بعض الملاحظات من زيارتي لمصر + طريقة زيارة الاهرامات

Gunner10 · 25-03-2019, 11:24 AM

اقتباس : المشاركة الأصلية كتبت بواسطة جريح يوليو

هو واحد من اسوء الاماكن اللي ممكن تزورها في مصر بسبب اللي تشوفه من النصب اصحاب الاصطبلات بس يبقى زائر مصر لازم تشوفه ولو مره وحده

زرتها مرتين 2008 دفعت 120 تقريبا 88 ريال ومره 2015 دفعت 200 جنيه تقريبا 100 ريال لكل خيل وكان طالب 800 جنيه للاثنين حول 400 ريال
الاولى جديد وما اعرف نظامهم ان السواق له النص زي المراقص في كل 100 له 50 ومشت علي

والثانيه وداني السواق اصطبل الجابري وهو معرفه معهم ولهم ضحايا سابقين وانا هنا وقلتها سابقا خلك خشن معهم واوعاك تضحك معهم ياكلوك في لحظه من يوم دخلت في الاصطبل واصواتنا واصله المطار من الاستفزاز اللي شفته
البدايه استقبلني واحد لابس جلابيه وعمه وشنبه ابيض فارده شبر الا ربع قام ودخنلي غرفة انا ورفيقي ويفرجني على عطورات قلت ما ابي اشوف شي انا جاي من جده اكبر مركز عطورات في الشرق الاوسط شرقيه او غربيه وبدور عطر عندك؟ .. قال خذ فكره شممني عطر مخلط وطلع شين تروع ريحته فكس ابوفاس على عنبر خربان قلت (يــــــــــع) بصوت عالي عشان اضايقه وتنسد نفسه عن اي محاولة نصب ويقفل موضوع العطورات

المهم دخلني غرفه ثانيه فيها سبوره يشرح عليها لفة الخيل يوم قال 400 او 600 ناسي الاسعار بس طلب مبلغ مرعب لكل خيل قلت انت تستهبل على باله ان بجامله او بهابه تهاوشت معهم بس كان معي واحد من ابناء عمومتي سنه اولى مصر هو اللي ضغط علي والا كان بيرضون الخيل ب 50

اصطبل الجابري واحد من اكبر الحراميه في النزله ليش لان الناس برى يقبلون 50 ولا تتعدى 60 وهو يطلب 400 وبعض الاحيان 600 لما يشوفك خليجي وقال خلاص هم خفضو النص ووافق 400 وانا لازم اشوف الاهرام ورحلتي باقي لها يومين ورحت وانا والله مالي فيها رغم اني قلت اطلع وانا انتظرك هنا رفض
ومن القصص اللي تقهر ابناء عمومتنا عددهم اربعه او خمسه سنه اولى مصر يقول جابو لنا حنطور واخذو ما يقارب 600 ريال سعودي على لفه 45 دقيقه وقال خلاص المغرب اذن وقفلو السور ويقول شفنا الهرم من بعيد

ومره زرتها 2013 معي سواق مهبول فلوس يحسب الناس جهله اول ما نزلت في الاصطبل قال 250 لفه صغيره قلت انت شفت السياره هذي ماخذها بسواقها 200 جنيه طول اليوم وانت تقول خيل نص ساعه 250 المهم اوحش كلمه تسمعها في مصر (انت عايز تدفع كام ) لما تتفاوض مع واحد او تكسي او تشتري شي
قلت والله لو تقول ببلاش ما خذيته وخل حصانك يرتاح قم ياولد للسواق وهو يلحقنا عند السياره اللي انت تدفعه قلت لا لا والله لو تقول ببلاش ما طلعت

اقول القصص هذي لانه هو السيناريو اللي راح تشوفه 100% لما تزور الاهرام وتدخل اصطبل عشان تاخذ خيل

خلك ناشف وشديد والاسعار الان بعد التعويم لا تتجاوز 100 جنيه لفه ساعتين ونص او اطلع برى وراح تحصل ناس مع خيولها من غير اصطبل بنفس الاسعار 100 او 120 على الاقصى

شكرا اخوي على الاضافة الجميلة

تخيل انا طلب مني كم راعي الحنطور تخيل بس

1400 اخر شي اخذته بـ 200 جنيه وياريت ما ركب لانه عرفت ان مشي افضل المكان فيه مكان نزول لابو الهول الحصان يالله يشيل نفسه فما بالك شي عربه وعليه ناس اول ما شفت الوضع قلت للمعلم وقف وقف لا يفلت فينا الحصان ونزلنا تمشينا افضل

بخصوص العطور اول ما ركبنا المعلم بدل لا يعطينا معلومات عن الفراعنة صار يعطينا معلومات عن زهور اللوتس الي تدخل في صناعة العطور تذكرت سالفة محلات العطور فقلت للمعلم احنا ما نبي نروح حق اي محل فقال خذ فكرة بس قلتله ولا فكره ولا شي ما نبي نروح قال حاضر

فوق ما انا ماخذ العربه من عندنا يبي اكرامية نفسه نفس مراكب النيل تاخذه من عنده ويبي اكرامية غير المبلغ المتفق

آخـــرفـــرصـــة, توبليرون و جريح يوليو معجبون بهذا.

جريح يوليو · 25-03-2019, 11:55 AM

اقتباس : المشاركة الأصلية كتبت بواسطة Gunner10

شكرا اخوي على الاضافة الجميلة

تخيل انا طلب مني كم راعي الحنطور تخيل بس

1400 اخر شي اخذته بـ 200 جنيه وياريت ما ركب لانه عرفت ان مشي افضل المكان فيه مكان نزول لابو الهول الحصان يالله يشيل نفسه فما بالك شي عربه وعليه ناس اول ما شفت الوضع قلت للمعلم وقف وقف لا يفلت فينا الحصان ونزلنا تمشينا افضل

بخصوص العطور اول ما ركبنا المعلم بدل لا يعطينا معلومات عن الفراعنة صار يعطينا معلومات عن زهور اللوتس الي تدخل في صناعة العطور تذكرت سالفة محلات العطور فقلت للمعلم احنا ما نبي نروح حق اي محل فقال خذ فكرة بس قلتله ولا فكره ولا شي ما نبي نروح قال حاضر

فوق ما انا ماخذ العربه من عندنا يبي اكرامية نفسه نفس مراكب النيل تاخذه من عنده ويبي اكرامية غير المبلغ المتفق

بالفعل كلامك دقيق العامل او السايس اللي يطلعه معك معلم الاصطبل ياخذ منك ولكن ليس جبرا حبيت تعطيه كرما منك لاباس.. المشكله في المجرم معلم الاصطبل يطلع الخيل من الاصطيل بمية ومازاد له هو فيحاول ياخذ منك اي مبلغ ولا يقنع الا باكثر من الضعفين ويسالك اذا رجعت عطيت العامل كم عشان يقاسمه

اما بخصوص الرحله انا افضل خيل لك اذا كنتو شباب وبلاش من الحنطور عشان تاخذ راحتك في الركض وممتع بجنون

انا اخذ الخيل وانزل عند كل الهرم واربط الخيل في اقرب حجر ونصور ونطلع على الهرم كم درجه ونكمل للهرم الثاني واللي بعده حتى نوصل مقابر الفراعنه وغالبيتها خواجات وبتذاكر هذا هو جدول الرحله و الافضل تروح من شهر نوفمبر الى مارس صباحا او حتى بعد الظهر بس قبل ثنتين عشان تلحق تكمل لفتك قبل اغلاقها اربع ونص

الاهرام في وادي مقطوع ما حوله بنيان ودايم فيه رياح عاليه مثيره للاتربه متعبه ومثير للحساسيه والحراره في الصيف عالية جدا
واخيرا انا ترى اشجع الارسنال من 1999

آخـــرفـــرصـــة و توبليرون معجبون بهذا.

جريح يوليو · 25-03-2019, 12:03 PM

اقتباس : المشاركة الأصلية كتبت بواسطة hazim b

شكرا عادل للملاحظات المهمة
طريقة زيارة الاهرامات انت وضحتهة وسهلتهة بشكل ممتاز بحيث يبتعد الواحد عن اي مجال للنصب فيها.
ما اعرف ليش اغلب زوار الاهرامات يشتكون مع ان الطريقة للي يعرفها سهلة جدا .
شكرا مرة ثانية

لان معك سواق و يروح بك الى اصطبل يعرفه وله حقه هذا سبب المشاكل كلها

آخـــرفـــرصـــة و توبليرون معجبون بهذا.