الشتاء اللندني

طوق الياسمين · 02-04-2019, 08:10 AM

تصدقين عمري مادخلت الا نادي ليفربول عشان محمدصلاح

يوم حلووووو حلووووو وزاد حلاوتة المول والهاردز

عروس لندن تجنن

خسارة الباذنجان مايسوونة كان مميز عندهم

ام حسين احنا في بريطانيا مدمنين على نيرو ءحبيب العائلة

بالعافية عليكم مااكلتوه وماشريتوه

سوسو الصغيرة, الشعباوي, توبليرون و 4 آخرون معجبون بهذا.

توبليرون · 02-04-2019, 07:51 PM

اقتباس : المشاركة الأصلية كتبت بواسطة طوق الياسمين

تصدقين عمري مادخلت الا نادي ليفربول عشان محمدصلاح

لازم اذا رحت مره ثانيه ليفربول لابد من زيارة النادي او مباراة لهم

يوم حلووووو حلووووو وزاد حلاوتة المول والهاردز

لازم المول وهاردز علشان التسوق هههه حريم

عروس لندن تجنن

يحليلها

خسارة الباذنجان مايسوونة كان مميز عندهم

اي والله حسافه

ام حسين احنا في بريطانيا مدمنين على نيرو ءحبيب العائلة

نيرو دخلناه يوم نروح فريدي بس هالمره ما رحنا له مره ثانيه بس بغلاسكو كنت مجربته حلوو بعد بس الغرام بريت بس الصراحة كافيهاتهم اغلبها حلوه

بالعافية عليكم مااكلتوه وماشريتوه

الله يعافيج يارب ويسعدج يام محمد

طوق الياسمين, عاشقة المطر, آخـــرفـــرصـــة و 2 آخرون معجبون بهذا.

الشعباوي · 02-04-2019, 08:02 PM

ما شاء الله .. يوم حافل .. وايد جميل و بارد -1

ما شاء الله عائلة كروية رائعة .. من آرسنال الى فولهام من ثم الى البلوز تشيلسي

ستاد ستامفورد بيردج و الجولة فيها جدآ رائعة مع تاريخ البلوز و الكؤوس و على رأسها الشامبيونز لييغ2012

و انا رحت لنادي تشيلسي عن طريق المترو (فولهام) .. ذكريات حلوة

و يا عيني على الهاردوز ... فريجنا ههههه ...

اتذكر مره من مرات كنت طالع من الهارودز و في أيدي اغراض و مروح من ورا الهارودز ..

وهناك سفارة الاكوادور .. والا اشوف مظاهرات .. وقفت اطالع .. اقول بلاهم ..

والا المظهرات عسب الخبله جوليان اسانج مال موقع ويكيليكس و كان لاجئ سياسي في سفارة الاكوادور ..

والا عيوز انجليزية من المتظاهرين طلبت مني اشاركهم و قالت لي ارفع صو هالمخبول اسانج ..

اونه شاركنا خخخ .. طبعآ رفضت ..قلت لها خوزي عن ويهي يا العيوز .. ف قالت انته من وين ..

قلت من الامارات.. و على طول نزلت انتقاد في الخليج ههههههههه ..

العموم حطيت ريولي و شردت قلت لا يطلعوني في التلفزيون وانا ما يخصني وحليلي

سوسو الصغيرة, توبليرون, طوق الياسمين و 4 آخرون معجبون بهذا.

توبليرون · 02-04-2019, 09:45 PM

اقتباس : المشاركة الأصلية كتبت بواسطة الشعباوي

ما شاء الله .. يوم حافل .. وايد جميل و بارد -1

ما شاء الله عائلة كروية رائعة .. من آرسنال الى فولهام من ثم الى البلوز تشيلسي

ستاد ستامفورد بيردج و الجولة فيها جدآ رائعة مع تاريخ البلوز و الكؤوس و على رأسها الشامبيونز لييغ2012

و انا رحت لنادي تشيلسي عن طريق المترو (فولهام) .. ذكريات حلوة

و يا عيني على الهاردوز ... فريجنا ههههه ...

اتذكر مره من مرات كنت طالع من الهارودز و في أيدي اغراض و مروح من ورا الهارودز ..

وهناك سفارة الاكوادور .. والا اشوف مظاهرات .. وقفت اطالع .. اقول بلاهم ..

والا المظهرات عسب الخبله جوليان اسانج مال موقع ويكيليكس و كان لاجئ سياسي في سفارة الاكوادور ..

والا عيوز انجليزية من المتظاهرين طلبت مني اشاركهم و قالت لي ارفع صو هالمخبول اسانج ..

اونه شاركنا خخخ .. طبعآ رفضت ..قلت لها خوزي عن ويهي يا العيوز .. ف قالت انته من وين ..

قلت من الامارات.. و على طول نزلت انتقاد في الخليج ههههههههه ..

العموم حطيت ريولي و شردت قلت لا يطلعوني في التلفزيون وانا ما يخصني وحليلي

ههههههههه ضحكتني والله
شكو بمظاهراتكم قول لها

النادي وناسه صار لازم كل سنه نروح له كان ولدي حسين عنده عضويه فيه

المشترى لازم من هارودز والا مانصير خليجين
مشكور على المتابعه المميزه

سوسو الصغيرة, الشعباوي, عاشقة المطر و 3 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
باقي على رحلتي اسبوعين .. ابي رايكم ف المخطط الموجود	Abo_saad	بوابة ماليزيا	3	07-07-2018 06:17 AM
تركيا في الشتاء	منار الحربي	تركيا	9	06-07-2018 08:05 PM
السفر قبل موعد الزيارة الموجود في الابليكشين ؟	MohseN	فيزا بريطانيا	2	18-08-2016 11:30 AM
سياحة في الشتاء	salah_aldin	بوابة المانيا	5	27-10-2015 03:21 AM