اخي متميز حتى لو كنت مشغول ماباخليك .. انا وعدتك اني اساعدك في تجهيز الرحله ولازلت عند كلمتي..
لما رجعت دخلناعلى التكييف لان الحراره في الخليج 50 وفي اوروبا وقت الرحله اكثر حراره صادفتني كانت 30 في المانيا وكان الجو كويس ومعقول جدا جدا ... هنا كأنه شواء

اول شيء افضل شريحه من وجهة نظري هي فودافون وكل مكتب لفودافون عروضه مختلفه بس لاتاخذ غيرها من تجربه عدة مرات وسنوات ..
TIM شريحتهم شبكتها ممتازه لكن النت ينتهي بسرعه ليش ما ادري
فودافون قوا لهم انك تبغى شريحه السوشل ميديا حقها غير محدود .. علشان تستخدمها براحه

ثانيا :
لازلت تقدر تنزل باالقطار في بولزانو وتسكن فيها 5 ايام تأجر سياره وتطووووف في جنوب التيرول .. حرام تكون في شمال ايطاليا ولا تمر جنوب التيرول ..
بيرغامو قريبه جدا جدا من ميلانو ولامعنى للسكن فيها وانت بتسكن في ميلانو اصلا كم يوم