السلام عليكم ورحمه الله وبركاته
عندي حجز لسريلانكا حبيت اخذ رايكم في بعض الامور
اولا راح يكون عندي 11 ليله راح يكون منها 3 ليال بالمالديف اذا سمحت الميزانيه
وقت وصولي تقريبا راح يكون الساعه 10 صباحا وقلوا لو حسبنا التاخريات والذي منه راح يكون 1 او 2 الظهر

سؤالي هل اروح لكاندي مباشره واستغل الوقت ولا نيقمبو ليله وبعدها كاندي
ايش رايكم قسموا لي اليال على كاندي ونوراليا وكولمبو. لانك شايفين ايامي قليله ولا ابغى ازيد مدن وتروح الرحله في التنقل بين المدن
هل 3 لياال كاندي
و 3 نوراليا
و2 كولمبو
طبعا انا ابغى كولمبو للتسوق وحديقه الحيوان وكذا لان معي اطفال

كم المسافه بين نوراليا والمطار اذا كنت ساذهب منها الى المالديف ثم تكون محطتي الاخيره في كولمبو ومن ثم الرحيل الى ارض الوطن
وابغى منتجعات بالمالديف تكون قريبه من العاصمه حتى يكون النقل اليها بسعر اقل


اذا كان هناك مقترحات اخرى ارجو تزويدي بها

وعليكم السلام ورحمة الله وبركاتة

حياك الله اخي العزيز

بالنسبة للمالديف فلها البوابه والخبراء الخاصين فيها هناك وبيفيدونك فيها أكثر مننا ان شاء الله

اذا تبي رايي الشخصي انا اشوف تخلي سفرتك بس سريلانكا احسن لسببين

السبب الأول هو قلة الأيام لان سريلانكا تستاهل أكثر

والسبب الثاني هو معاك اطفال فشنو بيسوون بالمالديف ؟ المالديف حق شباب او زوجين فقط اما اطفال فما راح يشوفون غير الماي

انا الصراحة احب اعرف رايك بهالشيء واذا مصر انك تروح المالديف أو لا بعد هالكلام عشان اعرف شلون اسويلك جدول مناسب سواءا المالديف موجوده او لا

تقبل تحياتي

انا حبيت اروح لها لاني ماراح اروح لمها لحالها بعدين فبختصر الموضوع لانها حدها يومين ثلاثه
فانت عطني رايك ومخططك معها وبدونها لاني قلت حسب المزانيه

وانا كلمت مكتب سياحي هناك وعطاني بكج للايام بسزلانكا
لكن مدري اذا سعره مناسب ولا لا. وهل فنادقه كويسه ولا لا

20-21/09/2015 Negombo Jetwin Hotels?or Goldysand hotel 1 nights
21-22-23-24/09/2015 Kandy Grand Kandy hotel/Cinnamondcitidel Hotel 3nights
24-25-26/09/2015 Nuwara Elia Aralia Green Hills/St Andrews/ hotel 2 nights
26-27-28-29/09/2015 To maldieves sland3 nights
29-30-01/09-10/2015 colombo The kings burry /Galadari hotel 2night
01/10/2015 Departure
Price Transport {A / c/Car*/2Adults +two children 4&3 years
Hotels 1double room according to your
package children less than 2 years free meals only for; > 2Adults chiuldren === *=
Price =========1996/=USD$ meal plane Breakfast +Dinner H /B Only

طبعا مع السواق

واذا عندك مكاتب سياحيه ثقه ممكن تعطين اياه عشان افارن الاسعار

يا هلا

طبعا الجدول الي اشوفه فنادقه رخيصه ما عدا كنقز بيري وسينامون سيتادل مستواهم جيد جدا

من ناحية الجدول انا بعطيك اقتراح كامل لسريلانكا فقط الآن واذا حبيت تروح المالديف والميزانيه ضبطت معاك نقص 3 ليالي من هالجدول

3 ليالي بنتوته
3 ليالي نوراليا
3 ليالي كاندي
ليلتين كولومبو

شوف رايك وردلي

جدولك اعجبني ممكن تعطيني اقتراحتك للفنادق

كم الميزانيه ؟ لان ميزانيتي محدوده

هل تنصحني بمكاتب سياحيه او اتفق مع سواق يحجز لي الفنادق
لاني حسيت سعر البكج اللي فوق كثير مبالغ فيه
هل ممكن احجز بدون وجبه عشا. واذا رحت وعجبني عشاء الفندق ادفع للاكل

والله صعب اعطي أسعار لان الاسعار متقلبة ومتغيرة

بالنسبة للحجز يا اما تحجز بنفسك من النت أو تشوفلك مكتب مجرب ومضمون هناك ولا تحجز من السواقين الي مو تابعين للمكاتب

لان المكاتب هناك تخاف على سمعتها والفنادق يدلعونهم على عكس لما سايق يحجز لك بنفسه

والمكاتب الي هني عندنا لا تقرب لها اسعارهم عاليه وما تقارن بالمكاتب الي هناك

اما بخصوص حجز العشاء انا لا افضل حجز العشاء من ضمن الباكيج عشان تعطي نفسك خيارات تاكل برا او من التعب اصلا ما تاكل بالليل يعني لا تدفع لشيء انت مو واثق تسويه

السلام عليكم
بالنسبة للفنادق المعروضه عليك من البكج السابق
أحدها فندق كينق سبري اللي ب كولومبو
ياليت انك ماتحجز فيه للأسف خمس نجوم ولكن لديهم تعامل سيء مع العرب
وانا اقول لك اني قرأت التعليقات عنه في بوكينق وكانت مرضيه لكن لما ذهبت بنفسي بغو ينصبو علينا لولا الله ثم اني كلمت المسئولين في بوكينق
وبعد ما طلعنا من الفندق دخلت اكتب رأيي ببوكينق ولقيت اننا لسنا العرب الوحيدين اللي اتضررنا من الفندق
نصيحه لوجه الله لا تحجز عندهم