استفسار

شهد الضياء · 16-04-2019, 08:13 PM

السلام عليكم
يسعد اوقاتكم
رحلتي ان شاء الله الى اذربيجان تاريخ25/4
كيف الجوو بهالوقت برد كثيير والا.. علماا اني انساانه برووده جدا
بس محتاره اخذ ملابس ثقيله او ملابس ربيعيه والا صيفيه خخخخ
مع اطفالي
وكمان في بواقي ثلج والا خلااص واذا فيه وين القاه وكيف اروح له
..
اذا ممكن تقترحوو علي جدول لتسع ايام ويكون في ترفيه شوي للاطفال
وسكن اجلس بباكو وااتنقل والا اسكن بمنطقه اخرى ووين افضل اسكن بقوبا والاقبالا

....
عندي ترانزيت طويل بالشارقه هل ممكن اطلع من المطار والا غيير مسموح ولا مره صادفنا ترانزييت طويل

alradadi · 16-04-2019, 11:00 PM

عليكم السلام

الجو بارد وفي اكثر بروده باوقي الثلج موجودة في اماكن كثيرة قمم الجبال اغلبها فيها ثلج

للاطفال ما فيه شي يستحق ذكرة والبلد متواضع بشكل عام و السكن في باكو وقبالا فقط 9 ايام اشوفها كثيرة 6 ايام مناسبة

الترانزيت يسمح لك بالخروج بس على حسب جنسيتك و اذا كانت جنسيتك يسمح لها بالدخول للامارات بدون فيزا او لديك فيزا اماراتية يسمح بالخروج عادي

شهد الضياء · 19-04-2019, 12:23 PM

شكرااا الردادي عالرد ناس تقول تستحق اكثر وناس تقول ماتسوى
...
نروح ونشوف ونحكم احتاج سائق يستقبلني وياخذني قبالا وقوبا
كل ماكلمت مكتب هنا قال خذي البكج كامل
اذا حد عندوو ارقام يعطيني والا موجودين هناك بكثره واقدر اتفق معاهم

alradadi · 19-04-2019, 03:13 PM

اختلاف الاراء هذا شي طبيعي في كل شي عموماً وقت سفرك هذا هو افضل توقيت لزيارة تلك الديار

السائقين موجودين بكثرة عند بوابة المطار ما يحتاج حجز يوجد باص يوصلك الى باكو الشخص في حدود 5 ريال الباص جميل وغير مزدحم التنقل في باكو استخدمي التطبيقات مثل اوبر و تاكسي فاي اوفر من السائق الخاص بمراحل صرف العملة من دخل باكو ارخص من صرف المطار بكثير ايضاً شرائح الاتصال من باكو ارخص من المطار

اتمتى لكم رحلة سعيدة

شهد الضياء · 19-04-2019, 03:45 PM

مدري الباص مع اطفال وخاصه وصولي بكون اخر الليل
طيب القى هناك سائق ومكاتب سياحيه توديني قبالا وقوبا؟؟

alradadi · 19-04-2019, 06:10 PM

صراحة ما اعرف الباص هل موجود على طول انه يتوقف في الليل عموماً التاكسي ما هو غالي سعره حوالي 20 مانات بس اذا شوفك ما تعرف يرفعون عليك السعر

بالنسبة للسائق خارج باكو احاول اني ادور لك رقم سائق لعلى لم احذفه

قبالا منطقة مرتفعه الجو فيها بارد الان احسبي حسابك بالملابس ولا تكثري عدد الايام فيها ترى ما فيها شي

قوبا ما تستاهل المشوار لو تحذفيها من جدولك افضل

بشكل عام البلد متواضع وما فيها شي خارج باكو واغلب من زار اذربيجان لم يكرر زيارتها مره اخرى

شهد الضياء · 19-04-2019, 07:12 PM

ههههه لاتحبطني تكفى مافيني اغيير باااخر الوقت واخطط واشيل واحط
الباص مستبعدته اهم شي في تكسي اخر الليل
قوبا انا مابي اانام فيها قلت زياره بس
وقابالا قلت ثلاث ليالي والباقي باكوو
الحين قبالا هي اللي فيها الجبل اللي فيه ثلج اهم شي ثلج اولادي ودهم. يشوفوه��
اي تكفي دور ابحث زين عن رقم السائق كلهم بكج والا مافي وتورطت��

alradadi · 20-04-2019, 12:13 AM

لا والله ما ودي احبطك بس هذا الحاصل عموماً انت وقت سفرك حلو بداية الربيع الانهار قويه والمراعي خضراء لكن بعد ثلاث اشهر من الان البلد ما يسوى حر وجفاف

قوبا تبعد عن باكو حوالي 210 كم والعوده مثلها يعني 420 كم مع طريق متهالك اعتقد انها فكره غير صائبه

نعم قبالا هي المنطقة المرتفعه وربما تجدي الثلج هناك

رقم السائق راح ارسلها لك ايوم بأذن الله

محب السياحه · 20-04-2019, 09:46 PM

رحلة موفقة بإذن الله
كل بلد ما يميزه عن غيره
وليس من رأى كمن سمع
يمكن هذا الجدول يفيدك

* *اليوم الاول*: الوصول
* *اليوم الثاني*: رحلة في مدينة باكو وزيارة القرية القديمة والتعرف على اهم معالم العاصم الثقافية والتاريخية
* *اليوم الثالث*: الخروج من الفندق والتوصيل الى قبالا وجولة بالمدينة
* *اليوم الرابع*: رحلة في مدينة قبالا والتمتع بالمناظر الرائعة والاجواء الباردة ، زيارة التيليفريك وبحيرة قبالا ومركز الرماية ..
* *اليوم الخامس*: رحلة الى قرية شاكي اوغوز وزيارة اهم معالمها
* *اليوم السادس*: الخروج من فندق قبالا والنقل الى باكو والتوصيل الى الفندق وجولة بالمدينة
* *اليوم السابع*: رحلة الى ابشرون وزيارة متحف النار وايضا زيارة مركز غلييف
* *اليوم الثامن*: الخروج من الفندق والتوصيل الى المطار

شهد الضياء · 22-04-2019, 11:21 PM

الرادادي ومحب للسياحه الله يعطيكم العافيه..

لقيت سائق ياخذني من باكووو الى قبالامن تاريخ 26/الى29
مع الجولات 1350 اشوف السعر كويس والا ايش رايكم؟؟