واو حلوه وايد منطقة سُفران

احس وانت تتمشى تشم ريحته

المطل روعه
والفندق ممتاز

مندمجين معاك


Sent from my iPhone using Tapatalk

ماشاءالله الطريق روعه
ماكانت بهذه الخضرة في شهر 8 اغسطس
كان اصفر وذابل في غالبه الا بعض الجبال
وكان اخضر جميل مابين صفران بولو وكستمونو
خاصة الطريق الريفي الي يمر بقرى جميلة منها افلاني ودداي
قرى رائعة فيها بحيرات ومسطحات خضراء لكن اغلبها طبيعة بكر
مافيها مرافق وتجهيزات , واعتقد احلى وقت لها شهر ابريل ومايو 4 و 5

بخصوص الفندق انا رحت لصفران بولو بدون حجز مسبق
لأنني كنت ناوي على فندق في اريافها لكن خاب ظني فيه
ثم نزلت للمدينة ودخلت بعض فنادقها القديمة وهي مثل البيوت الي صورتها من المطل
معظمها تم تحويله الى متاحف و فنادق ، ممتعة التجربة للي يحب التاريخ ويبي يعيش اجواءه
لكن كانت الغرف وايد ضيقة ومافيها تكييف ماسكنا فيها وطلعنا ندور على فندق من طراز جديد

ودلونا على الهيلتون الي سكنت فيه انت , لكن كان فل للأسف
نزلنا في فندق اسمه Baglar Saray قريب من الهليتون
جيد يعني اقل من الهيلتون لكن المهم الغرف مكيفه والطاقم متعاون
وفي مواقف خاصة ومع الافطار كانت الغرفة الثنائية 150 ليرة

المطل جميل احنا رحناه اول الصبح تقهوينا وصورنا ومشينا
كان ودي انزل السوق الشعبي واشوف المدينة اكثر لكن الي معاي مايشجعون للأسف

صار لي موقف اني ماعرفت وين مكان المطل بالضبط فكنت اتبع قوقل ماب
ودخلني وسط بيوت وشارع ضيق جداً , لدرجة نزلوا الشباب من السيارة عشان يشوفون تقدر تمر السيارة فيه ولا لا .
الافتات ماكانت واضحة ومثل ماقلت المواقف عشوائية .

يمكن لان السياح الأسيويين - وهم اكثر فئة يزورون هالمدينة - والسياح الاتراك يجون مشي من وسط المدينة او في باصات سياحية.

توفقت في اختيار التوقيت , الاجواء الباردة تشجع اكثر
ما أنصح حد يروح هالمدن في الصيف , اغلب مبانيها بدون تكييف

اسمحلي على التعليقات الطويلة
نترقب التكملة

استمر اخ نواف
اتفق معك الاطلاله اهم من الشاي
ههههههه