السلام عليكم ورحمه الله وبركاته :

اولاً //
اتقدم بالشكر الجزيييل لكل القائمين على المنتدى لما يقدموه من
تقارير ومعلومات دقيقه ومفيده ومن ردود على كل الاستفسارات
وشكراً من القلب قليلة في حقكم والله لايحرمكم الاجر .

ثانياً //
تقول الشاعره الغاليه تايلند لكل محبينها وعشاقها :

استخرت الله وبرجع استخير
كان فيك الخير ماتبعد ابد

وكان فيك الشر يمحاه ويصير
فيك خير وماتسافر لغيري ابد 😏😂


اعتذر ع الاطاله بس ع قولة المصري لازم نسوي احمائه شويتين 😍👌🏻

..........
.......
....
...
..
.

- سفرتي : عائلية انا وزوجتي فقط
- مدة السفره محتار اخليها 10 ايام الى 14 يوم
- تاريخ السفره الذهاب بـ 27 يونيو 2019 القادم بتذن الله

للامانه تابعت تقارير كثيره في المنتدى وفي اليوتيوب لين وصلت الى قمة الحيره
ومحتار بتوزيع الايام ومن وين ابدا فـ بطرح عليكم الاسالة واعتذر لكثرتها وعل وعسى تفيدني وتفيد اللي

بحكم انها اول سفره لي لتايلند :

1- كم المدة المناسبة للسفر الى تايلند 10 ايام او 12 او 14 ؟؟

2- ماهي انسب وافضل تقسيمه للايام على المدن ؟ هل اجعل السفره تقتصر على بوكيت وبانكوك وشنقماي بحكم انه انا
وزوجتي فقط واستبعد بتايا ؟

اتمنى توضحون لي تقسيم المدن على حسب الانشطه والفاليات .

3- هل صحيح ان جميع الانشطه اللي في بوكيت موجوده في كرابي ؟ وهل صحيح ان كرابي اسعار الانشطه منها ارخص من بوكيت بفرق كبير ؟

4- ماهي اهم الانشطه في شنغماي ، كرابي ، بوكيت ، بانكوك

5- السكن ماهي انسب الفنادق وافضلها من ناحيه الموقع والخدمات والسعر المتوسط ؟

6- المنتجعات ؟؟ لازم بنص السفره اخذ لي منتجع راحه واستجمام ومسبح خاص .. الخ
ماهو انسب منتجع برائيكم ومن واقع تجربتكم سواء في كرابي او كوه سمواي او بوكيت ؟

7- سفري عن طريق الخطوط الكويتيه الى بانكوك . مارائيكم في طيران الكويت هل هو مناسب بحكم الرحله طويله شويتين ؟
علماً ان سعر الخطوط الكويتيه الافضل والارخص لبانكوك ولكن مدري عنه والخدمات والراحه ؟

8- الصرف هل 10 الاف ريال سعودي من فير قيمة التذاكر كافيه لمصاريف
السفره مدة 10 ايام الى 12 يوم شامله اكل ومواصلات وسكن وانشطه ؟


اخيراً وليس اخراً
يعلم الله اني مستحي على كثره الاسئله والاستفسارات وودي بكم استفسار عشان تكون السفره ناجحه ومرتبه
لكن هذا اللي بخاطري وان احتجت شي انتم خيركم سابق وماتقصرون

والمجال مفتوح للي بينصح او يذكرني بشي من واقع تجربتكم
وصلى اللهم على نبينا محمد وعلى اله وصحبه اجمعين