوس بوديج ههههه وشرينا منه

وبعدها اخذنا تاكسي لان الباص وصلنا هني ومو عارفين أي صوب نروح والتكسي وصلنا

.......يتبع

مكان الريوق يجنن بالعافية عليكم ، شوقتيني ‏أجرب عصير الفحم ‏ويا عيني يا أم حسين على الشاهي الشاهي خير رفيق في كل مكان ☕☕

توبليرونمعجبون بهذا.

أم احمد · 17-05-2021, 03:50 AM

اقتباس : المشاركة الأصلية كتبت بواسطة توبليرون

وصلنا مطعمنا اللي سمعت عنه من جاراتي
قلت خل اودي حسين يحب هالمطاعم

سفرة المهدي رستوران

جنطتنا اللي شريتها من شبربوش حق الاغراض اللي شريناهم هناك

عندهم تنور خبزهم فريش وبعد ماطلعنا وصلني ان عندهم خبز بالجبن والزعتر طافنا حسافة

ديكورات ايرانية

نشوف المنيو

الصور تشوق

وصل البيبسي

واللبن

مقبلاتهم وحطيت بطل الدقوس

وصل جلو الكباب

ومرق الشبزي

وورق عنب

وشيش طاووق

مادري جم طلع الحساب على حسين اليوم طلعنا

فيديو

ننطر الباص وعلى ما ايي دشينا محل حلويات هني

شريت من اللي بالنص بس علشان دخلتنا المحل طلع حليوو

وركبنا الباص وقطنا عند محطة المترو الاجوررود

وشافت دانة كافيه نيرو وقالت ابي هوت شوكليت

وانا اخذت كباتشينو

تكرمون حمامات لوبي الفندق

ريحته حلوة هالصابون

صعدنا نريح بالغرفة الساعه 4 الا ربع

وقلت حق البنات روحو يبو لنا ماي
تعيزوا وقالو بنطلب من خدمة الغرف... دانة تطلب قال لها الموظف الماي اللي بالحمام صالح للشرب
قالت له لا نبي 3 بطول
قال لها غالي ب5 باوند البطل الصغير
قالت له ميخالف
أقول لها غالي دانة تقول عادي على حسابي هههه ماشاءالله

بره البطل اقل من باوند والبنت تشتري الواحد ب 5

هذا البطل

المهم ريحنا وراي سهرة ....الى اين ؟؟

شكل الأكل لذيذ تبارك الرحمن ، مزاجك نفس مزاجيكابتشينو وشاهي ولا أحلى من هالمشروبين وقت البرد وبالصيف وبكل وقت ، ههههههههههههههههه يمروقت نتعيكز نقوم من الكنبة ولا السرير ودايم قبل نرجعنجيب للفندق إيش ناقص علشان ما نتكاسل تتزل مره ثانيه

توبليرونمعجبون بهذا.

أم احمد · 17-05-2021, 03:56 AM

اقتباس : المشاركة الأصلية كتبت بواسطة توبليرون

وقبل ما نروح سهرتنا

نشوف بناتي وين راحوو لازم متابعة بالسناب والتلفون

تريقوا في

GRANGER & CO

في منطقة نوتينغ هيل

ومتمشين بالريجنت ستريت

وغداهم في FLAT IRON

ورايحين كافيه CHIN CHIN

والحين صار موعدنا اللي بيروح بس انا وفرفر

بنروح بالباص ومرت علينا سيارة مريان ذكرنا بمسلسل بومريان

صعدنا الباص ومرينا على مجسم مضيء لراس الملكة

مرينا البيكادللي

وصلنا ساحة الحمام ونزلنا

ومشينا الى الشارع يسار ساحة الحمام الساعه 6 وموعدنا 7

رايحين المسرح اللي باللون الأحمر لندن كولسيوم لحضور العرض العالمي

احدب نوتردام

NOTERDAME DE PARIS

وهذا باب الصالة

والاعلانات

دخلنا وراوينا الموظف اللي يفتش الجناط ورقة الحجز قال اوكي هذا الاتجاه مكان قعدتكم

وبس يبيله نص ساعه يفتح الباب

حجزنا

رحنا في محل هدايا بالصالة كله عن عرض احدب نوتردام

كتاب شكبره

ديكورات اللوبي رهيبة

واللي بيصور وفي وحدة تصور بس احنا صورنا بروحنا

طلعنا ورحنا كافيه نيرو نريح ونشرب شي

بنتي خذت قهوة وانا عصير برتقال

رجعنا المسرح وصعدنا فوق وفي صالة قبل لا تدخلون فيها قعدات جذيه وتكرمون حمامات نظيفة جداا

قعدنا شوي وتاكدنا من وين ندخل

وبوستر لبطل قصتنا

والمسرح الضخم ماشاءالله

على فكرة المسرحية باللغة الفرنسية تعرفون الفرنسيين ما يهدون لغتهم

بس شوفو المستطيل المعلق فوق اعلى المسرح هذا شاشة ترجمة للعرض باللغة الانجليزية

حلوو وواضح والعرض اوبرالي تقريبا يعني الكلمات ما تزيد عن 8 كلمات

شايفين أنواع الأماكن

شوفو الديكورات

للحين الناس توها تدخل

الكراسي ضييجة تحس اللي جدامك قاعد بحضنك هههه يعني معقولة ضعاف لهالدرجة اللي صمم هالكراسي ودامه قديم يعني اشلون يقعدون مع تنانيرهم الفضفاضة قبل ...اذا احد بيمر لازم تقوم علشان يتصفط الكرسي وبعد يلصق فيك اللي بيمر

المهم قعدنا

شوفو المسافة واضحة بين الكراسي

تصميمات ملكية

بدا يمتلي المسرح

وهذه كانت قاعدة جدام بنتي يعني التسريحة وايد حلووة للمسرحية هههه اشوة انها تحت اول سطر

وهذه كانت قاعدة جدامي بالضبط قلت لها لو سمحتي ما اشوف من شعرج اذا تقدرين تغيرين مكانج لان أصلا مو مكانها

فقامت واقعدت جدام بنتي قالت بنتي يما هذه اهون من هذيج ههههه

هني بعد ما راحت جدام بنتي يعني ارتفاع شعرهم غير مناسب للي وراهم ههههههه دافعين فلوس بنشوف العرض والا بنشوف كشتج

وقت الاستراحة

الكافيه والحمام بنتي تقول مليان ورجعو الناس

فيديو من اليوتيوب لان ممنوع التصوير بالمسرحية

فيديو تصويري

العرض ممتع والصراحة الديكورات مبهرة تبهر الواحد يعني صج شي عجييييييييييب

خلص العرض الساعه 10

وطلعنا ورحنا لموقف باص يصير على امتداد الشارع يسار ساحة الحمام الطرف الاغر عند محطة مترو

وعلى ما يوصل الباص واحد ازعجنا بماصوله

فيديو للازعاج

شوفو درجة الحرارة

وهذا من تمشي ربعنا رايحين الاكسفورد ومتعشين بمطعم تركي بعد الجسر اللي بالاجور رود

هههههههههههههههههههه أهم شي الكشة والشوشة ما شاء الله كأنها شجرة والكراسي مصممينها للتعذيب الله لا ‏يضيق علينا لا في الدنيا ولا في الآخرة مستمتعين جداً يا أم حسين شوقتينا للسفر للندن بإذن الله سبحانه وتعالى نزورها قريب

توبليرونمعجبون بهذا.

أم احمد · 17-05-2021, 04:05 AM

اقتباس : المشاركة الأصلية كتبت بواسطة توبليرون

نكمل ...

بعد ما رجعنا الفندق سلمنا الاغراض للكونسيرج يوصلهم الغرفة
وقعدنا ننطر حسين باللوبي بنروح نتغدى معاهم

وصلوا وقالو يلا مشي قلت لهم قريب قالو اي قريب
وامشي معاهم هههه تعب فوق تعب
مشينا يمين الفندق

ورحنا سيدا يسار ويمين لحد ما وصلنا

ملكة سبأ

لقيتهم يطلعون صواني مدورة مغطبة بقصدير للسيارة الظاهر خليجين عندهم عزيمة

اخترنا هالطاولة

اشوة نظيف

حلوة التحف والديكورات من المباني الجبلية لليمن

ووصل اول طلب وهو الورق العنب

والماي امون

شايفين المطعم فاضي لان الوقت متأخر شوي

السيوف

طبقي برياني دياي لي

وطبق مرق خضار للعيال

وكبسة لحسين وزوجته وثاني لدانة

وفلفل

وطلبنا شاي احمر

حسين دفع وما عطاني الفاتورة
انا عجبني طبقي وهم عجبهم طبقهم وهذه ثاني مرة يتغدون فيه اهم
ورجعنا الفندق نريح شوي وراي مشوار بالليل
واما البنات راحو يكملون تسوق ويخلصون التاكس فري
....
يتبع المشوار الأخير لليوم

‏ ‏أعذريني غاليتنا أم حسين ‏على كثرة تعليقاتي فالتقارير ممتعة ومفصلة بشكل جميل الله يحفظلك عيالك وبناتك وأحفادك وأبو حسين ، دايم تقاريرك مميزة وجميلة وتاخذينا معاكي وتعيشينا اللحظة الله يبارك لكي

توبليرونمعجبون بهذا.

أم احمد · 17-05-2021, 04:28 AM

اقتباس : المشاركة الأصلية كتبت بواسطة توبليرون

وبعض المشتروات الحين نشوفها

من بريت المطار

سندويشات الفلافل اللي يسأل عنهم هذا شكلهم

وهذا الكيك بعد والبراوني منهم مع الشاي الإنجليزي

صوغة يوسف

ومن فورتونم

شاي وبسكووت

وعسل حق بوحسين

صورتهم بعد ما انفتحوا

وجنطة المطار الكاكاوات وشاي احمد

حلاو العرق سوس من البيكادللي مع

ولي

والخامات اللي شفتوهم

ومن ليبرتي

كروت تهنئة حق غنومة وحمادة

اللي يضحك نسيت اعطيه غنومة الا بعد أسبوع هههههههه

وحمادة بعد ما كمل سنة ربي يتمم على الخير

وهالكريم انصحوني فيه

وهدايا حمادة وزيونة

تشيلسي

وهالكلونيات من بريماك للخدم واخذت لي وحدة عجبتني ريحتها هادية

وهذه عطور فلوريا ستريت البنفسجية بالبرد احلى الحين قوية شوي

وهذا ايميلهم اليوم كل يومين يدزون ايميل لنا

ملابس الباليرينا من كوفنت غاردن

ورقة عنوانهم يقول طلبي اون لاين

وزيونة وهداياها مستانسة فيهم والواو عتدها ضروريه بس اصواتنا خلتني اسكر الصوت

بعض البطاقات اللي لازم اجمعها علشان الذكرى

هذا مال كواب الشموع الكوفنت غاردن

كتيب خصومات الاوت لت

والمخطط

المطاعم الموجودة

موقعهم

كتيب هارودز

برنامج المخطط بالموبايل

صرفنا قبل لا نسافر كان وايد نازل ياريت بالصيف جذيه

وبطاقة دك اند وافل

عنوانهم للي حاب يروح

كرت الشريحة

الاويستر الباص

ولازم احتفظ فيهم منو مثلي

وحسين وتعليقاته

والحمدلله على السفرة الممتعة مع انها قصيرة بس حلووة
ونتمنى سفرة ثانية لديرة ثانية ونسوي لكم احلى تقرير بس ادعوو لي بالفرج اللي يفرح قلبي قولو آميييييين

شكراا للجميع على مشاركاتهم الرائعه

الله يسهل عليك كل عسير ويفرج همك ويرزقك من الخير أضعاف ما تطلبين ويصرف عنك كل شر ، ما شاء الله على التقرير المميز والسفرة الحلوة شكراً لكي غاليتنا والله وكأني معاكم أصبحت من عشاق لندن من هالتقرير اللي يخطف القلب

توبليرونمعجبون بهذا.

توبليرون · 17-05-2021, 08:42 PM

اقتباس : المشاركة الأصلية كتبت بواسطة أم احمد

الله يسهل عليك كل عسير ويفرج همك ويرزقك من الخير أضعاف ما تطلبين ويصرف عنك كل شر ، ما شاء الله على التقرير المميز والسفرة الحلوة شكراً لكي غاليتنا والله وكأني معاكم أصبحت من عشاق لندن من هالتقرير اللي يخطف القلب

حبيبتي ام احمد
احلى ذكريات رجعتيني لها
تسلمين على التعليقات اللي ترد الروح
شكراا لذوقج الجميل واتمنى لج ولنا رحلات احلى وممتعه

aboatha · 08-10-2021, 07:47 PM

شكراً على التقرير الممتع اختي ام حسين ان شاء الله مسافر على لندن يوم 7/1 لمة عشرة ايام وش نصيحتك يالغاليه

توبليرون · 10-10-2021, 08:28 PM

اقتباس : المشاركة الأصلية كتبت بواسطة aboatha

شكراً على التقرير الممتع اختي ام حسين ان شاء الله مسافر على لندن يوم 7/1 لمة عشرة ايام وش نصيحتك يالغاليه

شكراا لذوقك اخوي
سفرة ممتعه ان شاءالله
والله نصيحتي استمتع بكل لحظاتك وجرب الباص وانزل في اي مكان يعجبك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
باقي على رحلتي اسبوعين .. ابي رايكم ف المخطط الموجود	Abo_saad	بوابة ماليزيا	3	07-07-2018 06:17 AM
تركيا في الشتاء	منار الحربي	تركيا	9	06-07-2018 08:05 PM
السفر قبل موعد الزيارة الموجود في الابليكشين ؟	MohseN	فيزا بريطانيا	2	18-08-2016 11:30 AM
سياحة في الشتاء	salah_aldin	بوابة المانيا	5	27-10-2015 03:21 AM