ونكمل نمشي ونمشي

وراح نروح للحاجز الاحمر هناك ونكمل يسار



عجبتني هالحديقه هاديه





وصلنا الحاجز ورحنا يسار وخلينا الحديقه على يسارنا





المباني هني غالية ومنطقة هاديه جداا انها منطقة مايفير
Mayfair الساعه الحين 1,30 الظهر








شوفو أسعار الشقق والفلل هني شي خيالي
اقل شي ب 2 مليون £







ادري ماتبين الاسعار بس تقدرون تدخلون موقعهم وتشوفونها





هذا شي بسيط في واحد بظ،ظ¥ مليون



اللهم يرزقني واياكم قصور في الجنه قولو آمين

واخيراا وصلنا محلنا

غويارد




طابور صغير بس النطره وايد
المحل صغير عبارة عن غرفتين مفتوحين على بعض وحده اللي فيها الجناط وباجي المنتجات من الجلود والثانيه اصغر فيها مكتب المحاسبين وراهم المخزن




ويدخلون الاشخاص اذا فضى واحد من البائعين علشان يكون معاك شخصيا
الطابور ولقينا كويتيات واقفين قبلنا قعدوا سوالف مع البنات





وانا قلت لهم ما اقدر اوقف ابي اريح وشفت دوار مقابلهم فيه مثل النافوره قعدت عندها




وقعدت هني اصور المنطقه هاديه






چابلت هالتمثال




طلع هدية من ايطاليا








فيه كنيسه وحديقه








صار لي موقف هني
ياني واحد افريقي يتكلم عربي مابي اقول اسم الدوله وقعد يطر ويتسول ويشرح ظروفه لي
عطيته ظ،ظ باوند وراح

بعد ما خلصنا واحنا طالعين رد يطلب مره ثانيه
قلت له خلاص توني معطيتك
قام يرد ويقول انتي شنو عطيتيني بس عشره باوند شنو اعمل فيها
قلت له قول الحمدلله والشكر وقلت للبنات امشوا عنه


يعني انت تطلب اخذ اللي يعطونك اياه الناس ليش تطلب اكثر ولا تحمد ربك

المهم بعد ما قعدت وصار وقت دخولنا للمحل رحت للبنات ودخلنا وشرينا ظ£ چناط بظ£ الوان
خلصنا وطلعنا
ودخلنا من جهة الحديقة










الشجر يابس من البرد





















وهذه كراسي نفس الوقف يحطونها اهل المتوفين ذكرى لهم واهداء للمكان









وغنومة مستانسه بجنطتها حق كتب الجامعه





عجبتني هالشيرة





وطلعنا شفنا هالكافيه يمه غواري للايجار








بعدها رحنا يمين والا احنا مقابل الهايد بارك ونزلنا بنفق وصعدنا على جهة الهايد بارك وركبنا الباص




ونزلنا عند الماربل آرش ورحنا نتغدى بمطعم مطلعينه البنات بالفرسكوير



وهذمدخل لساحة مطاعم بس المطعم اللي بنروح له مو من هني بلفة ثانيه
طبعا هذا شارع الاكسفورد الحين

MEAT LIQUOR

وصلنا مطعمنا في منطقة وست اند وستمنستر
الساعة 3










المكان ظلمة خفت بس اشوة شفت عايلة كويتية وعوايل اجنبية قلت لا الوضع عادي اشوة
نشوف المنيو













طاولتنا صارت تحت






هذه وراي صورتها وعكستها لكم




شوفو الديكورات جرايد قديمة
















وصل الحلوو اللي يبرد على الجبد









ووصل الطلب شوفوه بصينية وحدة










الاكل وايد ويشبع حييل ولذيذ

وهذه الفاتورة




وطلعنا من المطعم ورجعت الفندق وانا اخذت لي غفوة وبعدها سويت لي شاي واكلت هالكاكاوة











من كبر الممر ما اروح استكشف الفندق اتعب وهني مصورة لكم يعني ستاربكس اللي عند الاصنصيرات الاولى








اما البنات كانو حاجزين من الكويت موعد في صالون بيسون بدكير ومنكير راحو من طريجهم







يقولون عادي مو وااو بس الديكور حلوو


وربعنا كانو بالمباراة اللي انغلب فيها تشيلسي

بملعب الارسنال










رحت حق البنات في توب شوب اللي باكسفورد سيركس ومنها رحنا محلات اللي هناك ومنها بريماك
وهني ببريماك حاطين جهاز تطبعون فيه أي صورة من البرنامج مع كتابة الاسم واحرف عليها على تي شيرت





وعقبها قلنا بنروح نتعشى ببرت اللي يم الفندق الساعة 9 ونص
ويوم رحنا لقيناه مسكر
فقررنا نروح اللي عند الكمبرلاند ندور شوربة الجنجر ما حصلناها للأسف مخلصة

وشريت شوربة طماط ناقصها مجبوس هذا احنا نسميه دقوس طماط








ةتعليق حسين على جنجر شوت








وختام يومنا بصورة الماربل أرش








والى لقاء مع يوم جديد

يوم جميل جدا
ام حسين ليبرتي هالسنة وايد يمدحون العطور عندهم حسافه ماجربتهم ولامرة
عليها بالعافية غنومه الجنطه
مطعم ميت ليكوير وايد مدحوه بالسناب هالسنة والحمدلله انه عجبكم

بريت مااحب شوربة الطماط مالتهم صج كانها دقوس وايد ثقيلة
احب شوربة المشرون او الخضار

مستمتعين بالتقرير

ماشاء الله عليك
جميل جدا
كنت ابغي اسالك بخصوص النقاب هناك هل فيه مشاكل في المواصلات او المطاعم او في التعامل عموما

الأحد 20 يناير 2019
اليوم الثالث

منتدى العرب المسافرون
بريطانيا



اصبحنا وتجهزنا وحدة ورا الثانية



وطلعنا لبريت نتريق

تصعب الاختيارات ودي اجرب كل شي بس التكميم وعمايله











واخترت هذه الكرواسونة على ذوق بوحسين وامون وابوغسان
بالالموند ولازم كرواسونتي علشان ما استغني






الالموند حلوة وطعمها خيال بس انا من النوع اللي ما احب الحلو بالفطور يمكن حق العصاري ما تطوف

وهذه عاد الحب ما نتخلى عنها بناتي مثلي يحبونها



والحمدلله على كل النعم

رحنا بعدين الكوفنت غاردن نتمشى دام اليوم اهو الاحد













وغنومة تقول واايد برد








اول ما دخلت اعجبوني واخذت منهم صوايغ يحليلها لفتهم عدل وحطتهم ببوكسات ذربة








المكان حلوو ومزينيه حق التصوير بهالورود

كنت اصور الورد والا ايون أجانب قالو صورينا وصورتهم وهم صوروني بعدين












هالكرسي صورتهم بعد فيه وصوروني






الفرقة موجودة على طول




لازم يوقفون بالنص ما يخلونا نصور عدل



















دشينا هالمحل




نروح فوق المحل موجود




العاب وقصص قديمة




































ومن البرد قلدت البنات وشريت هوت شوكليت

















وهالصيني يقول للناس حطوا فلوس اول بعدين صورو بالعون ماهو عازف اذا بينطر الكل يحط له فلوس





شوفوه بالفيديو يقول لي حطي

">" type="application/x-shockwave-flash" wmode="transparent" width="425" height="344">
























وشرينا من محل العطور فلورا ستريت




وقدمو لي شاي







وهذه العطور الأربعة لنفس اختياراتي عطتني هدايا



اهم 8 أنواع والعلبة اللي فيها غراش مناسبة لحجم الجنطة اربع مع بعض اخذناهم انا والبنات خذوا بعد نفس الشي وكل وحدة تعطيها جيس بلون من اختيارها انا اخترت البرتقالي





ولما حاسبنا اخذت ايميلاتنا وكل شةي يدزون لنا عروضهم وسوالفهم
وشريت حق حفيدي حمد هذا الجوتي من مليسا ريحته حلاوو للحين موجودة الريحة











والعروض موجودة والزحمة بعد قامت تزيد والمشترى بعد يكثر


وقررنا خلاص نطلع لان حسين بيروح المباراة بين فولهام وتوتنهام بملعب فولهام
ترى واعد الريال اييب له التذاكر هني واخذهم منه هني




ومشترياته من هني




هذا اللي شراه










ورينا من جهة هالمحل طلعنا بنتغدى
عجبتني ديكوراته














وتقريبا وصلنا مطعمنا

ووصلنا مطعمنا اللي بمنطقة كوفنت غاردن

Nando,s










ديكوراته عجبتني










والمملحة للحين ما فقست





حاطين مغاسل بره علشان اللي بيغسل ايده بعد الاكل







طلباتنا كلها تقريبا نفس الشي جوانح الدياي والذرة مع الصحن الثالث اللي طلب عيش واللي طلب بطاطا مهروسة واللي طلب بطاط













اليوم الغدا على حسين دفع فما ادري بجم طلع الحساب وما صورت الفاتورة

طلع حسين وراح بتكسي اهو وزوجته علشان يروحون المباراة

واحنا اخذناها مشي بنروح نشرب شاي


وهذه من طريجنا

















لازم اتليقف واطل اشوف شنو في



وصلنا محلنا المنشود

FORTNUM MASON


























المحل كبير ماشاءالله وفيه مطعم وكافيه والمعروض انوااع من الشاي والبسكويتات والعسل والمربى وكيك وغيره
عجيب اخذت منهم شاي وبسكويت وعسل

وبعدين صعدنا فوق للكافيه بنشرب شاي




ماقدرنا نحلي بس بنت شرت هذا واكلناه بالفندق تحسفنا ما شرينا اكثر لذيذ



وهذا مكانا فوق يطل على الشارع







وهذا طلبنا كل وحدة نقت نوع شاي واللي معاه حليب يابو لهم حليب معاه




















">" type="application/x-shockwave-flash" wmode="transparent" width="425" height="344">


حاسبنا وطلعنا والا الباص يتاخر وما يمر وايد هني الظاهر شوفو الناس اشلون اكثروا






مرينا على سبيك كورنر







رجعنا نريح ونصلي والمغارب رحت مع دانة صيدلية سوبردرغ تااي عند الفندق







كنت ادور علاج سحري لالام العظام والمشي هههه ما حصلت واخذت من صيدلانية عربيه مقابل الفندق وبس اكلت حبة وحدة وقطيته ماخلتني انام مسكن قوي على الجسم ما استحملته


وعقبها رحت ادور شوربة الخضار من بريت ما حصلت الا شوربة بزاليا





وين بنروح نتعشى شوفوو الجزء الياي