السلام عليكم ورحمه الله وبركاته ,,,

طبعا قبل لا أكتب الموضوع قريت تقريبا كل التقارير عن جنوب أفريقيا

مثل مواضيع آخرفرصة وأم نوف الخ

بس حابة أسال أكثر لأني متخوفة بعدني وأحس الموضوع صعب
السفر ( أنا وزوجي بدون أطفال ) ف محتاجة أماكن تكون رومانسية
وأنا من الإمارات الاغلب كاتب عن السفر من السعودية

أحب أسال عن:

1- الفيزا : هل ضروري إنه حد منا يشتغل( أنا وزوجي ) لأنه نحن مانشتغل وعندنا مصدر دخل آخر ؟ لأنه من المتطلبات هذي الورقة ؟ حد يعرف شو الأوراق المطلوبة بالضبط وهل استخراجها سهل؟

2- شو عن التطعيمات؟ خصوصا الحمى الصفراء؟ حد يقول لازم وحد لا ف أنا تشتت مب عارفة لازم ناخذ ولالا؟ سألت مال السفريات يقولون لا إلا إذا زرتي الدول الموبؤة صحيح هالشيء؟ هل جربتوا حاليا في سنة 2019

3- هل السفر في شهر يوليو وأغسطس عادي أم الجو غير محتمل ؟ لأنه ماعندي وقت إلا هالشهرين وأنا أصلا ابغي الجو البارد بس القصد هل كل النشاطاات متاحة أم أغلبها مسكر؟ إذا النشاطات متاحة ماهي؟ وإذا لا هل مابنستفيد من السفرة ؟

4- ماهي المناطق الغير آمنة في جنوب أفريقيا؟ يعني المدن أو القرى اليي مانزورها بسبب عدم الأمان أو الأمراض؟

5- وين الأماكن اللي فيها أكواخ و أجواء رومانسية ساحرة ؟

6- أبغي ازورها لمدة 12 يوم ف كيف الترتيب؟ يعني أبا مدن قريبة من بعض مع كيب تاون مابغي 5 او 6 ساعات سفر فقط ساعتين اقصى شي ؟ ف منو عنده خطة ؟

مافي ولا رد ��

وعليكم السلام ورحمة الله وبركاته

هلا أختي.. إن شاء الله بردّ على استفساراتج

1- إذا عندكم أي رخصة تجارية ممكن تحطون صورة الرخصة وصور جوازات الشركاء في الرخصة
و كشف حساب البنك للشركة لآخر 3 شهور،
مع رسالة من الشركة إن مصاريف السفر بتكون من حساب الشركة.
أو أي إثبات يخص الدخل الشهري اللي عندكم.

هذا رابط موقع التقديم

South Africa Visa Information In UAE - Home Page


وهذا رابط صفحة الأوراق المطلوبة

http://vfsglobal.com/southafrica/uae...st-tourism.pdf


واستخراج الفيزة سهل وما ياخذ غير اسبوع،
بس المهم تكون الأوراق كلها كاملة وتاخذون موعد قبلها من الموقع.


2- ما يحتاج أي تطعيم قبل السفر لجنوب افريقيا،
مثل ما قالولكم المكتب السياحي ها التطعيم للأشخاص اللي يايين من المناطق الموبوءه بهذا المرض.

وللعلم، ما في داعي تتعاملون ويا أي مكتب سياحي،
ممكن بروحكم تحجزون التذاكر والفنادق وتقدمون على الفيزة.

بتحصلين في تقاريري الثلاثة المثبتة في البوابة كل المعلومات اللي تبغينها.


3- كل سفراتنا لجنوب افريقيا كانت في شهر أغسطس، والحمد لله استانسنا وسوينا كل النشاطات.


4- سفركم بيكون من دبي لكيب تاون (مثل ما نحن سافرنا)، وهي مدينة آمنة،
والبلد تعتبر آمنه بشكل عام، وأنا ذكرت ها الشي في تقاريري.


5- الأكواخ غالبا في المحميات، وأقرب محمية لكيب تاون على بعد ساعتين

https://aquilasafari.com/


6- خسارة إنكم ما تبغون تزورون منطقة الجاردن روت،
مع إني حاطة في أحد التقارير جدول ل 12 يوم يشمل الجاردن روت،
بس إذا ما تبغون تتنقلون لمسافات طويلة، فممكن يكون جدولكم

كيب تاون 4 ليال
المحمية 2 ليلة
هيرمانوس 2 أو 3 ليال
كيب تاون 3 أو 4 ليال

وممكن ترجعين لتقاريري وتحددين النشاطات والأماكن اللي تحبون تزورونها.

وإذا استقريتوا على توزيع الأيام ممكن أعطيج مقترحات للأماكن اللي تزورونها في كيب تاون.

ولا تنسون الاستخارة قبل أي شي، والله ييسر أموركم

الأخت الكريمة أم نوف كل الشكر لكـ على إفادة صاحبة الموضوع وإفادتنا نحن كذلكـ

أنا أول سفرة لي إلى دولة جنوب أفريقيا - كيب تاون ، ستكون بمشيئة الله في شهر سبتمبر

ولا أعرف من وين ابدأ ، وحسب ردكـ أنه ما يحتاج أنسق للرحلة من خلال مكتب سياحي

كيف الطريقة السليمة خصوصًا تنظيم الجدول هناكـ ؟

ممكن من خبرتكـ وتجاربكـ تفيديني من فضلكـ