تصدقين عمري مادخلت الا نادي ليفربول عشان محمدصلاح


يوم حلووووو حلووووو وزاد حلاوتة المول والهاردز


عروس لندن تجنن


خسارة الباذنجان مايسوونة كان مميز عندهم


ام حسين احنا في بريطانيا مدمنين على نيرو ءحبيب العائلة



بالعافية عليكم مااكلتوه وماشريتوه

ما شاء الله،، اللهم بارك..
لندن حبيبة القلب

تقرير رائع في كل تفاصيله..
من بداية السفر إلى الفندق ، ثم المطاعم والتسوق والرياضة.
الله يعطيكم العافية.

أول مرة أشوف لندن مب وايد زحمة
ما جد سافرنالها ها الفترة.. آخر مرة كانت في اجازة الربيع عندنا
أول شهر ابريل.. والمرة اللي قبلها كانت في شهر نوفمبر..
وكان شارع اكسفورد زحمة ما تعرفين تمشين فيه من الناس ما شاء الله.

متابعين وياج اليوميات الحلوة.

بالنسبة للصلاة في الطيارة..
حبيت ألفت انتباه المسافرين إلى نقطة يمكن البعض يغفل عنها،
إن اللي يصلي في الطيارة لازم يبدأ صلاته وهو واقف،
لأن القيام في الصلاة ركن،،
يعني يبدأ وهو واقف، وإذا تعذّر إنه يكمل وهو واقف لضيق المكان
ممكن بعدين يكمل وهو جالس على الكرسي.

أنا عادةً أصلي عند مخرج الطوارئ أو في آخر الطيارة،
أو اسأل المضيفين عن مكان مناسب للصلاة،،
بعضهم يسمح لي أصلي في المكان الخاص بجلوس المضيفين.
وأعتقد بعض شركات الطيران بدأت تخصص مكان للصلاة في طياراتها.

السموحة على هذه المداخلة،، اللي خطرت على بالي لما قلتي
إنج صليتي في الطيارة.
الله يتقبل منا ومنكم صالح الأعمال.