السلام عليكم اخي متميز ..
وصلت البارح اخر الليل وتوني اليوم افتح المنتدى الحين قبل نص ساعه بس
اول شيء لاتخوف نفسك ابدا ابد والامور طيبه وممتازه ولا تخاف من شيء لان الامور كلها سهالات والناس اطيب من الطيب ..
رحت في جولتي الريفيرا الايطاليه وسويسرا والغابه السوداء ومدن مجاوره لها في المانيا ورحت جنوب التيرول الايطالي وجلست فيه 5 ايام هي الاجمل في الرحله وبشهادة ام علاء الله يحفظها والناس من احسن مايكون وماواجهت الا الابتسامه والكلام الحلو .. والله ان الناس الغثيثه هي العرب والهنود فقط لاغير ..
كالعاده اصلي في الحدائق العامه او قريب من الكورنيش او في زاويه في منطقة هايكنينج ولا احد يطالع .. لاتصنع لنفسك حواجز ماهيه موجوده وعلى راي المثل عند اخوانا المصريين "اللي يخاف من الجن يطلع له" ...
دخول ريفا من الطريق السريع ليس صعب وليس مخيف لكنه كنشاط يومي غير جيد فهو يستهلك الوقت ..
لازلت انصح بالسكن في التيرول الايطالي بالقرب من برونيكو او فالدورا او ضواحيهم وحتى ضواحي بولزانو ..

ريفا مافيها محطة قطار والاقرب هي ترينتو تقريبا ومنها بالباص الى محطة باصات ريفا

اخي متميز يجب ان تقرر ماذا تريد لتجنب التأخير في الترتيبات ..
انا سكنت في قرية بالقرب من برونيكو في مزرعه جميله واصحابها ناس طيبين جدا جدا جدا ومزرعتهم صغيره ومريحه ..
اسمه Oberlinderhof تقريبا
على اسم العائله .. رخييص ومعقول ونظيييف

انا سكنت في مناطق جميله في جنوب التيرول واجمل من هذي بالف مره لكن هذي بعد ممتازه وفيها كل الخدمات وعجبتني ورخيصه ..

الليله طلعت علي بتقريبا ب 88 يورو انا وزوجتي و 3 اطفال

6.5 سنوات
4 سنوات
2 سنتين


وكان ماعندهم نظام الكريديت كارد اونلاين ورسلت لهم اني ما اقدر امر البنك علشان احول قالوا لي خلاص مافيه مشكله ادفع كاش اذا وصلت وهذي من النوادر اني ادفع كاش فانا احط ميزانية السكن في البطاقه واخليهم يسحبوه ويريحوني من وجع الراس .. علدة الاوروبيين مايقبلوا الحجز بدون ضمان بس هالناس اتعاملوا معاي بثقه رغم انهم مايعرفوني وبطيب لاخر درجه . الله يجزاهم خير

حاول تشوفهم في بوكينج بيتهم نظيييف بس الفيو مو مره بس المكان هادئ وجميل ولطيف والاهم قريب من اماكن كثييييره مهمه ..

بس شوف ايش تبغى بالضبط وانا حاضر من عيوني وارتب لك احلى اماكن حتى لو تبغى اغير البرنامج اللي حطيته لجنوب التيرول القديم قبل رحلتي .. حاول تقراه مره ثانيه يمكن مع البحث تشوف مناطق قريبه ممتازه للسكن ..

انا بالانتظار