السلام عليكم
اسعد الله
صباحكم/مساءكم
بكل الخيرات


اخواني واخواتي
عندي استفسار


الا وهو اني افكر اسافر بشهر 7 ميلادي ، اي بعد شهرين ونص تقريبا
ومحتار ماحددت الروحه الاكيده للحين
افكر في سويسرا وخاصه انترلاكن كجهة رسميه وبعدها سواء زيلامسي وماحواليها وكذلك المانيا
طبعا الرحله تقريبا اسبوعين او تزيد قليلا
والرحله لزوجين وطفلين (9) و (4) سنوات


اتمنى اشوف اقتراح حلو
وهل الوقت يمديني ولا متأخر بالتخطيط للسفر

وعليكم السلام ورحمة الله

يمدي ليش مايمدي

رايي تأجر سياره وتنطلق على راحتك

حدد الدول اللي تناسبك وحط خط مسار مناسب وتتسهل الامور ان شاء الله

خطتي تقريبا
جنيف
انترلاكن
ومحتار بين المانيا او النمسا صراحه
لانه ودي امر على زيلامسي وماحواليها

هل تنصحوني ذهاب وعوده من جنيف
وخاصه اني بقعد 20 يوم تقريبا

تأجير السيارة والتذاكر يصير سعرهم أغلى اذا كان الوصول لبلد والمغادرة من بلد آخر
سويسرا أغلى من النمسا ومن المانيا خلها في بالك
النمسا والمانيا تغني عن سويسرا من وجهة نظري

ممكن وصول ومغادرة ميونخ
وبكذا يكون سعر التذاكر وايجار السيارة ارخص
ومنها تنطلق الى الريف الالماني قارمش
وتزور زيلامسي

يعني ممكن مخططكم يكون كالتالي :


ميونخ 1 يوم
زيلامسي 4 يوم
انترلاكن 4 يوم
فرايبورغ 3 يوم ومنها تزوروا يورب بارك للاطفال
ميونخ 2 يوم


للعلم بين زيلامسي وانترلاكن حول 500 كلم بس طريق ممتع
في طريق العودة من فرايبورغ ممكن تمروا على الاوتلت الشهير في شتوتغارت


https://www.outletcity.com/en/metzingen/brand-outlet/

مشكورين ع تفاعلكم


بس بسالكم
هل ينفع تكون رحلتي
ميونخ
زيلامسي
انترلاكن
فرايبورغ
ميونخ


ولا راح تكون متعبه بعض الشي

ياليت تفيدونني
لاني ودي اخلص شراء تذاكر الطيران خلال هالاسبوع ان شاء الله
تنصحوني اخليها الرياض ميونخ الرياض
طبعا الذهاب بتاريخ 28 - 6
العوده بتاريخ 12 - 7

الرجاء الرد تى اقوم بالحجوزات
علما ان المسافر زوجين فقط بدون اطفال