.

ياهلا ومرحبا اختي فني
منوره البوابه

بخصوص مدينه اكسفورد هي دراسيه اكثر منها سياحيه
كل مدينه في بريطانيا احلى من الثانيه
واكيد اكسفورد تغيير عن لندن
لكن ماتصلح اكثر من يومين كسياحه

انا اقترح عليج تكون رحلتج مانسشتر والتنقل بينها وبين ليفربول لقربهم من بعض
وبعدها الى بلاكبول والبحيرات ويندر مير وان شاء الله راح تستمتعين بهالمناطق
وتقدرين ايضا تروحين مدينه العاب التون تاور قريبه منهم

لكن مايمنع لو حبيتي تزورين اكسفورد مرور على السريع لو هي بخاطرج

اي أستفسار او توضيح انا حاضر

[SIZE=4]الف شكر لك

أختي الفاضله لندن بالصيف للاسف العام الماضي حر جدا علينا والشقق لا توجد فيها تكيف وانا سكنت في شقق توجد فيها تكيف نظام عقد

انصحج تروحين بلاك بول اربع ايام ويومين برايتون الصيف الماضي كان عندهم مهرجان العاب ناريه وطيارات عروض

مانشستر حلوه في مجمع تجاري ممتاز والاوتلت عجيييب

العفووو فني حاضرين لج الله يسلمج
ويجزاج بمثله يارب

بالعكس خذي راحتج با الاسئله اي شي بخاطرج



اها حلو يعني زرتي مانشستر على السريع و الويندرمير

بخصوص بلاك بول صغيره وحلوه وفيها حركه واجوائها عجيبه
والزين فيها كلشي جنب بعض
كلشي على الكورنيش اربع مدن العاب على البحر نفس نظام مدينه برايتون
والاسواق جنبها والاكواريوم والحديقه العجيبه ورى السوق
يعني كلشي بنفس المكان
حتى لو يوم واحد تخلصينها كامل

ليفربول مدينه حلوه وفيها اماكن ومباني حلوه حق التمشي والتسوق والسياحه
طبعا مب مدينه حق طبيعه

الوالد الله يعطيه الصحه والعافيه يمكن يقصد مدينه لانكستر
ومدينه لانكستر شمال غرب فوق بلاك بول

انا اعرف طريقتج بالسفر
بعطيج مخطط ينفعج انتي بس

اتحبين تتنقلين من مكان لين مكان وزيارات سريعه لكل مكان

انزلي في لندن وعلى طول الى اكسفورد
ومنها الى ليفربول
وبعدها لانكستر ومن لانكستر تقدرين تروحين بلاكبول وترجعين
يعني بلاك بول بالوسط مابين ليفربول ولانكستر

اذا مبدئيا اوكي
بسوي لج خارطه تشوفين المناطق بالضبط والمسافات بينها

بخصوص ان الويندر مير انها ممله في المغرف اكيد لانها تعتبر قريه وبحيره
غير عن طبيعه المدن ليفربول واكسفورد راح يكون الوضع غير


اذا لج خاطر في ويلز ماقد رحلت لها
اهم مدينتين فيها كارديف و سوانزي
مش بعيده كثير عن اكسفورد

شوفي شنو بخاطرج

أختي نسيت شئ مهم كم عدد الايام السفره عشان نحدد لج في مناطق قريبه من لندن تستاهل الروحه من الصبح الي المغرب للحين محد يعرف المناطق القريبه رحت الصيف اللي طاف شفت خليجين قليل جدا

،

القطري

[SIZE=4]شكرا شكرا على هالاجابه ماقصرت]

العفوووو فني
جزاج الله خير على الدعوه الحلوه ولج بالمثل ان شاء الله

بلاك بول تنفع للصغار والكبار
وخاصه اخر مدينه العاب الكبيره اشوي فيها لعبه البيبسي
دايم الكبار يلعبونها ههههه
بلاك بول ممتعه جدا وخاصه اذا الجو مغيم يعني تنفع لزياره والعوده بنفس اليوم يعني نهار كامل

اها ماشاء الله اكيد مدام عاش فيها له ذكرى طيبه وعارفه المدينه شنو فيها ومافيها اكثر منا

العفووو اي تشاوري وشوفي الي يناسبكم
اذا بغيتو المسافات بالسياره او بالقطار بحطها لكم
وهذا مخطط لجميع المناطق المذكوره
الوصول لندن افضل للذهاب الى اكسفورد وباقي المناطق شمالا
والعوده من مطار مانشستر

وتقدرون اذا شفتوه تعب عليكم تلغون اي منطقه تبغونها
انا حطيت لج الاماكن كلها للتوضيح


العاب



بالتوفيق ان شاء الله

القطري ،،،، شكرا على الاجابه