شقق City Stop Manchester

MOHANAD · 01-04-2015, 10:05 AM

بسم الله الرحمن الرحيم

السلام عليكم ورحمة الله وبركاته

شقق في مانشستر

الموقع - السعر - النظافة - الغرفة - التعامل – الخدمات – صور

City Stop Manchester

الصوره إهدا للكل قبل نبدأ

الموقع:

موقعها جميل جداً وسط المدينه
و يقع بجانبها الـ Printworks
و خطوات فقط من مركز التسوق (مول) Arndale
ومسافة 5 دقايق من محطة القطارات و الباصات Manchester Victoria
وكل شي قريب منها سوبرماركت ومطاعم
ويقع ملعب نادي مانشستر سيتي مسافة ميلين

الموقع على Booking
https://www.booking.com/hotel/gb/cit...=total;ucfs=1&

الموقع الخاص بالشقق
Manchester Hotel Apartments

تسجيل الوصول وتسجيل المغادرة :
الاثنين 13 يناير 2014
الى
15 يناير 2014
يومين

الغرفة :
شقة لشخصان بالغان لكن يوجد بها غرفة نوم وشبه غرفه اخرى فيها سريرين للاولاد

السعر :
123 باوند = 677 ريال سعودي

النظافة :
7.5/10

التعامل :
التعامل عادي جداً

الخدمات :
ليس هناك خدمات تذكر

الصور:
للاسف لقيت فقط ثلاث صور والباقي اخذته من مقطع فيديو انا مصوره للشقه فبعض الصور ممكن تكون مو واضحه

المدخل

اول شي على اليمين غرفة النوم

بعدها يمين دورة المياه اعزكم الله

بعدها تجي الصاله مع المطبخ

ويجي فنفس الصاله درج يطلع فوق وفيه سريرين صغيره للاولاد الي ذكرتها سابقاً شبه غرفة نوم
اعجبتني لانها زي نظام الاكواخ

الدرج جدا ضيق وخطير ممكن الواحد يطيح فما يصلح للاطفال الصغار مره

رآيي الشخصي :
الشقق مصنفه 4 نجوم وما اشوفها تستاهل 4 نجوم
محتويات الشقة حلوه من ناحية ادوات مطبخ الى ادوات غسيل
التصميم اعجبني
النظافه كويسه لكن بعض الاسره ما كانت نظيفه للمستوى المطلوب
خطورت غرفة النوم الي تكون فالاعلى من ناحيه الصعود والنزول
حلوه للعزاب والعوائل الخفيفين يعني الي عددهم 4 او 5
ولمحبين الشوبينق تصلح لهم لقربها من الاسواق
وللعوائل فقط تصلح فايام الاسبوع
الويك اند ما تنفع للعوائل ابد
والسبب اول ما تطلع من باب الشقق يمين ويسار بارات ونوادي ليليه وازعاج

فارس الجبيل · 01-04-2015, 12:25 PM

ياخي انت وردة البوابة

تقرير جميل ومرتب عن شقة جميلة وسعرها وموقعها رائع

لكن سؤالي ولو اعتبرته شخصي شوي لكن بعتبر نفسي امون ليش ماخذ شقة بهالحجم وانت لوحدك علماً ان مافيها خدمات والفندق افضل واونس وآمن ومعذور لو ماحبيت تجاوب فديتك

رعبوب · 02-04-2015, 08:56 AM

شكرا بو حميد والله يبارك فيك

نادي مانشتر وين مكانة بالضبط وكيف اقدر اوصل لة ومتي يفتح هل لة وقت زيارات معين

الشقة اشوفها معقولة ونظيفة ولا الصور معطتها اكبر من حجمها ورايك بمانشتر تستاهل الزيارة ام لا

MOHANAD · 02-04-2015, 09:40 AM

اقتباس : المشاركة الأصلية كتبت بواسطة فارس الجبيل

ياخي انت وردة البوابة

تقرير جميل ومرتب عن شقة جميلة وسعرها وموقعها رائع

لكن سؤالي ولو اعتبرته شخصي شوي لكن بعتبر نفسي امون ليش ماخذ شقة بهالحجم وانت لوحدك علماً ان مافيها خدمات والفندق افضل واونس وآمن ومعذور لو ماحبيت تجاوب فديتك

الله يسلم قلبك كلام اعتز فيه

والاجمل مرورك

و بخصوص سؤالك تمون يا بعدي ما عندك مشكله وكنت متوقع فيه احد بيسأله وحداني وشقه يثير الشبهات

والله يالغالي دايم اقارن اسعار فنادق وشقق فنفس المنطقه الي بسكن فيها والقاء الاسعار زي بعض او اختلاف فكم باوند
فأفضل الشقه لانها اوسع + اهم شي عندي نظافة الملابس الشخصيه وتكون مرتبه ومكويه

فما احب ولا لي خلق اروح ادور مغسله
وفالفنادق اسعار الغسيل جدا مبالغ فيها ولا اقتنع الا بشغلي وتنظيفي
وبنفس الوقت بعض الفنادق اذا جيت اصلي على كرسي من ضيقها اذا اخذت غرفه مفرده
ودايم اخذ شقق خارج لندن لان الاسعار شبه حلوه مقارنه مع الفنادق
وفي لندن دايم اخذ فنادق لان الشقق اسعارها فوق

MOHANAD · 02-04-2015, 10:07 AM

اقتباس : المشاركة الأصلية كتبت بواسطة رعبوب

شكرا بو حميد والله يبارك فيك

نادي مانشتر وين مكانة بالضبط وكيف اقدر اوصل لة ومتي يفتح هل لة وقت زيارات معين

الشقة اشوفها معقولة ونظيفة ولا الصور معطتها اكبر من حجمها ورايك بمانشتر تستاهل الزيارة ام لا

مهند الله يعافيك

وتسلملي

ونادي مانشستر سيتي اذا سكنت فالشقه الي فوق
تروح من محطة Manchester Victoria الى محطة Manchester Piccadilly
ومن محطة Manchester Piccadilly تاخذ الترام او يسمونه ميترو لينك الى محطة ترام ملاصقه بالنادي اسمها Etihad Campus

واذا صبرك طويل خليك فالترام( مترو لينك ) من محطه قريبه من الشقق اسمها shudehill الى محطه Etihad Campus

وهذي صوره توضح الشقه والملعب

مع العلم اني مشيت على رجولي الى الملعب علشان استمتع فالمنظار

ومانشستر تستاهل الزياره فقط من يوم الي ٣ ايام كحد اقصى
فيها ملاعب والتسوق فيها ممتع وفيه عندك كذا متحف ومن غير الاشياء الثانيه الي ممكن تزورها

والشقه حليوه ما عليها كلام

فيصل · 02-04-2015, 10:07 AM

شكرا علي ذكر تجربتك
ما قصرت

MOHANAD · 02-04-2015, 10:13 AM

اقتباس : المشاركة الأصلية كتبت بواسطة فيصل

شكرا علي ذكر تجربتك
ما قصرت

العفو يا بعدي
نورتنا

رعبوب · 02-04-2015, 02:09 PM

الله يعطيك الف عافية يالغالي وبارك الله فيك شرح وافي ماشاءلله علي حماسك

MOHANAD · 02-04-2015, 09:26 PM

اقتباس : المشاركة الأصلية كتبت بواسطة رعبوب

الله يعطيك الف عافية يالغالي وبارك الله فيك شرح وافي ماشاءلله علي حماسك

الله يعافيك ويسلمكـ يا بعدي
تسلملي
ونورتنا

أبو طلال* · 04-04-2015, 02:25 AM

شقق رائعه ونقل اروع لتجربتك المصوره

موضوع بيستفيد منه الكثير

تسلم على هالموضوع

مبدع وننتظر منك المزيد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مدينة الجليد Snow City في سنغافوره	silent_dove	بوابة سنغافوره	22	13-08-2019 08:06 PM
رحلتي لمدينة باقيو الخضراء ^_^ Baguio City	JAKALL	بوابة الفلبين	31	23-02-2016 04:43 PM
شقق في مانشستر Premier Apartments Manchester	MOHANAD	اوروبا	10	26-07-2015 10:38 AM
شقق في مانشستر The City Warehouse Aparthotel	MOHANAD	اوروبا	11	18-06-2015 03:03 AM
تقريري بالصور عن Outlet city Metzingen	bufahad	بوابة المانيا	31	22-04-2015 11:20 AM